Очамчыра араион Оҭаҧ ақыҭан официалла иаадыртит акурорттә обиект ҿыц « Отаҧ ахы»

18.05.2016
609

Очамчыра  араион  Оҭаҧ   ақыҭан    официалла   иаадыртит   акурорттә    обиект    ҿыц.  « Отаҧ  ахы» захьӡу   аҳаҧы   аартра    рхы  аладырхәт  атәыла   Ахада Рауль Ҳаџьымба,  Жәлар Реизара   аиҳабы  Валерии   Бганба,  акурорти  атуризми  рзы    аминистр  Автандил  Гарцкиа.

« Отаҧ  ахы»    захьӡу  аҳаҧы    аҧсшьацәа хыҧхьаӡара рацәала       изҭаауа    ҭыҧуп.  Аҧсабара  аҧшӡара     адагьы,  ари аҭыҧ   иаҭаауа   асасцәа  алшара     рымоуп   аҧсуа  чысқәа   ргьама   абара.  Иара  убасгьы  араҟа  иҟоуп   жәохә- ҩык  рҟынӡа      ахьыҧхьаша   аанаҿасырҭатә   ҭыҧқәа.  Атәыла   Ахада  Рауль Ҳаџьымба  аҳаҧы     дҭаланы    игәаиҭеит.

Акурорти атуризми  рминистр  Автандил Гарцкиа  иажәақәа рыла, иара      напхгара  ззиуа   аминистрра  хықәкы     хаданы  иамоуп    ҳтәыла   иаҭаауа  аҧсшьацәа  рхыҧхьаӡара    аизырҳара.   Ас  еиҧш  иҟоу    аобиектқәа   раарта    уи азы    ицхыраагӡа  дууп,    иҳәеит аминистр.
  Аҳаҧы   аиҳабы    Валерии   Адлеиба иажәақәа рыла,  араҟа   имҩаҧгоу   аусурақәа     ирықәхарџьуп  жәа- миллион  мааҭ  рҟынӡа.   Урҭ   рахьтә  хә- миллионк   кредитла     иара  аҳәынҭқарраҿы   игеит.  Уажәазы  араҟа иҟаҵоу     шмаҷымгьы,    ҧхьаҟа   ари  аобиект   амҽхак   арҭбаара   игәы иҭоуп.

Километрак     аҵаулара  змоу   аҳаҧы  алшара  амоуп    мышкы   иалагӡаны   700- ҩык     аҭааҩцәа    адкылара. Аҳаҧы    аҭалара  аӡәы  изы  иаҧсоуп    250- мааҭ.  Аҭыҧантәи  ауааҧсыра рзы  аҳаҧы   аҭалара    хәыда- ҧсадоуп.   Иазгәаҭатәуп,  араҟа     ашәарҭадара    азҵаарагьы    ахылаҧшра    ҷыда    шаҭоу.   Ақыҭауаа  ргәаанагарала  ас  еиҧш  иҟоу   аобиектқәа   раартра   ақыҭа     аҿиареи    аиқәырхареи   рзы   аҵак    ду    рымоуп.

Сынтәатәи    ашықәс  иалагӡаны,   ҿыц  иаадыртыз   аҳаҧы    анапхгареи,   еиуеиҧшым    атуристтә   фирмақәеи  ирыбжьоу      аиқәшаҳаҭрақәа    инарықәршәаны,     ф- нызқь   ҩык   рҟынӡа    аҧсшьаҩцәа    ирзыҧшуп.

А. Корсаиа,  А.  Маланиа.АТ
  

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
16 Август 2018
31
Аҧсны Ахада, Атәылахьчара аминистрра аколлектив дыдирдырит Аштаб Хада аиҳаб ҿыц Васили Луниов.
16 Август 2018
53
Мызкы инарзынаҧшуа Тҟәарчал ақалақь Џьанҭоу аҳаблаҟны ажрақәа мҩаҧыргоит Аҧсныи Урыстәылеи рархеологцәа.
16 Август 2018
55
Имҩаҧысит ҳтәыла еиуеиҧшым араионқәа рҟынтә ауаажәларратә еиҿкаарақәа злахәыз аиҧылара.
16 Август 2018
45
Васили Луниов Аҟәаҟа даанӡа, Алжир арратә бжьгаҩыс дыҟан.
15 Август 2018
83
15 Август 2018
65
Араҟа еизгаз аҧара афонд« Ашана »иахыҧхьаӡалахоит .
Загрузка плеера
Алаҳәарақәеи адныҳәаларақәеи
АГТРК