Аҟәа имҩаҧысит «Аҧсны атәылауаа рхаҭара шьақәзыргыло адокумент акьыҧхьразы асистема» аӡыргара.

18.05.2016
468

Аӡыргара иазкыз  аофициалтә усмҩаҧгатә  иалахәын Аҧсны Ахада Рауль Ҳаџьымба , Жәлар Реизара ахантәаҩы Валери Бганба, аҧыза-министр Артур Амқәаб, аиҳабыра рхаҭарнакцәа, апроект аус адызулоз Урыстәылатәи аҳәынҭқарратә дырга аусбарҭа аусзуҩцәа . Аилатәара аартуа, Аҧыза- министр ихаҭыҧуаҩ Шамил Аӡынба иҳәеит, ишымҩаҧгаз Аҧсны атәылашәҟәҿыц аҭыжьразы аҧышәаратә усура. « Уи ишаҳнарбаз ала, атәылашәҟә ҿыцқәа рыла ауааҧсыра реиқәыршәара ҳазыхиоуп»,- иҳәеит иара.

Аӡыргара иалахәыз идырбан атәылаушәҟәҿыц ахарҭәаареи иара асистемала аус адулареи ртәы уеилзыркаауа авидеонҵамҭа.

Аҳәынҭқарратә дырга аусбарҭа асистематә интегратор аҳасаб ала, аелектронтә база  аҧҵараҿы хықәкылатәи аусурақәа мҩаҧнагоит. Ари апроект аҵак ҷыда амоуп ҳҳәынҭқарразы, уи аҟны хархәара рыҭоуп Урыстәыла аларҵәара змоу   аппараттә программақәа. Убри аан иазгәаҭан,  адактилоскопиа ахархәара шаҭоу, иара убасгьы ари апроект аҿы хархәара зызуу егьырҭ ашәарҭадаратә шәага-загақәа ирыбзоураны уаанӡатәи атәылауаҩшәҟәы аасҭа хынтә рыла еиҳаны ихьчоуп.

Анаҩс, аҳәынҭқарра Ахада Рауль Ҳаџьымба атәылауҩшәҟәқәа рнапаҿы идиркит раҧхьаӡа урҭ зыҭаз ҧшьҩык атәылауаа.

Аӡыргара  аофициалтә хәҭа анаҩс, ажурналистцәа алшара рыман азҵаарақәа рыҭииразы. Атәылауаҩшәҟәқәа Аҧсныҟа излаагаз ҳәа иқәгылаз азҵаара аҭак ҟаҵо, Аҧыза- министр ихаҭыҧуаҩ Шамиль Аӡынба иазгәаиҭеит, урҭ Аҧсныҟа рҭагалара аан ҷыдалатәи агәцаракра шаҭаз ашәарҭадара азҵаарақәа.

Апроект аус адулара мҩаҧысуан ҩнызқьи жәиҧшь шықәса раахыс. Ари асистема зегьы иахҭынҵан шәмиллионк мааҭ. Атәылауаҩшәҟәы ахарҭәааразы аескиз аус адырулеит аҧсуа сахьаҭыхыҩцәа. Анаҩс уи иалагалан ахьчаратә дыргақәа.Ҩнызқьи жәохә шықәса инаркны, Аҧсны аҩныҵҟатәи аусқәа рминистрра еиқәнаршәеит аелектронтә атәылауаҩратә шәҟәы асистема аус адуларазы иаҭаху амаругақәа зегьы. Ҩышәи ҩынҩажәи жәаба нызқь цыра апаспортқәеи, ҩынҩажәи жәаба нызқь  анхаразы аршаҳаҭгақәеи Аҳәынҭқарратә дырга аусбарҭа Аҧсныҟа иаанагеит ҩнызқьи жәохә шықәса анҵәамҭазы.

Ари атәылауаҩшәҟәы ҷыдалатәи адыргақәеи, адаҟьақәа рырҧшӡареи раан ҳасаб рызун ажәытәӡатәи аҧсуа орнаментқәеи, зҽызыҧсахуа аҧшшәқәеи. Ари атәылауҩшәҟәы аус адулараан хархәара рыҭан Аҳәынҭқарратә дырга аусбарҭа иатәу ашәарҭадара алзыршо ҷыдалатәи апрограммақәа. Аӡыргараҿы ишырҳәаз ала, ари апаспорт жәашықәса аҿҳәара амоуп, уи лассы ихаӡом. Аҧсны ауааҧсыра атәылауҩшәҟәы ҿыцқәа рыла реиқәыршәаразы  анаҩстәи аетап хацыркхоит араионқәа зегьы рҿы аусура аҳәаақәҵаразы.

Елана Лашәриа, Беслан Џьынџьал, Ҭемыр Гогохьиа,АТ.

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
18 Ноиабр 2017
23
17 Ноиабр 2017
87
Аҭыжьымҭаҿы:Зыргылара иаҿу аобиектқәа ргәаҭаразы. Усутә визитла Аҧсны даҭааит Лев Кузнецов.

17 Ноиабр 2017
91
Гиви Аиба ҩынҩажәа шықәса инарзынаҧшуа Аҟәатәи аботаниктә баҳча напхгара аиҭон.
17 Ноиабр 2017
88
Уи хықәкыс иамоуп Аҧсни Нхыҵ –Кавкази еидызкыло азеиҧш культуратә аинформациатә , агуманитартә қәыҧшылара арҕәҕәара амеханизмқәа аус рыдулара .
17 Ноиабр 2017
98
Уи хациркит Басараиа имҩаду аҿы иҟоу аҩнеихагылақәа фба рҿы иқәдыргылаз алифтқәа русушьа агәаҭара ала.
17 Ноиабр 2017
80
Аҳәынҭқарратә ҳәааҿы иара диҧылеит Аҧыза-министр Беслан Барцыц.
16 Ноиабр 2017
172
Аҭыжьымҭаҿы:Акаҭа ахаҧеит. Лыхны ақыҭан икыуп аҩнатә ҧсаатә ҭаха рызымҭоз агыгшәыг.
Загрузка плеера
Алаҳәарақәеи адныҳәаларақәеи
АГТРК