Аҧсны акультура аҿиара аконцепциа апроект аус адулоуп.

27.04.2016
734

Аминистрцәа реилазаараҿы имҩаҧысит Аҧсны ахада идҵала  иаҧҵаз акультура аҿиара аконцепциа  азҵаарақәа ирыдҳәалоу инеиҵыху аилатәара. Уи  иалахәын  акультуреи аҭоурыхтә-культуратә ҭынха ахьчареи рминистр Ельвира Арсалиа,  лхаҭыҧуаҩ  Баҭал Кобахьиа, Аҧсны ахада иабжьгаҩ Владимир Занҭариа,  акультура аусзуҩцәа, Аҧсны атеатрқәеи амузеиқәеи рнапхгаҩцәа.

Акультура аминистрра анапхгареи, аусбарҭақәа рхаҭарнакцәеи злахәны имҩаҧысыз инарҭбааз  аколлегиа аилатәараҿы иӡырган аус зыдулаз Аҧсны акультура аҿиара аконцепциа апроект.  Уаанӡатәи аколлегиа маҷ аилатәараҿы иалкаан ари апроект  иагу-иабзоу, убарҭ зегьы  азгәаҭаны, аколлегиа иалоу ақәшаҳаҭзар, анаҩс аҳәынҭқарра ахада иахь адәықәҵаразы.

Аҧсны акультура аҿиара аконцепциа апроект ари ҳәынҭқарратә программоуп.Уи хырхарҭас  иамоуп амилаҭтә культура аиқәырхара, Аҧсны азыҳәан аҭоурыхтә, археологиатә, аетнографиатә  ҵакы змоу аобиектқәа рыхьчара. Убри аганахь ала имҩаҧгатәу  аускәа рахь иаҵанакуеит Аҧсны ихьчатәу аҳәынҭқарратә обиектқәа рсиа иалоу апаспортизациа рзура , урҭ реиқәырхара азыҳәан иаҭаху афинанстә, аекономикатә, аматериал-техникатә   ҭагылазаашьақәа раҧҵара. Аҧсны ҳаамҭазтәи атехникатә мыругала еиқәшәо амилаҭтә реставрациатә школи, еиуеиҧшым ареставрациатә еиҿкаарақәеи  раҧҵаразы аҳәынҭқарратә программа ашьақәыргылара.Хаҭала акультура аганахь ала ауажәларра ркультуратә хдырра аиҕьтәра.
Аҧсны аҳәынҭқарра ахада иабжьгаҩ Владимир Занҭариа иажәақәа рыла, ари аконцепциа ианыҧшуеит аҧсуа идоуҳатә дунеи ахыҵхырҭа. Ҳкультуратә хылҵшьҭра аарҧшны, ҭоурыхла ирҵабыргны, аҧсуааи Аҧсны иқәынхо егьырҭ ажәларқәеи реизыҟазаашьа  зныҧшуа  документуп.

Аилатәара иалахәыз акультура аусзуҩцәеи, арҿиаратә хеидкылақәа рхаҭарнакцәеи алшара рымоуп  аконцепциа арҽеирақәа ралагалара. Анаҩс  апроект ашьақәрыҕәҕәаразы Аҧсны Жәлар Реизарахь анашьҭразы.

Наала Ақаҩ-ҧҳа, Алексеи Агәхаа, АТ.
  

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
34
Аҭыжьымҭаҿы:Ахырхарҭақәа жәпакы рҟны аусеицуразы еиқәышаҳаҭхеит. Аҧсныи Ҟрыми реиҳабырабжьаратә комиссиақәа актәи реилатәара.
42
Иара Аҧсны амилаҭтә олимпиатә еилакы аҿы  адныҳәаларақәа идикылон
35
Убри инамаданы имҩаҧган афонд ахаҭарнакцәа злахәыз апресс-конференциа.
51
Апроект авторс дамоуп ашәаҳәаҩ, акомпозитор, Хьыбла Мықәҧҳа.
Алаҳәарақәеи адныҳәаларақәеи
АГТРК