Очамчыра араионаҿ ихыркәшоуп адиспансеризациа.

16.05.2016
613

Очамчыра араионаҿ ихыркәшоуп адиспансеризациа. Ҩымз ирылагӡаны ргәабзиара гәарҭеит ҧшьнызқьҩык инарзыҧшуа араион ауааҧсыра. Урҭ рахьынтә зықьҩык ахәыҷқәа роуп. Иҟаҵан адиспансеризациа аихшьаалақәа, уи далахәын агәабзиарахьчара аминистр Андзор Гоов.

Адиспансеризациа –мҩаҧыргоит ачымазарақәа ианаамҭоу раарҧшреи, рыхәышәтәреи, апрофилактика   рзуреи рзы. Раҧхьаӡа акәны Аҧсны агәабзеирахьчара аминистрра апрограмма инақәыршәаны, ҳтәылаҿы ихацыркын Еиҭаҵуа амедицинатә хархәагақәа рыла агəаҭарақәа. Урҭ мҩаҧыргоит Аҧсны ахәышәтәырҭақәа зегьы рҟынтә иреиҕьу ҳәа иалкаау аспециалистцәа. Еиҭаҵуа адиагностика ахархәарала  аҳақьымцәа ашьа гәарҭоит, арентген, акардиологиатә,  аурологиатә, астомотологиатә ҭҵаарақәа мҩаҧыргоит. Убри аамҭаз  згәабзиара уашәшәыроу ҳәа иалыркааз, ахәышәтәырҭахь инарышьҭуеит.   Очамчыратәи араионтә хәышәтәырҭа аҳақьым хада Мадонна Кьышьмариа лажәақәа рыла, агәаҭарақәа рымҩаҧгараҿы ацхыраара ҟанаҵеит араион ахадара. Убри аан лара илҳәеит, хәыда-ҧсада агәабзеира агәаҭара шымҩаҧысуа азы заа адырра шыҟаҵаз. Уи иабзоураны, хыҧхьаӡара рацәала ауааҧсыра адиспансеризациа рҽаладырхәит.  

Амобилтә хәышәтәырҭа анеира раҧхьа  иазгәаҭаны иахьыҟаз аҭыҧқәа рыдагьы, ауаа иҟарҵаз аҳәарала инашьҭын еиҭа ф-ҭыҧк рахь. Иаанымхеит қыҭак еиҭаҵуа адиагностика ахархәарала аҳақьымцәа агәаҭарақәа ахьымҩаҧырымгаз лҳәеит, Мадона Кьышьмариаҧҳа. Ҩымз ирылагӡаны игәаҭан ҧшьнызқьи ҧшьышәи ҧшьынҩажәи жәаҩык, урҭ рахьынтә зқьи жәшәи жәааҩык ахәыҷқәа роуп. Очамчыра араионтә хәышәтәырҭа  аҳақьым хада лажәақәа рыла,  адиспансеризациа иабзоураны иаарҧшын ачымазарақәа жәпакы, иаагозар ашьақар чымазара. Агәаҭара иахысыз  ҳтәыла ауааҧсыра рыҩныҵҟа зегь реиҳа иалыркаауа агәы ачымазара ауп. Мадона Кьышмариаҧҳа илҳәеит, доусы ишимоу дызхысыз агәаҭарақәа ртәы зҳәо ашәҟәы, анаҩс уа иану аинформациа аелектронтә базахь иҭагалахоит. Очамчыра араион ахада Хьрыҧс Џьапуа иазгәеиҭеит,
адиспансеризациа амҩаҧгара аҵак ду шамоу згəы бзиоу аҿар рааӡараҿы.

Аҧсны агәабзеирахьчара аминистр Андзор Гоов агәаҭарақәа мҩаҧызгоз аҳақьымцәа иҭабуп ҳәа раиҳәеит рџьабааз, иазгәаиҭеит ас еиҧш апрограмма анаҩсгьы ишацҵахо.

Альбина Жьиҧҳа, Саид Аиба ,АТ.  

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
15 Февраль 2018
197
14 Февраль 2018
189
14 Февраль 2018
169
Ари аҽны арҧыси аҧҳәызбеи еимырдоит рыбзиабара зырҵабыргуа аҳамҭақәа.
14 Февраль 2018
142
Аспектакль « Хә-хәылҧазык » афестиваль аҳамҭа ҷыда иаҧсахеит.
14 Февраль 2018
209
Сынтәа - атәанчаҩцәа ҩынтәны ашәҟәы рыҽҭаргалароуп - ашықәс алагамҭеи уи анҵәамҭеи рзы.
14 Февраль 2018
159
Иара уи ишазыхиоу, насгьы иаланхо ауааҧсыра рҿаҧхьа усӡбатәқәас иқәгылоу ртәы еилыркаауан ҳкорреспондентцәа.
13 Февраль 2018
120
Загрузка плеера
Алаҳәарақәеи адныҳәаларақәеи
АГТРК