Аҟәа иаатит еицырдыруа асахьаҭыхҩы Варвара Бубнова лусумҭақәа рцәыргақәҵа.

17.05.2016
971

Аҟәатәи  Ацәыргақәҵатә зал хадаҿы имҩаҧысит еицырдаруа асахьаҭыхыҩ,  аҟазараҭҵааҩ, арҵаҩы, Варвара Бубнова диижьҭеи -130 шықәса   аҵра  иазкыз Акультуреи, аҭоурыхтә - культуратә ҭынха ахьчареи  рминистрреи, аҳәынҭқарратә сахьаҭыхратә галлереи  еиҿыркааз ацәыргақәҵа.   Уи аҟны ахәаҧшцәа ирбарц азы ицәырган 50 усумҭа  инарзынаҧшуа.

Варвара  Дмитри-иҧҳа Бубнова  милаҭла дшаҧсыуамызгьы, лхы  Аҧсны  иадылҳәалеит, лара акыршықәса Китаи   дынхон,  уаҟа иаҧылҵоз лусумҭақәа  рҿы  ҧшшәыс лхы иалырхәоз ашкәакәеи аиқәаҵәеи ракəын.
Араҟа ицәыргаз  Варвара Бубнова  лусумҭқәа   раҕьырак  Аҧсны иаҧылҵаз ауп. Нхараҳәа  арахь  данааи,  ҧштәыла иҩычаз аҭыхымҭақәа  раҧҵара далагоит. Араҟа иуҧылоит,  Аҟәатәи аҧшаҳәа,аҧсуа ашҭа, Аҵла аҵаҟа, апортретқәа, уҳәа  аусумҭақәа жәпакы .

Ацәыргақәҵа аартуа, еизаз рҿаҧхьа дықәгылеит Акультура    аминистр Ельвира Арсалиа.   Лара дырзаҧхьеит Аҳәынқарра ахада  инапы зҵаиҩыз Аусҧҟа ,Амилаҭтә галлереиа  аиҳәшьцәа Бубноваа рырҿиара аҟәша    аиҳабы  Аза Аргәын, “акультура  зҽаҧсазтәыз аусзҩ” ҳәа ахьӡ ҳаракы лыхҵаразы.
Ацәыргақәҵа аҭааҩцәа  аусумҭақәа азҿлымҳара рызцәырнагеит. Аиашазы, еиуеиҧшым ашықәсқәа рзы иҟаҵаз аҭыхымҭақәа улаҧш хыркуан .

Иналукааша   аурыс сахьаҭыхыҩ лыҧсҭазаараҿ дызнысыз амҩа маҷым, аха уи иаанлыжьыз лырҿиаратә ҭынхақәа  хәрымаӡамкəа иаанхоит иахьагьы .

Ацәыргақәҵа аартра иалахәыз   Аҧсны иҟоу Урыстәыла ацҳаражәҳәаҩ Семион Григориев   Варвара Бубнова    лусумҭақәа рцәыргақәҵа ахьымҩаҧгаз ихҭыс дууп ҳәа азиҧхьаӡеит. Варвара  Дмитри-иҧҳа Бубнова  лырҿиамҭа иазкыу ацәыргақәҵа мҩаҧысуеит хымш. Октиабр мзазы гәҭакыс ирымоуп  макьана ицәыргамыз лырҿиамҭақәа  Урыстәылаҟа  рцәыргақәҵара.

Фатима Гьергьиаҧҳа , Ҭемыр Гогохьиа,АТ.


Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
21
Аклассикатә музыка аконцерт аҟны еизгаз 117 нызқь мааҭ агәыҳалалратә фонд «Ашана» иахыҧхьаӡалахоит.
23
Уи абзоуроуп аилахәыра «Аҟәафон » иҟанаҵаз афинанстә цхыраара .
27
Ари атема иазкны анҵамҭа аззырхиоз ҳкорреспондент, дазымхәыцкәа лхы иалырхәаз архивтә кадрқәа, ашкол анҭыҵ иҭыхыз ракәын.
41
Лыхнашҭа ауааҧсыра рацәан. Зехьынџьара еиҿкаан еиуеиҧшымыз ажәытә хәмаррақәа.
Алаҳәарақәеи адныҳәаларақәеи
АГТРК