Тҟәарчалтәи акультуратә хан аҟны имҩаҧысит арежиссиор қәыҧш Наур Гармелиа ифильм «Ацҳа» аӡыргара.

26.04.2016
830

Тҟәарчалтәи акультуратә хан аҟны имҩаҧысит арежиссиор қәыҧш Наур Гармелиа ифильм «Ацҳа» аӡыргара. Ари аусмҩаҧгатә  еиҿнакааит амобилтә еимадара А-мобаил.

Наур Гармелиа  Санкт-Петербургтәи акинои ателехәаҧшреи руниверситет дастудентуп. Иара ифильм «Ацҳа»   уажәааигәа  аҧхьахә ҭыҧ ааннакылеит  акинодебиутқәа рфестиваль аҿы. Иара убас афильм аӡыргара еиҿкаан Аҟәатәи адраматә театр ахыбраҿы. Афильм  аҧхьарбаразы  ацхыраара ҟанаҵеит  амобилтә еимадара Амобаил. Акиносахьа «АЦҲА» аҭыхрақәа мҩаҧысуан ҳтәыла ақалақьқәеи ақыҭақәеи рҟны.Арежиссиор қәыҧш иҳәеит, аҭыхрақәа шымҩаҧысуаз  Тҟәарчал ақалақь аҿгьы, иара убас ишалахәыз ари ақалақь ауааҧсырагьы.

Афильм аҿы иаарҧшуп  жәа-шықәса зхыҵуа аҷкәын иаби иареи. Аб дычмазаҩуп, аха адгьыл дықәаарыхуеит, арахә анҵаны имоуп, ашә хырхуеит. Аҷкәын иакәзар, иаб дицхраауеит, ашә аџьармыкьахь игоит. Уахь  данцо  ацҳа дықәсроуп. Уи ацҳа афильм аҿы асимволтә ҟазшьа амоуп.  Избанзар,  уи  еиҩнашоит ҩ-дунеик - аби аҧеи ахьынхо адунеи,  егьырҭ ирцәыхароу  ауаа ахьынхо адунеи.
Афильм аҿы ихадоу арольқәа  руакы  наигӡоит  актиор НУР ЏЬЫНЏЬАЛ.

Иазгәаҭатәуп,  афильм аҿы адиологқәа зынӡагьы ишыҟам.    Афильм цоит ҩынҩажәи жәеиза минуҭ. Абри аамҭа иҭагӡаны  иаарҧшуп аби аҧеи ақыҭараҿ  рыҧсҭазаашьа. Тҟәарчалаа  ари афильм ргәаҵанӡа инеит.

Амобилтә еимадара Амобаил  ахаҭарнакцәа  ирҳәеит ,арежиссиор қәыҧш ифильм “Ацҳа” ҳтәыла егьырҭ ақалақьқәа рҿгьы ахәаҧшцәа дырбара   ргәы ишҭоу.  


Асмаҭ Шьакаиа Саид Агәхаа,АТ.



Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
16 Август 2018
69
Аҧсны Ахада, Атәылахьчара аминистрра аколлектив дыдирдырит Аштаб Хада аиҳаб ҿыц Васили Луниов.
16 Август 2018
85
Мызкы инарзынаҧшуа Тҟәарчал ақалақь Џьанҭоу аҳаблаҟны ажрақәа мҩаҧыргоит Аҧсныи Урыстәылеи рархеологцәа.
16 Август 2018
80
Имҩаҧысит ҳтәыла еиуеиҧшым араионқәа рҟынтә ауаажәларратә еиҿкаарақәа злахәыз аиҧылара.
16 Август 2018
71
Васили Луниов Аҟәаҟа даанӡа, Алжир арратә бжьгаҩыс дыҟан.
15 Август 2018
85
15 Август 2018
69
Араҟа еизгаз аҧара афонд« Ашана »иахыҧхьаӡалахоит .
Загрузка плеера
Алаҳәарақәеи адныҳәаларақәеи
АГТРК