Ареспубликатә хәшәтәырҭаҿы имҩаҧысит агәабзиарахьчара аминистрреи, ИУНИСЕФ ахаҭарнакцәеи аҳақьымцәа рзы еиҿыркааз аконференциа.

17.05.2016
725

Ареспубликатә хәшәтәырҭаҿы имҩаҧысит  агәабзиарахьчара аминистрреи, ИУНИСЕФ   ахаҭарнакцәеи аҳақьымцәа рзы еиҿыркааз  аконференциа. Уи  атема хада -  ауаҩы аиод изымхара  апроблема  ӡбашьас иамоу.  

Аҳәынҭқаррақәа  жәпакы рҿы  ауааҧсыра  аиод рзымхара азҵаара ҵарны  иқәгылоуп,ари апроблема ыҟоуп  ҳара ҳтәылаҿгьы.     Аҧсны ахәҷтәы ҳақьым хада Ада Абыхәба  лажәақәа рыла, уи аанарҧшит  ашколхәыҷқәа рыбжьара имҩаҧгаз аҭҵаарақәа. Убри аҟнытә иӡбан  ахәыҷтәы ҳақьымцәеи, агинекологцәеи,  злахәыз  аконференциа амҩаҧгара. Уи ихы алаирхәит Аҧсныҟа ааҧхьара змаз  апрофессор, Аҩадатәи Европеи, Азиеи, ртәылақәа  ИУНИСЕФ  аусура  аҳәаақәҵаҩ  Григории  Герасимов.

Иара еизаз  идирбеит  ажәытә аамҭақәа инадыркны иахьа уажәраанӡа, аиод амамзаара иахылҿиаауа ачымазарақәа зыхьуа ауаа рсахьақәа.   Апрофессор акыршықәсқәа ҵуеит ари апроблема  аҭҵаара  инапы алакуижьҭеи.  Иҳәеит, аиод азымхара ауаҩы игәабзиара  ишаҧырхагоу, раҧхьатәи цәырҵраны ишыҧхьаӡоу ачыҟә ,уи ачымазара змоу ауааҧсыра рхыҧхьаӡара ишазҳауа.    Ауаҩы ицәеижьи аиод азымхара  ицәырнаго ачымазарақәа рацәоуп , ахәышәтәра анаҩсангьы уи апроблема аӡбаразы  иҟаҵатәу ҳәа ииҧхьаӡо рзеиҭеиҳәеит Григории Герасимов. Раҧхьа иргылан  ауааҧсыра рхы иадырхәалароуп аиод злоу аџьыка. Уи адагьы  аиод алоуп ҳәа иҧхьаӡоуп аҧсыӡ хкы лосос, аха уи есыҽны зыфатә иалоу  ауааҧсыра рхыҧхьаӡара маҷуп.

Атәыла агуабзиарахьчара аминистрреи ИУНИСЕФи еиҿыркааз аҳақьымцәа рзы аконференциа адагьы ,анаҩс араионқәа зегьы рҟынтәи ашколхәыҷқәеи ахшараиура иазыҧшу аҳәсеи алархәны имҩаҧыргоит аҭҵаарақәа  Уи алагьы Аҧсны ауааҧсыра рцәеижь аҟны аиод азымхара аҭагылазаашьа ҭырҵаауеит.
Аконференциа иалахәыз аҳақьымцәа ирызцәырҵуаз азҵаарақәа маҷмызт, апрофессор  урҭ зегьы рҭакқәа ҟаиҵеит.

Фатима Гьергьиа, Асҭамыр Гәажәба, АТ.      


Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
15
Ари атема иазкны анҵамҭа аззырхиоз ҳкорреспондент, дазымхәыцкәа лхы иалырхәаз архивтә кадрқәа, ашкол анҭыҵ иҭыхыз ракәын.
23
Лыхнашҭа ауааҧсыра рацәан. Зехьынџьара еиҿкаан еиуеиҧшымыз ажәытә хәмаррақәа.
23
Ари ацәыргақәҵаҿы асахьақәа ахәшьара рырҭон зҧышәа ҳараку асахьаҭыхҩцәа.
36
Урҭ рҟны еуеиҧшым атемақәа ирылацәажәон Аҧсныи Урыстәылеи рхаҭарнакцәа .
Алаҳәарақәеи адныҳәаларақәеи
АГТРК