Аҧсны Анаукақәа ракадемиа 2015 шықәсазтәи аҭҵааратә усура ехызшьалоз азеиҧштә еизара ду мҩаҧысит.

07.04.2016
658

Аҧсны Анаукақәа ракадемиа 2015 шықәсазтәи аҭҵааратә усура ехызшьалоз азеиҧштә еизара ду мҩаҧысит.  Уи  рҽаладырхәт Аҧсны аҳәынқарра ахада Руаль Ҳаџьымба, ихаҭыҧуаҩ Витали Габниа, аҧыза-министр Артур Амқәаб, атәыла анапхгара, аҵарауаа,  аинститутқәа русзуҩцәа.

Аҧсны Аҭҵаарадыррақәа Ракадемиа ахада  Зураб Џьапуа аилатәара  аартуа иҳәеит, амшхәаҧштә аҿы ишықәгылоу зҵаара хадак – академиа  ҩнызқьи жәохә шықәсазтәи аҭҵаарадырратәи аҭҵаарадырра-еиҿкааратәи аусура аҳасабырба. Зураб Џьапуа иқәгылараҿы иазгәеиҭеит,  аҳәынҭқарра аразҟы, аҳәынҭқарра уаҵәтәи аҧеиҧш, азнеишьа ҿыцқәа, аартра ҿыцқәа изырҟәымҭхо ишрыдҳәалоу.

Уи зырҵабыргуа ак акәны Зубар Џьапуа аӡбахә иҳәеит, Аҧсны ахада инаиркны атәыла анапхгара зегьы аилатәара иахьалахәыз.  Убри аан ,Зураб Џьапуа аҳәара ҟаиҵеит, азҿлымҳара аҭазарц афинансқәа рминисттреи Академиеи реизыҟазаашьа.  Игәаанагарала, Академиа афинанстә лшарақәа ҧсахымзар,  Аҧсуа ҭҵаарадырра  аҿиара аиуам. Аилатәараҿы  Рауль Ҳаџьымба инапы аҵаҩит Аҧсны аҭҵаарадыррақәа Ракадемиа аҧҟаҧҵа. Уи ҵыҧх аахыижьтеи аус адырулон ҷыдалатәи акомиссиа иалаз аҵарауаа.

Атәыла ахада иқәгылараҿы иазгәеҭеит, Аҧсны Аҭҵаарадыррақәа Ракадемиа аусура еихызшьало есышықәсатәи аизара иналукааша хҭысуп ихьыҧшым аҳәынҭқарра ауаажәларратә ҧсҭазаараҿы. Рауль Ҳаџьымба, аҭҵаарадырра, амилаҭтә наука аҭагылазаашьа, аҳәынҭқарра аҿиашьа узырбо ак акәны далацәажәеит.  

Рауль Ҳаџьымба  инаҵшьны иазгәеиҭеит, Аҭҵаарадыррақәа ракадемиа аусура еиҳа иҕәҕәахар  шакəу аҧсуа бызшәа аҳаҭыр ашьҭыхраҿы.  Иқәгылара хыркшо, Рауль Хаџьымба иазгәеиҭеит, ажәлари аинтеллигенциеи ракзаара ала ишалаго аҳәынҭқарра зыда ҧсыхәа амам аҭынчреи аполитикатә ҭышәынтәалареи.
Аҭҵаарадыррақәа ракадемиа азеиҧш еизараҿы ажәахә хада иманы дықәгылеит амаӡаныҟәгаҩ Валентин Кәаҕәаниа. Уи дазааҭгылеит Аҧсны Аҭҵаарадыррақәа ракадемиа иаҵанкуа аинститутқәа ааба шықәсыктәи русура.

Ажәахә ҟаҵаҩы дрыхцәажәеит аҵарауаа, академиа алахәылацәа шықәсык аҩныҵҟа Аҧсни уи анҭыҵи иҭрыжьыз ашәҟәқәа, амонограифақәа, рыҭҵаарадырратә статиақәа.Уи иара убасгьы иҳәеит,  Аҧсуа ҵарауаа рыҽшрыладырхəуаз  жәларбжьаратәи афорумқәа, асеминарқәа, аконференциақәа.

Амра Амҷҧҳа, Саид Агәхаа, Ельдар Дамиров АТ

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
15 Февраль 2018
195
14 Февраль 2018
189
14 Февраль 2018
165
Ари аҽны арҧыси аҧҳәызбеи еимырдоит рыбзиабара зырҵабыргуа аҳамҭақәа.
14 Февраль 2018
140
Аспектакль « Хә-хәылҧазык » афестиваль аҳамҭа ҷыда иаҧсахеит.
14 Февраль 2018
207
Сынтәа - атәанчаҩцәа ҩынтәны ашәҟәы рыҽҭаргалароуп - ашықәс алагамҭеи уи анҵәамҭеи рзы.
14 Февраль 2018
157
Иара уи ишазыхиоу, насгьы иаланхо ауааҧсыра рҿаҧхьа усӡбатәқәас иқәгылоу ртәы еилыркаауан ҳкорреспондентцәа.
13 Февраль 2018
120
Загрузка плеера
Алаҳәарақәеи адныҳәаларақәеи
АГТРК