«Аҧсны абжьаратәи ашәышықәса иаҵанакуа ауахәамақәа ркомпозициа» захьӡу ашәҟәы аӡыргара мҩаҧысит Аҧснытәи аҳәынҭқарратә университет аҿы.

27.04.2016
955

«Аҧсны абжьаратәи ашәышықәса иаҵанакуа ауахәамақәа ркомпозициа» захьӡу ашәҟәы аӡыргара мҩаҧысит Аҧснытәи аҳәынҭқарратә университет аҿы. Аусумҭа азкуп ҳтәыла абжьаратәи ашәышықәсқәа рзы ҳуахәамақәа рархитектура аҭҵаара. Анаукатә монографиа авторс дамоуп Денис Чачхалиа. Ашәҟәыҩҩы Денис Чачхалиа имонографиа раҧхьатәи ҧышәоуп еизадоу ауахәаматә ҩналарҭақәа агеографиатәи ахронологиатәи знеишьақәа рыла аҭҵаара аганахьала. «Иара аинтерес рызцәырнагаран иҟоуп астудентцәеи ауниверситет аусзуҩцәеи,» - иҳәеит Аҧснытәи аҳәынҭқарратә университет аректор Алеко Гәарамиа аӡыргара аартуа. Денис Чачхалиа ашәҟәы дахцәажәауа иазгәаиҭеит, Аҧсны аҭоурых ибжьаратәу аамҭа иаҵанакуа аҭҵаамҭақәа шырацәам. Автор иӡыргаратә лекциа арбаратә материалқәа рыла ишьақәгылан, Ашәҟәы иагәылалеит ажәытә уахәамақәа рфотосахьақәеи арҕазнҵақәеи ашәҟәыҩҩы хаҭала еиқәиршәаз, иҭихыз. Аматериал аизгаразы дырҭаан ибеит еиуеиҧышм ауахәамақәа Аҧсныи Ҟарачы-Черкесски, Трабзони, Шәачеи уҳәа рҿы иҟоу. Автор ишәҟәаҿы иҳәоит, иҭиҵаауаз ауахәамқәа ркомпозициа аҧсуа архитектуратә школ аҟазацәа иаларгалаз ак акәны ишыҟаз. Анаҩс уи астиль анырра рынаҭон хыҧхьаӡара рацәала уи аамҭазтәи абаҟақәа, ҳәа азгәеиҭоит автор. Убри аан, Аҧсны иҟоуп акы иаламҩашьо Кавказ зегьы аҿы иаку акуполтә уахәама - Мықәтәи, иароуп адунеи зегьы аҿы х-ҩналарҭак зманы иҟоу архитектуратә баҟа. Денис Чачхалиа иҳәеит, акыр шааҵуа аҵарауаа азҿлымҳара арҭо иалагеижьҭеи аҧсуа архитетуратә школ иамоу даҽакы иаламҩашьо ахатә ҟазшьа, убри аан урҭ ирыҿцәажәо аҧсуа ҵарауаа шыҟам. Акультуреи аҭоурых культуратә баҟақәа рыхьчареи рзы аминистр ихаҭыҧуаҩ Баҭал Кобахьиа иазгәаиҭеит, ари ашәҟәы архитектуратә баҟақәа рыҭҵаараҿы ишыцхыраагӡоу. Ашәҟәы кьыҧхьуп аурыси англызи бызшәақәа рыла, уи роурц рылшоит аинтернет ахархәаҩцәа зегьы. Альбина Жьиҧҳа, Ҭемыр Гогохьиа ,АТ.

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
1
Ишҧеиҿкааз ари аҧсшьаратә сезон азы Риҵатəи амилаҭтə ҳәырҧсарра аусура?
5
Иара еиднакылеит аиҳабыратә абиҧарақәа ирыҵаркуа апоетцәа реиҧш, аҿарацәа ражәеинраалақәагьы.
21
Урҭ еиқәыршәаны иаарҭиит амаҭәа ҭзыжьуаҬырқәтәылатәи анаплакқәа ааба.
13
Ари арыцхә инамаданы, Аҧсны Аҧыза- министр Валери Бганба идикылеит Ареспублика Аҳәынҭстатитсика аусбарҭа аусзуҩцәа.
Алаҳәарақәеи адныҳәаларақәеи
АГТРК