Аҧсны Ахада акурорттә сезон аламҭалазы, Пицунда акурорт усутә визитла даҭааит.

08.04.2016
864

Аҧсны ахада акурорттә сезон аламҭалазы, Пицунда акурорт усутә визитла даҭааит. Рауль Ҳаџьымба игәеиҭеит еиду апансионатқәа ркомплекс аҿы аусурақәа ахьынӡанеихьоу. Атәыла ахада убасгьы Пицунда ақалақь аҿы арҧхарҭатә  комплекс аартра далахәын, иибаз агәахәара инаҭеит. Рауль Ҳаџьымба иазгәеиҭеит, ас еиҧш анаплакы атәыла аеконоимказы хра злоу ак акәны ишыҟоу.  

Пицундатәи еиду апансионатқәа рҿы аиҭашьақәыргыларатә усурақәа хацыркын ҧшьымыз раҧхьа. Ари аамҭа иалагӡаны, апроект ҿыц ала иҧсахын афымцалашаратә цәаҳәақәеи, аӡцарҭақәеи, аҭыӡқәеи.  Иҟоу апансионатқәа быжьба рҟынтәи зеиҭашьақәыргылара иаҿу ҧшьба роуп – «Амра», «Бзыҧ», «Ахьтәы уасцәа», «Колхида», егьырҭ инхаз рымҽхак иаҳа иахьыҭбаау азы, ахаҿрарҧшӡаратә усурақәа роуп имҩаҧырго. Еиду апансионатқәа реиҳабы Даур Кәырмазиа ишиҳәаз ала, дара ргәы иҭоуп аусурақәа асезон иалагаанӡа рхыркәшара.

Атәыла ахада идырбеит уажәтәи аамҭазы  иҟаҵоу. Рауль Ҳаџьымба иазгәеиҭеит, акурорт аҿы иреиҳаӡоу акомплекс  аиҭашьақәыргылара хымҧадатәны ишыҟаз. Аҧсшьацәа арахь радыҧхьаларазы аамҭа аҭахрақәа ирықәшәо аҭагылазаашьа аҧҵатәуп,-иҳәеит аҳәынҭқарра ахада.

Апроект аҿы ишарбоу ала, ахыбрақәа рыплан маҷк иҧсаххоит. Ауадақәа еиҳа иманшәаланы, ҳаамҭа иашьашәало иҟалоит. Пансионтак аҿы шәи ҩынҩажәи жәаба номер ыҟоуп.  Бжьаратәла уи ахә иартәоит, ҩнызқь мааҭ иреиҳаны. Уажәазы аргыларатә усурақәа реиҳарак ахыркәшархь инеиуеит. Аахәара иалагахьеит иҩнадыргыло аҩнымаҭәа.

Апансионатқәа рхаҭақәа рыдагьы, иазҧхьагәаҭоуп урҭ ирыҵаркуа аҭыҧқәа   рырҧшӡара. Ара хыҧхьаӡара рацәала изызҳауа аҵлақәеи ачыкьқәеи аус рыдырулоит аспециалистцәа, дара рыкәша-мыкәша иҟоу аҧсабара ианааланы  иҟаларц азы. Арантәи иубо амшын асахьа акәзар, ухнамхыр залшом. Ари амш бзиа иҟаз аҧшаҳәахьы иаангеит хыҧхьаӡара рацәала амшынҳәақәа.

Аобиектқәа макьана ишхыркәшамгьы, урҭ рҿы анхаразы аҭыҧқәа рыҭира иалагахьеит. Ара зыҧсы зшьарц агәаҳәара зму рацәаҩуп. Атәыла акурорти атуризми рзы аминистр Автандил Гарцкиа иазгәеиҭеит, сынтәатәи асезон азы аҧсшьацәа рхыҧхьаӡара еиҳахоит ҳәа ишгәыҕуа. Убри азы арҭ аобиектқәа аҧхын алагамҭа инаркны ауаа рыдкылара рылшароуп, ҳәа азгәеиҭеит аминистр.

Анаҩс атәыла ахада имҩа хан даҽа обиектк ашҟа. Араҟа аофициалла иаадыртуан афирма "АВАИ-АГРО"  арҧхарҭатә  комплекс.

Пицунда ари аҩыза акомплекс аартра хҭыс дууп. Уи иалахәын атәылеи араиони рнапхгара, жәлар реизара адепутатцәа. Ари апроект аҳәынҭқарра-хаҭалатәи аизыҟазаашьақәа рыла ишьақәгылоуп. Аҧсны ахада иазгәеиҭеит, атәыла аекономиказы ас еиҧш иҟоу апроектқәа алҵшәа бзиақәа шаарышьҭуа.  Рауль Ҳаџьымба иибаз агәахәара ду инаҭеит, аха убри аан иҳәеит, атәыла мрагыларатәи ахәҭаҿы ари аҩыза акомплекс аргылара еиҳа ишыфеидахоз афымцалашара аиҷаҳаразы.

Анаплакы иаҵакуп хә-гектарк адгьыл. Ара ирааӡо апатырџьан мацара ауп. Агрономцәа разгәаҭақәа рыла, шықәсык ала хҧа-ҧшьба тонна аҽаҩра роуроуп. Афирма анапхгара ргәы иҭоуп аалыҵ аҭыҧантәи аџьармыкьеиҧш, аҳәаанырцәгьы аҭиира.

Ари аҵиааӡарҭаҿы раҧхьатәи аҽаҩра иазыҧшуп ииул мзазы. Уажәазы ара иаҳбаз ашәҭра иаҿуи, апатырџьан иаҵәақеи роуп. Дара рааӡоит голландиатәи атехнологиақәа рыла.
Анаплак аҿы иахьа аус руеит хынҩажәи жәҩык ауааҧсыра. Урҭ рыбжаҩык аҭыҧан инхо роуп. Араион азы ашықәс зегьы аҩныҵҟа аусуратә ҭыҧқәа раҧҵара, хымҧада ус дууп, ҳәа азгәеиҭеит Гагра араион ахада Беслан Барцыц.

Ари анаплакы ргылан хы-шықәса рыҩныҵҟала. Уи аус ауа иҟаларц азы имариамыз амҩа ианысит. Иахьа атәыла ахада алҵшәақәа рбара илшеит. Иара ргылоуп ҳаамҭазтәи аҭахрақәа ирықәшәо. Акомплекс зегьы автоматикала еиқәыршәоуп. Иазгәаҭатәуп, убасгьы зҵара хзыркәшаз агрономцәа ара апрактика иахысыртә еиҧш аҭагылазаашьақәа шаҧҵоу .

Арҧхарҭатә комплекс  аусура асезон иадҳәалаӡам. Ара аҽаҩра аарыхра  ргәы иҭоуп алшықәсанык.  

Сима Аргәын, Беслан Чхьынџьериа,АТ.


Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
16 Август 2018
127
Аҧсны Ахада, Атәылахьчара аминистрра аколлектив дыдирдырит Аштаб Хада аиҳаб ҿыц Васили Луниов.
16 Август 2018
113
Мызкы инарзынаҧшуа Тҟәарчал ақалақь Џьанҭоу аҳаблаҟны ажрақәа мҩаҧыргоит Аҧсныи Урыстәылеи рархеологцәа.
16 Август 2018
135
Имҩаҧысит ҳтәыла еиуеиҧшым араионқәа рҟынтә ауаажәларратә еиҿкаарақәа злахәыз аиҧылара.
16 Август 2018
101
Васили Луниов Аҟәаҟа даанӡа, Алжир арратә бжьгаҩыс дыҟан.
15 Август 2018
91
15 Август 2018
71
Араҟа еизгаз аҧара афонд« Ашана »иахыҧхьаӡалахоит .
Загрузка плеера
Алаҳәарақәеи адныҳәаларақәеи
АГТРК