Апсны Аҩныҵҟатəи аусқəа рминистр Леонид Ӡаҧшьба имҩаҧигеит апресс-конференциа.

16.05.2016
603

«Аҧсны аҩныҵҟатәи аусқәа рминистрра азыхиоуп , ихьыҧшым ашьапылампыл асразы ассоциациақәа рконфедерациа иалоу акомандақәа рдунеитә чемпионат Аҧсны ианымҩаҧысуа аамҭазы ашәарҭадара алыршара »,-абри атәы иҳәеит ажурналистцәа рзы апресс-конференциа мҩаҧызгаз Аҧсны  аҩныҵҟатәи аусқәа рминистр Леонид Ӡаҧшьба. Уи излеиҳәаз ала, ари  аус иазкхоит  фышәҩык инарзынаҧшуа амилициа аусзуҩцәа.

Ашәарҭадара аҧҵаразы  ишьақәыргылоу аплан инақәыршәаны , ишьақәырҕәҕәоуп адунеи ачемпионат анымҩаҧысуазы аусмҩаҧгатәқәа. Иазгәаҭоуп, ашәарҭадара  х-хырхарҭак рыла  аиҿкаара. Аҧсны аҳәынҭқарра аҳәаа инаркны ачемпионат ахьымҩаҧысуеи, акомандақәа рынхарҭеи рынеиааирҭеи рҭыҧқәа рҟынӡа.  Лаҵарамза ҩажәи фба инаркны Аҧсны аҩныҵҟатәи аусқәа рминистрра ииагахоит иҷыдоу аҭагылазаашьахьы.  Ашәарҭадара аиҿкаара иалахәхо фышәҩык амилициа аусзуҩцәа инарҷыданы,  арезерв ҳасабла аусура иазыхиазаауеит даҽа зықьҩыкгьы.

Аминстр Леонид Ӡаҧшьба иажәақәа рыла, иара инапаҵаҟа иҟоу  ауаа хықәкы хадас ирымоуп азакәанеилагарақәа ралмыршара, урҭ аҭыҧ роургьы оперативла раҧырҟәҟаара. Ашьапылампыл асырҭақәа иаарыкәаршаны  амилициа аусзуҩцәа гылазаауеит. Хылаҧшра рыҭахоит аҩналарҭақәа, уи аан ахархәара роуеит еиуеиҧшым атехникатә хархәагақәа. Иара убасгьы иазгәаҭан, Аҧсны аминистрцәа реилазаарахь ишышьҭу астадионахь знагара ҟамло амаҭәарқәа рсиа.

Аҟәа ақалақь аҿы, астадион иавгоу амҩақәа зегьы  аркхоит, азин ҟалоит амашьынақәа Ахақәиҭра ашҭаҿы рыргылара.  Иара убасгьы иазгәаҭан ачемпионат цонаҵы, аҳәынҭавтоинспекциа аусзуҩцәа  уахгьы ҽынгьы аус шыруло, ишаҧҵахо ҷыдалатәи аҷаҧшьаратә график.

Елана Лашәриа, Ҭемыр Гогохьиа, АТ.


Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
24 Маи 2018
25
Активла рхы аадырҧшит ашколқәа реиҧш , ақалақь аҟны иҟоу аусбарҭақәа зегьы.
24 Маи 2018
41
Араион ахадара, амчратә усбарҭақәа рхаҭарнакцәа, ақалақьуаа - досу ирылшоз ала рықалақь дрыцқьон.
24 Маи 2018
36
Шьыжьнаҵы , асааҭ ааба инаркны Аҟәа ақалақь еиуеиҧшым аиҿкаарақәа , анаплакқәа , ашколхәыҷқәа , арҵаҩцәа дасу идрыцқьарц ирыдыз аҭыҧқәа рҿы аҽеизгара иалагахьан .
Загрузка плеера
Алаҳәарақәеи адныҳәаларақәеи
АГТРК