Аҧсны асоциал-економикатә ҿиаразы акомплекстә план аҳәаақәа ирҭагӡаны, ақалақь Тҟәарчал амҩақәа реиҭашьақәыргылара мҩаҧысуеит.

28.04.2016
905

Аҧсны асоциал-економикатә ҿиаразы акомплекстә план аҳәаақәа ирҭагӡаны, ақалақь Тҟәарчал амҩақәа реиҭашьақәыргылара мҩаҧысуеит.   Уи аҳәаақәа ирҭагӡаны ақалақь амҩадуқәа хҧа рҟны акаҭран ақәырҭәара хыркәшоуп. Амҩадуқәа ирхадоу Владислав Арӡынба ихьӡ ахуп, уи аиҭашьақәргылара  апроект еиқәыршәоуп.

Аҧсны асоциал-економикатә ҿиаразы акомплекстә план аҳәаақәа ирҭагӡаны, ақалақь Тҟәарчал  Гәлиа, Нарҭаа, Аҧсилаа рыхьӡ зху       амҩадуқәа рҟны  акаҭран ақәырҭәара хыркәшоуп. Аусурақәа мҩаҧнагеит «Аҧсны автомобилтә мҩа» ахеилак . Аиҭашьақәргыларатә усқәа  нап дыркын    Аҧсны  асоциал економикатә ҿиаразы акомплекстә план инақәыршәаны.  Уи аҟны иарбоуп амҩадуқәа ҧшьба. Ақалақь иагәылсуа амҩаду  Аҧсны раҧхьатәи ахада,Владислав Арӡынба ихьӡ ахуп. Уи  аҟны аргыларатә усурақәа аанкылоуп. Избан акззар, ари амҩаду аҿы иҧсахтәхеит аӡымҩангагатә цәаҳәақәа.

Владислав Арӡынба ихьӡ зху амҩаду аҿы  акаҭран ақәырҭәара  аамҭала иаҟәыҵит,избан акәзар ари амҩа аҿықәқәа рҿы  игылоуп ҩанҩажәи жәаба шықәса инареиҳаны изхыҵуа аҵлақәа. Аргыларатә еиҿкаара Тҟәарчал ргылара аиҳабы  Леонти Аршба иҳәеит ,аиҭашьақәргыларатә  усурақәа раан дара ааха роур ауеит ,нас дара ҩар алшоит ҳәа.

Ари амҩаду аиҭашьақәргыларазы  аекологцәеи аспециалистцәеи адыҧхьалан  иҟаҵан  апроект. Уи аан иазгәаҭан, ари амҩаду аҿы ишгылоу ҩынҩажәижәаба шықәса инареиҳаны зхыҵуа сибратәи акедр ҳәа изышьҭоу аҵлақәа.  Амшцәгьақәа раан арҭ аҵлақәа аҧхасҭа рырҭоит ақалақь ауааҧсыра,дара хыжәжәаны аҩнқәа ирықәҳауеит,иара убас аҩынқәа рҟынтәи илбаагоу аӡымҩангага амаҵәқәа иршәаҳауеит ауаа аӡы рыҵалоит. Аҵлақәа рдацқәа адгьыл иалыҳәҳәоит уи аан аҧырхага рырҭоит амҩадуқәа. Арӡынба имҩаду аиҭашьақәыргылара ианалагоз аамҭазы ,аҵлақәа рықәгара инадҳәаланы ицәырҵит еиуеҧшым агәаанагарқәа.

Уажәтәи аамҭазы ари амҩаду аҿы аргыларатә усурақәа аанкылоуп,аха араион анпхгара ирҳәеит, абиџьет аҧара ала ишаахәоу амҩаду арҧшӡаразы алашарбагақәа,аӡымҩанагагатә цәаҳәақәа. Тҟәарчал араион ахада Аида Чачхалиа лажәақәа рыла, аусурақәа нап дыркхоит  аекологцәа алкаа аныҟарҵалақь ашьҭахь.
Аинвестициатә программа инақәыршәан, ақалақь аҿы  иара убас иазҧхьагәаҭоуп ҩажәи жәаа ҩны рыҵақәа ррыцқьара. Ҩажәи ҩба ҩны рҿы арҭ аусурақәа нарыгӡахьеит. Иазгәаҭатәуп, арҭ анхарҭақәа рыҵақәа ррыцқьара аибашьара ашьҭахьтәи аамҭазы ишымҩаҧырымгацыз.

Аҩнқәа рыҵа аныдрыцқьалакь ашьҭахь иазгәаҭоуп аӡымҩангагақәа  рышьҭаҵара. Абарҭқәа зегьы рыҟаҵаразы ахархәара рзухоит  аинвестициатә проект  аҿы иазгәаҭоу афинансатә цхыраара адагьы ақалақь абиуџьет аҟынтәи   аҧарагьы.

Тҟәарчал имҩаҧысуа аусурақәа уи иаланхо  ауааҧсыра иргәаҧхоит,ахаҵгыларагьы арҭоит.

Асмаҭ Шьакаиа, Саид Агәхаа, АТ.

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
1
Ари ацәыргақәҵаҿы асахьақәа ахәшьара рырҭон зҧышәа ҳараку асахьаҭыхҩцәа.
5
Урҭ рҟны еуеиҧшым атемақәа ирылацәажәон Аҧсныи Урыстәылеи рхаҭарнакцәа .
3
Ари ашықәсазы аицлабраҿы иқәыргылан аноминациақәа ааба.
45
Абарҭ азҵаарақәа ирызкын Ауаажәларатә палатаҿы имҩаҧгаз аилатәара .
Алаҳәарақәеи адныҳәаларақәеи
АГТРК