Гәылрыҧшь араион Цанбеикəаратәи абжьаратә школ аҵаҩцәа Аҧсны арра ҳаиртә мчқәа ирҭааит.

13.05.2016
720

Акыр аҵанакуеит изызҳауа аҿар арратә патриотизм рылааӡара аус. Уи хықәкыс иҟаҵаны Гәылрыҧшь араион Цанбеикəаратәи абжьаратә школ аҵаҩцәа ирҭааит Аҧсны арра ҳаиртә мчқәа.

Аҧсны арра-ҳаиртә мчқәа рҭоурых хыҵхырҭас иамоуп 1992-93-тәи ашықәсқәа.   Усҟан ауаа мҩанызгоз аҳаирпланқәа зырҧыруазгьы, аибашьыгатәқәа шьҭдырҧраауан.    Еиҳаракгьы аҧырҩцәа ракәын мргалырахьтәи-мраҭашәарахьтәи афронтқәа еимаздоз,абџьари аџьаҧҳани, афатәи Тҟарчал иганы, ахәцәеи абыргцәеи Гәдоуҭаҟа иаазгоз.

Абарҭ ахҭысқәа зегьы Цанбеикәаратәи ашкол аҵаҩцәа ирзеиҭаҳәауа, иреилдыркааит арра-ҳаиртә мчқәа иахьатәи рҭагылазаашьеи, аҧырҩцәа дҵақәас ирымоуи.

Атәылахьчара аминистрра арра-ҳаиртә мчқәа иахьа убасгьы ишьақәгылоуп аибашьыгатә ҳаирпланқәа рыла. Дара дырҧыруеит Урыстәыла аҵара иалгаз арратә ҧырҩцәа. Урҭ аҵаҩцәа иреизаҭрҳәон аҳаирплан амчхара зеиҧшроу, аибашьраҿы лшарақәас иамоу.

Аҵаҩцәа Аҧсны арра ҳаиртә мчқәа рҭаарала, ирыларааӡоит арратә патриотизм. Дара рызегьы раҧхьаӡа акәны лабҿаба ирбеит аибашьыгатә ҳаирпланқәеи аибашьыгатә верталиотқәеи. Ҳаҧхьаҟа иалшоит арҭ аҵаҩцәа рахьтә аӡәык-ҩыџьак арратә ҧырҩы изанааҭ шьҭырхыргьы.

Даур Инаҧшьба,Алықьса Агәхаа.


Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
22 Ииун 2018
48
Уаҟа иалацәажәеит ҳџьынџьуаа Очамчыра араион аҟны нхарҭатә ҭыҧла реиқәыршәара иахьынӡалшо иазкыу азҵаара.
21 Ииун 2018
127
Аҭыжьымҭаҿы:Избан амшын аҭалара зрыцҳарахаз?. Актулара злоу анҵамҭа.
Загрузка плеера
Алаҳәарақәеи адныҳәаларақәеи
АГТРК