Аҟəа иазгәарҭеит Орҳан Шамба диижьҭеи ҧшьынҩажәи жәаба шықәса аҵра.

27.04.2016
883

Ҭырқәтәыла инхоз ҳџьынџьуаҩ, ауаажәларратә усзуҩ,  зхы иақәиҭу ақәҧаразы аспортсмен Орҳан Шамба диижьҭеит ҧшьынҩажәи жәаба шықәса аҵра иазкны   Аҧсадгьылахь ахынҳәразы аҳәынҭқарратә еилакы ахыбраҿы еиҿкаан ахәылҧаз. Уи иалахәын аҳәынҭқарра анапхгара рхаҭарнакцәа, ашәҟәыҩҩцәа, аҵарауаа, ауаажәларра.

Уцкара сдаҿы еисуа, ах сыҧсадгьыл уара џьанаҭ иҭоу агәил уаҩызоуп…абас еиҧш иҟоу ацәаҳәақәа Аҧсны иазикуан Ҭырқәтәыла инхоз ,еицырдыруаз  аспортсмен Орҳан Шамба. Иара диижьҭеи ҧшьынҩажәи жәаба шықәса аҵара инамаданы, Аҧсадгьылахь ахынҳәразы аҳәынҭқарратә еилакы аҿы еиҿкаан агәаларшәаратә хәылҧазы. Уи иалахәын Орҳан Шамба дыздыруаз иҩызцәа,ашәҟәыҩҩцәа,аҵарауаа,иара убас Ҭырқәтәылантәи иааз Орхан иҧеи иҧҳаи. Ауаажәларратә усзуҩы, апатриот раҧхьаӡа Аҧсныҟа даауеит зқьи жәшәи  ханҩажәи жәохә шықәсазы, Тырқәтәылантәи иааз аделегациа дрыцны.Усҟантәи аамҭа иацыз ауадаҩрақәа ртәы дазааҭгылеит арепатриациазы аҳәынҭқарратә еилакы ахантәаҩы Вадим Ҳаразиа.


Орҳан Шамба дыздыруа ирҳәоит, иҧсадгьыл ахь имаз агәыбылра шыҵаулаз, еснагь иҧсадгьыл дшазхьаауаз.Раҧхьаӡа Аҧсныҟа данаа, иара  драбадыруеит Шьалуа Иналиҧа,Гьаргь Ӡиӡариа уҳәа ҳтәыла аҵарауаа,аамҭа кьаҿк иалагӡан илиршоит аҧсуа бызшәа аҵара.Иара зхатәы бызшәа иахӡыӡаауаз дреиуан.Орҳан Шамбеи Аҧснытәи иашьцәеи аимадара рыбжьалоит асалам  шәҟәыла. Раҧхьаӡа Аҧсныҟа иаара атәы игәалаиршәоит аҧсуа ҭҵааратә институт  аусзуҩы, аҭоурыхҭҵааҩ Руслан Гәажәба.

Орҳан ШамбаҬырқәтәыла  деицырдыруеит изныкымкәа зхы иақәиҭу ақәҧара дачемпионны,  зхы иақәиҭу ақәҧаразы адунеижәларбажьаратәи атурнирқәа дырчемпионны.  Зқьы жәшәи ҩынҩажәи жәохә шықәсазы иреиҕьу ақәҧаҩ ҳәа ахьӡ ихҵан.Иқәыҧшра ашықәсқәа зегьы аспорт иазкын. Аха ,аамҭаказы, Орҳан иаҳәшьа машәырла данҭаха ашьҭахь, иара аспорт аанижьуеит, зхы иақәиҭу ақәҧара азыҟаҵаҩыс диасуеит. Орҳан Шамба ҳџьынџьуаа рыҧсадгьыли дареи реимадараҟны илагала дууп.

Жәохә шықәса инарзынаҧшуа Аҧсны ахаҭарнакс Ҭырқәтәыла    иҟаз Владимир Аҩӡбеи Орҳан Шамбеи еибадырит ханҩажәатәи ашықәсқәа рзы. Дара акыр еизаагәахеит.
Агәаларшәаратә хәылҧазы иалахәын Орҳан иҧҳа Зерринии иҧа Тажьуи.Рхәыҷра ргәаларшәо, дара ирҳәеит раб еснагь Аҧсны агәыбылра шдиркуаз,еснагь аҧсуаа рыӡбахә шимаз.Ҭырқәтәылантәи иааз Орхан иҧеи иҧҳаи аусмҩаҧгатә еиҿызкааз зегьы иҭабуп ҳәа рарҳәеит.

Аҟәа ақалақь аҟны апрель ҩажәи быжьбеи ҩажәи аабеи рзы Сергеи Уасил иҧа Багаҧшь ихьӡ зху аспорттә ханаҿы имҩаҧысуеит  Орхан Шамба ихьӡала зхы иақәиҭу ақәҧаразы аицлабра.


Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
16 Февраль 2018
101
Аҭыжьымҭаҿы:Аҟәатәи араионтә еизара адепутатцәа араион ахада икандидатура иадгылеит.
16 Февраль 2018
99
Аспециалистцәа ражәақәа рыла, апальма зфо абжы ҟаҧшь уажәнатә иаанкыламзар, егьырҭ аҭыҧқәа рахь ииасыр алшоит.
16 Февраль 2018
111
Даҽа шәахтәк иалацәажәан Аҧсны аусдкылаҩцәа рассоциациа ахаҭарнакцәеи Жәлар реизара адепутатцәеи, аекономика аминистрреи, абизнес уааи злахәыз астол гьежь аҟны.
15 Февраль 2018
219
14 Февраль 2018
207
Загрузка плеера
Алаҳәарақәеи адныҳәаларақәеи
АГТРК