«Уахык амузеиаҿы» захьӡыз акциа аҳҭнықалақь амузеиқәа рышәқәа аанартит аҭааҩцәа рзы.

19.05.2016
619

«Уахык амузеиаҿы» захьӡыз акциа аҳҭнықалақь амузеиқәа рышәқәа аанартит аҭааҩцәа рзы. Аекспонатқәа ирыхаҧшырц зҭахыз ари ауха рхыҧхьаӡара маҷмызт.

Аҵх агәахьы ишнеихьазгьы, атәыла амузеи хада аҿаҧхьа   ауаа рацәан. Аҭааҩцәа рзы уи ашәқәа аанартит шьыжьы инаркны.   Ауха аҵх  агәы  ааиҩнашаанӡа  изҭаху зегьы   аҧсуа  жәлар  рҭоурых иагәылаҧшырц рылшон. Акультуреи  аҭоуры  культуратә ҭынхақәа рыхьчара  аминистр Ельвира Арсалиа лажәақәа рыла,  аиҿкааҩцәа   хықәкы хаданы ирыман акультуратә хьышьҭрақәа   рахь  аҿар разхьарҧшра. Амузеи аҭаарала акультура ауаа рыларҵәара, аинтерес ашьҭыхра.

Амузеиқәа   ирҭааит  аҳәынҭқарра  Ахада  Рауль Ҳаџьымба,  Аҧыза-  министр Артур Амқәаб,   ауаажәларра рхаҭарнакцәа, аҧсуа интеллигенциа.

Ҵхыбжьонынӡа  агәаҳәара змаз зегьы  алшара рыман  аҧсуа  жәлар   знысхьоу   аҭоурых   аамҭа  рхаҿы  аагара. Иазгәаҭатәуп,   ари  аусмҩаҧгатә ишазырхиаз  апрограмма ҷыдагьы. Амузеи  аҧсабара аҟәшаҿы аҭааҩцәа хәыҷқәа ирзеиҿкааз ахәмарра иагәыланахалеит.

Амузеи амш ныҳәа инамаданы,  араҟа  иаартын абжьаратәи ашәышықәсақәа ирыҵаркуа азал. Аҧсуаа рабџьар, ари аамҭа иаҵанакуа ауахәамақәа рыхәҭақәа, хыҧхьаӡара рацәала аҧсуаа рыбзазашьа аазырҧшуа аекспонатқәа. Аха,  аҭыҧҳацәа зегь реиҳа азҿлымҳара зырҭоз аҳәса рҽыҧшӡагатә маҭәашьарқәа ракәын. Араҟа ицәыргоу алымҳарыҩқәа  ахәдахаҵақәеи  ақəра рацәа шрымоугьы, хымҧада ҳаамҭазтәи аҧҳәызба далаҽырбартә иҟоуп.

Ари аҩыза акциа ақалақь  ауааҧсыреи,  уи  иаҭаауа   асасцәеи рзы культуратә хҭыс духеит.   Амузеи    хәыда-ҧсада аҭаара   акәӡам ауаа  адзыҧхьалаз.  Уахынла амузеи аҿы аекспонатқәа рыҧсы рхалазшәа унарбоит.  

Ииасыз ашәышықәса хынҩажәи жәабатәи ашықәсқәа инадыркны адунеиаҿы маи жәаа рзы  иазгәарҭоит амузеиқәа жәларбжьаратәи рымш. «Амузеиаҿы аҵх» захьӡу акциа Аҧсны ҵыҧх ихацыркын. Сынтәа акәзар,  уи   аҽарҭбааит, уи   иалахәхеит    егьырҭ амузеиқәагьы. Дырмит Гәлиа иҩны-музеи аҿы ари амш аҽны ашколхәыҷқәеи астудентцәеи рзы еиҿкаан аекскурсиақәа, аклаасикатә музыка абжьы ҩныҩуан амш зегьы. Апоетцәа  ҿарацәа раҧҵамҭақәа  ирыҧхьон.

Атәыла Ахада Рауль Ҳаџьымба дымҩахыҵит Дырмит Гәлиа иҩны- музеиахьгьы. Алитература-мемориалтә музеи аусзуҩцәа ирымаз алшара рхы иархәаны ари аҩны аҭоурых адагьы ,  изеиҭарҳәеит ахыбра аҭагылазаашьа зеиҧшроу, проблемақәа ирымоу иахьатәи аамҭазы.
Атәыла Ахада  амузеи  аусзуҩцәа   ақәиргәыҕит ҳаҧхьаҟа ари ахыбра аремонт   азура,  абиуџьет аҿы ишарбахо  ала.

Сима Аргәын, Саид Аиба. АТ


Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
20 Ииун 2018
36
Аҭыжьымҭаҿы:Аиубилеитә рыцхәқәа рымҩаҧгара аҽазыҟаҵара иазкны Аҧсны Ахада аилацәажәара мҩаҧигеит.
20 Ииун 2018
19
Убри азы аӡбамҭа идикылеит Аҧсны аҵареи аҭҵаарадырреи рминистр Адгәыр Какоба.
20 Ииун 2018
55
Урҭ аҭыҧқәа ргәаҭаразы дырҭааит аҳҭнықалақь ахада Адгәыр Ҳаразиа.
20 Ииун 2018
29
Ҷыдала иаҧҵаз аусуҩтә гәыҧ ари азҵаара анҭырҵаа, еилкаахеит Аҧсны атәылауаа рзинқәа реилагара аҭыҧ шамоу.
20 Ииун 2018
31
Убас,. Гагра араион Алаҳаӡыхь ақыҭаҿы иҟоу агәамеизгарҭа ауадаҩрақәа акыр рызцәырнагоит ааигәа инхо ауааҧсыра.
Загрузка плеера
Алаҳәарақәеи адныҳәаларақәеи
АГТРК