Имҩаҧысит ихьыҧшым иҿыцу аҳәынҭқаррақәа руниверситетқәа злахәыз аконференциа.

08.04.2016
718

Аҧснытәи аҳәынҭқарратә университет аҿы имҩаҧысит аконференциа, ихьыҧшым иҿыцу аҳәынҭқаррақәа руниверситетқәа злахәыз. Приднестровиатәи , Арцахтәи , Аҧснытәи иреиҳау аҵараиурҭақәа шықәсыктәи русура аихшьаалақәа ҟарҵеит. Иалацәажәан, иара убас Ашьха Ҟарабах иҟоу аҭагылазаашьагьы.

Есышықәса  ихьыҧшым иҿыцу аҳәынҭқаррақәа руниверситетқәа рассоциациа имҩаҧнагоит аконференциақәа, шықәсыктәи аусура аихшьаалақәеи, ҧхьаҟатәи ашьаҿақәеи ахьазгәарҭо. Уажәтәи онлаин аконференциа иалахәын х-ҳәынҭқаррак руниверсистетқәа. Иара ааиртит  Приднестровиатәи иреиҳаӡоу аҵараиурҭа аректор.  Степан Берил агәалсра ду ааирҧшит  Ашьхатә Ҟарабах иҟоу аҭагылазаашьазы,  иҳәеит, аҳәынҭқаррақәа  ахьыҧшымраз ишрымоу азин. Приднестровиатәи аҳәынҭқарратә университет аректор Галина Сандуца еиҭалҳәеит, шықәсык иалагӡаны аҵараиурҭа имҩаҧнагаз аусура атәы. Иазгәалҭеит, ауниверситет аҩныҵҟатәи ахыдҵақәа  рыдагьы, ишымҩаҧнаго жәларбжьаратәи иреиҳаӡоу аҵараиурҭақәеи дареи еицырзеиҧшу аусхкқәа. Аҧснытәи аҳәынқарратә университет аректор Алеко Гәарамиа иқәгылара хациркит минуҭктәи аҿымҭрала, Ашьхатә Ҟарабах иҭахаз ргәалашәара аҳаҭыраз. Анаҩс, иҳәеит ҩнызқьи жәохәтәи ашықәс иалагӡаны  ишымҩаҧгаз жәларбажьаратәи аконференциақәа жәпакы, аҧсуа ауниверситет астудентцәа злахәыз. Иаҧҵан узхыҽхәар зылшо аҭҵааратә усумҭақәа,иҳәеит иара.

Ашьхатә Ҟарабах аҭагылазашьа шыуадаҩугьы, онлаин конференциа иалахәын  Арцахтәи аҳәынҭқарратә университет. Уи Аректор Мануш Миносиан илҳәеит, Ашьхатә Ҟарабахи Азеирбаџьани ирыбжьоу аилибамкаара еибашьрала ишыузымӡбо. Ауаҩы  аҭынч ҧсҭазааразы имоу азинқәа иахьа рҳәынҭқарраҿы ашәарҭара ишҭагылоу. Иҟоу аҭагылазаашьа иахьмырҧшыкәа ауниверситет аҿы ицоит аусурақәа, аректор агәыҕра аалырҧшит урҭ анаҩсгьы ишрыцҵахо.
  
Ихьыҧшым аҳәынқаррақәа иреиҳау рҵараиурҭақәа  ирыбжьоу  аимадара есааира аҽарҕәҕәалоит, ауниверситетқәа рассоциациа аусура анаҩсгьы иацнаҵоит, алҵшәа бзиақәа рыҟалараз,  азгәаиҭеит Аҧснытәи аҳәынҭқарратә университет аректор Алеко Гәарамиа.

Альбина Жьиҧҳа, Ҭемыр Гогохьиа,АТ.

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
15 Август 2018
70
15 Август 2018
59
Араҟа еизгаз аҧара афонд« Ашана »иахыҧхьаӡалахоит .
15 Август 2018
63
Уи иазыҧҵәоу аамҭа иалагӡаны апаспорт аиуразы ашәҟәқәа алазымҵаз ирымоу рдокументқәа амч рцәыӡуеит.
15 Август 2018
57
Аҧсны ахадареи аибашьра аветеранцəеи ашәҭқәа шьҭарҵеит хатәгәаҧхарала иҳацхраауаз иҭахаз рбаҟа амҵан.
14 Август 2018
41
Загрузка плеера
Алаҳәарақәеи адныҳәаларақәеи
АГТРК