Ешыратәи аибашьцәа рмузеи аҿы имҩаҧган жәохә шықәса рыҩныҵҟа русура аихшьаала иазкыз аиҧылара.

19.05.2016
553

Ешыратәи аибашьцәа рмузеи аҧҵоижьҭеи  сынтәа жәохә шықәса ҵуеит. Уи аамҭа  иалагӡан  араҟа иҟаҵаз  маҷым. Еидкылан аекспонатқәа, иҭҵаан аибашьцәа  рҭоурыхқәа.   Адунеи  аҿы амузеи  амш  азгәаҭара инамаданы  Ешыратәи  аибашьцәа рмузеи  аҿы  имҩаҧган  жәохә шықәса  рыҩныҵҟа  русура аихшьаала иазкыз  аиҧылара. Уи  рхы  аладырхәт  аибашьра аветеранцәа, иҭахаз рҭаацәа,  Ешыра  ақыҭа ауааҧсыра.
Ешыратәи аибашьцәа   рмузеи аиҿкаара  нап  аркын  аибашьра  ашьҭахь. Усҟан  Аҧсны  араионқәа зегь рҿы  иҭахаз  аибашьцәа  рыхьӡ  анаунагӡатәразы  идыргылон  абаҟақәа , аха Ешыра ақыҭа  ауааҧсыра  еицҿакны  ирыӡбеит  аибашьцәа  рыхьӡ зҳәо  амузеи  аҧҵара.  Раҧхьаӡа  акәны  амузеи    аиҿкаара рнапы  аларкит аибашьраан  ҧшьҩык  аҵеицәа  зыцәҭахаз  Ҭамара Езыгәбаиа  лыҧшәмеи лареи .  Ақыҭа ауааҧсыра  ракəзар,  адгылара  рырҭеит,  уи  адагьы  Аҧсны  раҧхьатәи  Ахада Владислав Арӡынба   хаҭала  днеины  амузеи  ахьыҟалашаз  аҭыҧ  аиҿкаараҟны  дрыцхраауан.

Ҭамара  Езыгәбаиа  лажәақәара рыла,   Ешыра  ақыҭаҿ  аибашьцәа рмузеи  аиҿкаара  рнапы  алакуп  ҳәа  заҳаз    анхацәа  имаҷымкəа  ацхыраара  рырҭеит, урҭ иааргон   аибашьцәа  ирҭынхаз  абџьарқәа,  рҟәыхқәа.
Ҩнызқьи хәба шықәса раахыс, Ешыратәи  аибашьцәа рмузеи  напхгра  азылуеит  Марина Тәан-ҧҳа .
Уи  аамҭа  иалагӡан,  араҟа имҩаҧыргахьоу   аиҧыларақәа  маҷым, уи инаҷыдангьы,  Нхыҵ  кавказынтәи  ирҭаалоит  асасцәа.  Марина  Тәан-ҧҳа   илҳәоит,  аибашьцәа  Ешыратәи рмузеи  аҭыҧ машәыршақә  ишалхымыз,  уи Владислав  Арӡынба    игәаҳәара  шакəыз.

Амузеи аусура  аихшьаала ҟаҵо,  еизаз  минуҭктәи  ҿымҭрала  иргәаладыршәеит Аҧсны зхы  ақәзҵаз  аҵеицәа.

Аҧылара  иалахәыз  Аҧсны  анацәа рхеилак  ахантәаҩы Гәли Кьычба илҳәеит,  амузеи  аргылара  макьана  нап  шаркым,  аха  агәрагара   шаалырҧшуа, иаарласны  уи  азҵаара шыӡбахо  азы.
Аиҧылара  иалахәыз  идырбан  авидеонҵамҭақәа,   инагӡан  ашәақәа, ашкол хәыҷқәа  ажәеинраалақәа ирыҧхьеит.

Фатима Гьергьиа, Саид Аиба ,АТ.



Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
19 Ианвар 2018
67
Аҭыжьымҭаҿы:Анцәа аӡы иӡаахра.  Аҧсны ақьырсианцәа иазгәарҭеит аныҳәа хадақәа ируаку.
19 Ианвар 2018
88
“ Қьалашьбеи” иахәаҧшырц еизаз ауаа, аспектакль гәахәарыла ирыдыркылеит, рыгәгьы арҧшааит .
19 Ианвар 2018
159
Шәҩык автоинспекциа аусзуҩцәа злахәыз ареидқәа мҩаҧган мызкы иалагӡан, акциа алҵшәақәа ҳасаб рзуны агәаҭарақәа ирыцҵазарц азыӡбан.
19 Ианвар 2018
57
Уи мҩаҧигеит Аҧсны Аишахаҵаратә уахәама аиҳабы Аб Бассариан Аҧлиа
19 Ианвар 2018
59
Аиҳараҩык уахь инеиуеит Иҧшьоу Василиск иӡыхьцқьа аҟнытә аӡы ргарцаз.
18 Ианвар 2018
198
Загрузка плеера
Алаҳәарақәеи адныҳәаларақәеи
АГТРК