Аҧсны иаҧҵоуп даҽа политикатә еиҿкаарак. Аҟәа имҩаҧысит Апартиа ҿыц «Аҧсны» аҧҵаратә еизара.

19.05.2016
575

Ҳтәылаҿы   иаҧҵоуп    иҿыцу аполитикатә еиҿкаара.   АҞәа имҩаҧысыз аизара ду аделегатцәа еицҿакны     иаҧырҵеит    ареспубликатә – политикатә партиа  « АҦСНЫ».  Аизара ду  аусурахь ааҧхьара рыман   Аҧсны Ахада Рауль Ҳаџьымба, Аҧсны Ахада ихаҭыҧуаҩ Витали Габниа,  апартиақәеи,  ауаажәларратә еиҿкаарақәеи рхаҭарнакцәа.

Аҧсны имаҷуп узҳәом   аполитикатә партиақәеи,    ауаажәларратә еиҿкаарақәеи. Дара рхыҧхьаӡара    ҩынҩажәа   иреиҳауп.  Рызегьы  хықәкык- хықәкык  рымоуп.   Аполитикатә партиа   «Аҧсны»   гәҭакыс иамоуп   адырра змоу ,зегь раҧхьа  аҿар  аҳәынҭқарра  анапхгараҭара   радыҧхьалара.

Аҧсны  араионқәеи, ақалақьқәеи  хәба рҟнытә  аизара ду  аделегатцәас   иҟан  шәи ҩынҩажәи быжьҩык.  Азакуан инақәршәаны, ари  ахыҧхьаӡара   азин ҟанаҵоит   аизара ду  амҩаҧгара , насгьы  иара иаднакыло ақәҵара    азинтә мчы   аҭара.  Иқәгыланы ицәажәоз аделегатцәа   ирҳәоит ,   аҳәынҭқарра  аҿаҧхьа   ишьҭоу  аусқәа рыӡбаразы  аидгылара    шаҭахыу.   Ишымҩаҧгатәу  еиуеиҧшым   азҵаарақәа    рҭыҧ рықәҵаразы  асоциологиатә  ҭҵаарақәа. Анаҩс ,  аиҳабыра русураҿы   рхы иадырхәарц.  Иазгәарҭон     апартиақәа рхыҧхьаӡара    аизҳара    атәылазы     ихәарҭоуп ҳәа   ишырыҧхьаӡо.   Ирҳәон  Аҧсны  анапхгара  шазыхиоу  егьырҭ апартиақәеи  ауаажәларратә  еиҿкаарақәеи    рнапхгаҩцәеи рхаҭарнакцәеи  иӡбатәу  азҵаарақәа рзы  рацәажәара. Аделегатцәа ражәақәа рыла,   апартиа аҧҵара  убасгьы хықәкыс иамоуп ареспубликаҿы  иҟоу  аҵарадырратә лшарақәа   реидкылара.    Ишаанкылатәу      адырра змоу    ареспублика   ааныжьны  усура  рцара. Нхарҭала ишеиқәршәатәу   аҭаацәара   қәыҧшцәа.

Апартиа «  Аҧсны»    аҧҵан Владислав  Арӡынба ихаан.  Иара раҧхьатәи  анапхгаҩы    Нугзар Агрба   иҳәеит,    атәылаҿы   иҟоу    аиҭакра  бзиақәа  шмаҷым.  Аха,   аҭагылазаашьа  аҭышәныртәаларазы   акоолициатә еиҳабыра    аҧҵара  дшақәшаҳаҭу,    ареферендум  амҩаҧгара    аанкыланы.

Ареспубликатә политикатә партиа « Аҧсны»  аиҿкааратә  еизара ду  ахь   ааҧхьара змаз   атәыла  Ахада Рауль Ҳаџьымба    аделегатцәа   дрыдныҳәаланы  аҳәамҭа  ҟаиҵеит   акоолициатә еиҳабыра раҧҵаразы  иҟоу   аҧшьгамҭақәа   инарымаданы.

Атәыла  ахада  убасгьы    ареферендум  амҩаҧгара азҵаара   далацәажәо иазгәеиҭеит, иарбанызаалак  иара алҵшәақәа  дышрықәшаҳаҭхо.
Апартиа  «Аҧсны»  аиҿкааратә еизара ду аҟны     иқәгылаз Аҧсны Ахада ихаҭыҧуаҩ Витали Габниа    иазгәеиҭеит,  аделегатцәа  рыбжьара   иҿыцу  ауаа    ахьыҟоу    угәы  ишахәо. Апартиа апринцип хадақәа  аделегатцәа   ишрыцеиҩишо. Далацәажәеит ареспублика асоциал-  економикатәи, аполитикатәи   ҭагылазаашьа   дшахәаҧшуа. Иҳәеит,   ҩнызқьи зеижә шықәсазы  имҩаҧгахо атәыла Ахада    иалхрақәа   шеиҿкаатәу    уара   утәы    сара  стәы  ҳәа еилых ҟамҵакуа  ажәлар еидкыланы.

Аделегатцәа  абжьыҭарала   ишьақәдырҕәҕәеит апартиа  ахьӡ  «АҦСНЫ» ҳәа. Иара убасгьы ишьақәрҕәҕәан   апартиа  аҧҟаҧҵеи    апрограммеи. Апартиа  аполитикатә хеилак  еиднакылоит ҩынҩажәи хәҩык. Аполитикатә хеилак  аилатәараҿы   иалырхуеит    апартиа    ацхантәаҩцәа.  Аизара ду  аҿы  убасгьы ишьақәрҕәҕәан агәаҭара- ревизиатә хеилак    алахәылацәа.

Д.Инаҧшьба, Алықьса  Агәхаа,АТ


Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
17 Ианвар 2018
32
Аҭыжьымҭаҿы: Иаарту аицәажәара. Аҧсны ахадеи Гагра арион активи реиҧылара.
17 Ианвар 2018
21
Аҧсуа ҳәынҭқарратә аҿартә театр актиорцәеи уи ақәыргылаҩцәеи аспектакль аус адулараан ирҧылоз ауадаҩрақә ртəы иазааҭгылеит апресс-конференциаҿы.
17 Ианвар 2018
24
Абиуџьети , ашәахтәи, акредити рзы аилак имҩаҧнагаз аиҧылара иалахәын аусдкылаҩцәа.
17 Ианвар 2018
18
Уи инақәыршәаны Аҧсны атәылауаа зегьы ҩышә-нызқь рҟынӡа аҧара кредитла иргартә алшара роуеит .
17 Ианвар 2018
36
Гагра имҩаҧысит атәыла Ахадеи, аиҳабыреи, Жәлар реизара адепутатцәеи, ауаажәларреи злахәыз аизара.
16 Ианвар 2018
71
16 Ианвар 2018
56
Уи иахҟьаны иҧсҭазаара далҵит Узбекистан атәылауаҩ.
Загрузка плеера
Алаҳәарақәеи адныҳәаларақәеи
АГТРК