Ахатәы зеиҧшдырратә школ «Альфа» аҿы имҩаҧысуеит англыз бызшәа амчыбжь.

28.04.2016
808

Ахатәы зеиҧшдырратә школ «Альфа» аҿы имҩаҧысуеит  англыз бызшәа амчыбжь. Убри инаҷыданы еиҿкаан Англиа иазку,  ахәыҷтәы шәҟәыҩҩы  Ганс Христиан Андерсен илакә ала ишьақәыргылоу ахәылҧаз.

Ахатәы зеиҧшдырратә школ «Альфа»  сынтәа жәохә шықәса ахыҵуеит. Араҟа аҵара рҵоит шәҩык инарзынаҧшуа ахәыҷқәа. Насгьы шықәсыки бжаки  инадыркны  зхыҵуа  ахәыҷқәа рзы иаартуп аҧсуеи аурыс школқәеи рҭалара иахьазыҟарҵо агәыҧ  ҷыда. Уи иаанагоит, ари ашкол аҿы абызшәақәа ахшыҩзышьҭра рырҭоит ҳәа. Араҟа аҧсуеи аурыси бызшәақәа инарываргыланы, актәи акласс инаркны    ирҵоит  англыз бызшәа.Уи арҵаратә прогамма шьақәгылоуп адунеи зегь еицырдыруа  Кембриджтәи  ауниверситет иаҧнаҵаз апрограмма ала. Араҟа уажәы имҩыҧысуеит англыз бызшәа иазку амчыбжь.  Ари  ахәылҧаз аҿы ашколхәыҷқәа  иаадырҧшит англыз бызшәа аганахь аҵарашықәс иалагӡаны идырҳаз рдыррақәа.

Апрограмма шьақәгылан Ганс Христиан Андерсен илакә ала. Ашколхәыҷқәа англыз бызшәала рықәгыларақәа рҿы иаадырҧшит  збызшәа рҵо аҳәынҭқарра аҭоурыхи уи аҩныҵҟатәи  аҧсҭазаареи  азы ирымоу  адыыррақәа. Ахәыҷқәа ари ахәылҧаз акыр аамҭа рҽазыҟарҵон , ибзиангьы ирықәҿиеит уҳәар алшоит.  
Англыз бызшәа адагьы, ашкол аҿы имҩаҧыргахьеит аҧсуеи аурыси бызшәақәа рымчыбжьқәа.

Наала Ақаҩ-ҧҳа, Роберт Ломиа ,АТ.
  

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
16 Август 2018
133
Аҧсны Ахада, Атәылахьчара аминистрра аколлектив дыдирдырит Аштаб Хада аиҳаб ҿыц Васили Луниов.
16 Август 2018
121
Мызкы инарзынаҧшуа Тҟәарчал ақалақь Џьанҭоу аҳаблаҟны ажрақәа мҩаҧыргоит Аҧсныи Урыстәылеи рархеологцәа.
16 Август 2018
142
Имҩаҧысит ҳтәыла еиуеиҧшым араионқәа рҟынтә ауаажәларратә еиҿкаарақәа злахәыз аиҧылара.
16 Август 2018
109
Васили Луниов Аҟәаҟа даанӡа, Алжир арратә бжьгаҩыс дыҟан.
15 Август 2018
93
15 Август 2018
73
Араҟа еизгаз аҧара афонд« Ашана »иахыҧхьаӡалахоит .
Загрузка плеера
Алаҳәарақәеи адныҳәаларақәеи
АГТРК