Аимак аҭышәныртәаларазы амҩақәа ҧшаатәуп.

18.05.2016
545

Ақәырсиантә динхаҵара амаҵзуҩцәа рыбжьара иҟоу аиҿагыларақәа рҭышәныртәалара азҵаара иалацәажәон Аҧсны Ахада Рауль Ҳаџьымбеи Аҧснытәи аиашахаҵаратә уахәама ахаҭарнакцәеи реиҧылараҿы. Атәыла Ахада даҽазныкгьы аимак зыбжьоу рахь ааҧхьара ҟаиҵеит ирзеиҧшу мҩак ахь икылсырц.

Рауль Ҳаџьымба  аилацәажәара иалахәыз иргәалаиршәеит    аҧсуа  уахәама    азҵаара  аҭыҧ ақәҵара   иаҿижьҭеи  акыр шааҵуа.   Аҳәынҭқарра Ахада  инаҵшьны иазгәеиҭеит,    хықәкы  хадас иҟоу    аиҿаргылара    акәымкəа   аизааигәатәра шакәу. Аҳәынҭқарра Ахада иҳәеит,    Аминистрцәа Реилазаара  ҩнызқьи жәашықәса, декабр   ҩажәи ааба рзы иаднакылаз «Аҭоурых- культуратә   ҭынхақәа рахь иаҵанакуа  ахыбрақәа ҿҳәарада ахархәарахь рыҭаразы» Ақәҵара инақәршәаны,  Симон Каннтәи   иуахәамеи,  уа иҟоу     аҧшьаҭыҧқәеи  ҿҳәарада ахархәаразы  ирыҭоуп Пицундатәии,  АҞәатәи  аиашахаҵаратә  епархиа. Абасала, Рауль Ҳаџьымба инаҵшьны иазгәеиҭеит, Афонҿыцтәи ауахәама иаҵанакәеи, уа иҟоу  амазареи   рхархәаразы   азин   шамоу      Аҧснытәи  аиашахаҵаратә  уахәама.
    
Рауль Ҳаџьымба    хшыҩзышьҭра  аиҭеит, ҩнызқьи жәба шықәсазы    Аб  Дараҭ  Урыстәылазегьтәи  апатриах Кирилл иахь ааҧхьара шыҟаиҵаз Симон Каннтәи  иуахәама   Урыстәыла  аиашахаҵаратә уахәамахь ирыдыркыларц.  Убри инамаданы,  атәыла Ахада иазгәеиҭеит, аҳәынҭқарра иатәу  амазара  иара ишиҭахыу ахархәара аӡәгьы азин шимам.

Рауль Ҳаџьымба иҳәеит,  аҧсуа  иашахаҵаратә уахәама  аус   ихы шалаимгало. Убри аан       хаз игоу    ауаа   ринтересқәа   рыхьчара   акәымкәа, аҧсуа  уахәама    азҵаара раҧхьаӡа иӡбатәу    усны  дахәаҧшуеит.   Зегь реиҳа ихадоу   ҳәа Рауль Ҳаџьымба иҧхьаӡоит,   ақырҭуа иашахаҵаратә уахәама  ацрыҵразы   амҩақәа рыҧшаара. Аха уи азы   иаҭахыуп  аидгылара, -  азгәеиҭеит атәыла  Ахада.

Рауль Ҳаџьымба  аганқәа    рахь ааҧхьара  ҟаиҵеит    Аҧсны аҳәынҭқарра иҭышәынтәаланы аҿиара иаҧырхагоу    ауахәамақәа  реиҿагылара     аҧыхразы  ашьаҿақәа  ҟарҵарц.  Урҭ  амҩақәа ирукуп ҳәа  атәыла ахада   иазиҧхьаӡоит,  иҧшьоу  аметрополиа    Аҧснытәи аиашахаҵаратә уахәама  аилазаара  алалара. Аиеромонах Игнатии   иазгәеиҭеит,    Аҧснытәи  ауахәама  азҵаара    аӡбара    рыҽшазыршәоз  аибашьра  ашьҭахьгьы,  усҟангьы  аҭагылазаашьа  аҧсахразы   акыр аҽазышәарақәа  ҟаҵан , аха  уи  ус  имариамхеит.

Аҧснытәи аиашахаҵаратә уахәама  ахаҭарнакцәа    ирҳәеит,    Афон  Симон  Каннтәи    имшныҳәа    азгәаҭара   аҽалархәра ргәы ишҭоу.

Аҧсны  Ахада  ааҧхьара  ҟаиҵеит    аҭагылазаашьа    дмыруадаҩырц.

Рауль Ҳаџьымба    дшадгыло иҳәеит,    Аҧсны    ауахәама    азҵаара    закуанла  аҭышәныртәалара.

Сима Аргәын, Беслан Џьынџьал, АТ.

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
20 Февраль 2018
63
19 Февраль 2018
104
Аҭыжьымҭаҿы:Имҩаҧысит Жәлар реизара асессиа изаамҭанытәым аилатәара.
19 Февраль 2018
101
Иара еиҿкаан АҞәа иҟоу «Москва аҩни» араион ахадареи рымч ала.
19 Февраль 2018
136
Иазгәаҭаны ирымоуп х-километрак рҟынӡа амҩа аҟаҵара.
19 Февраль 2018
95
Ааҧынтәи асессиа актәи аилатәараҿы Аконституциатә усӡбарҭа ахәбатәи аӡбаҩыс далхын Алиса Бигәаа.
16 Февраль 2018
128
Аҭыжьымҭаҿы:Аҟәатәи араионтә еизара адепутатцәа араион ахада икандидатура иадгылеит.
16 Февраль 2018
133
Аспециалистцәа ражәақәа рыла, апальма зфо абжы ҟаҧшь уажәнатә иаанкыламзар, егьырҭ аҭыҧқәа рахь ииасыр алшоит.
Загрузка плеера
Алаҳәарақәеи адныҳәаларақәеи
АГТРК