Гагратәи афымцанхамҩа аиҭашьақәргыларазы аусурақәа мҩаҧысуеит.

18.05.2016
508

Сынтәа    аҧхын   аҧсшьара    Аҧсныҟа   иаауа     иахәҭоу  аҭагылазаашьа    рзаҧҵаразы,    атәыла Ахада    имҩаҧигаз  аилацәажәараҿы   иазааҭгылан   Гагра  ақалақь   фымцалашарала    аиқәршәара    азҵаарагьы. Избанзар   аҧхын  еицырдыруа ари ақалақь иаҭаауеит хыҧхьаӡара рацәала    аныҟәаҩцәеи аҧсшьаҩцәеи.  
Гагра   рыҧхьаӡоит  Аҧсны  иреиҕьу  ҧсшьарҭа  ҭыҧуп ҳәа. Иара иаҭаауа   рхыҧхьаӡара   маҷӡам.  Уаанӡа  дара    рыҧсы  ахьыршьоз  ахыбра  ҷыдақәа  ыҟан.  Аиааира ашьҭахь,  урҭ рыхәҭак шьақәргылан, Гаграа убасгьы  рыҟаҵара иалагеит    ахатәы  ҧсшьарҭа ҩнқәа.  Уи  ус  бзиоуп. Аха   ес- ҧхынра   дара рхы иадырхәо  афымцалашара  иацымлозар,   иагхаӡом.

1964  шықәсазы     иҟаҵаз    Бзыҧҭатәи  афымцеихшара  аҟнытә ауп   Гәдоуҭа  инаркны    мраҭашәарахьтәи  Аҧсны аҳәаа  аҟынӡа    афымцалашара   шроуа.  Араҟа    ҩнызқьи жәаҩа  шыықәсазы     ихадаз    амыругақәа рыхәҭак     ҧсахын. Егырҭ зегьы  рықәра   ҩынҩажәи жәеиза  шықәса иреиҳауп.  Уажәы   Урыстәыла  аинвестициатә программа  инақәршәаны,   рыҧсахра   иаҿуп   амыругақәа  рыхәҭак. Аусурақәа нарыгӡоит аунитартә наплакы  « Амшынеиқәафымцамчы»  аусуцәа.

Бзыҧҭатәи  афымцаеихшарҭа анаҩс , Гагра    аус руеит   даҽа  ҩ-  фымцаеихшарҭак. Даргьы рықәра  маҷым.  Убри  иахҟьаны  аҧхын агәазы    фымцалашарала  аиҧҟьарақәа  ҟалоит   аҧсшьарҭа  дуқәеи,  ахатәы  ҧсшьарҭақәеи ахьырацәоу   азы.  Уажәазы  Гагратәи  афымцеихшарҭа   аусуцәа  аҧхын алашара  рацәаны    рхы иахьадырхәо   акабель ҿыцқәа шьҭарҵоит .

Ҩ- нызқьи жәохә шықәсазы  ари араион аҟны инхоз изныкымкəа  амитингқәа  мҩаҧыргахьан,  еиҳаракгьы   ахатә уадақәа змоу,  ахатәы  ҧсшьарҭа ҩнқәа зызгылам. Избанзар афымцалашара   лассы- лассы   идырцәылар акәын,  амчхара    ахьазымхоз иахҟьаны.  Асҭамыр Џьонуа  убасгьы иҳәеит,   сынтәа   афымцалашара  ахархәара  ҵыҧх  аасҭа    жәа- процентк рыла ишеиҳахо.  Уи зыхҟьо  афымцанхамҩа аусбарҭа  аусуцәа  адыррра рымҭаӡакəа  , ахатәы  ҧсшьарҭа ҩнқәа ргыланы ,  фымцалашарала еибырҭоит.
Иџьоушьаратәы иҟазаргьы , Гаграа  рацәак  иҕарны ишнымхогьы,   афымцалашара  ахәҧса    ашәаразы    харџь  дук  ҟарҵом. Изымшәо рхыҧхьаӡара   ҩынҩажәи жәаба  процент иреиҳауп.

Гагратәи аенергетикцәа ирҳәеит, Аҧсны  Ахада  иҟаиҵаз афинанстә цхыраарала анхамҩа  аиҭашьақәргыларазы  уажәы изҿу аусурақәа  мчыбжьык  аҟнытә ишыхдыркәшо,  амш ирнаҭар. Аха  ҳаҧхьаҟагьы,  ауаа рхы иадырхәо   афымцалашараз   аҧара   ашәара    иацрымҵар,  иҟоу  апроблемақәа   рҭыҧ  ақәҵара  акыр  иуадаҩхоит.

Д.Инаҧшьба, Алықьса  Агәхаа.АТ


Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
21 Ноиабр 2017
117
Аҭыжьымҭаҿы:Афестиваль « КУНАКИ»   аусура  хнаркəшеит, аха  агран – при  занаршьаша   аусумҭа  ҳәа  акагьы  рзалымхит.
21 Ноиабр 2017
92
Сынтәатәи афестиваль аҿы иалкаан ф-фильмк. Убри аан, сынтəа агран-при алкаамызт.
21 Ноиабр 2017
99
Уи азкуп археорлог-кавказҭҵааҩ МихаилҬраҧшь и-шәышықәсхыҵра .
21 Ноиабр 2017
69
Ирылацәажәон Аҧсны инхо Урыстәыла атәылауаа амедицинатә ҧгаҧса рыҭарарзы аиқәшаҳаҭра анагӡашьа азҵаарақәа.
21 Ноиабр 2017
86
Ирылацəажəеит Санкт- Петербург имҩаҧысыз жәларбжьаратәи акультуратә форум алҵшәақәа.
20 Ноиабр 2017
133
Аҭыжьымҭаҿы:Иҵит ҩажәи хәба шықәса Аҧсны аҳәынҭқарратә шәарҭадаратә маҵзура аҳәаахьчаҩцәа ргәыҧ аҧҵоижьҭеи.
Загрузка плеера
Алаҳәарақәеи адныҳәаларақәеи
АГТРК