Очамчыратәи ашкол-интернат аҿы имҩаҧысит гәыҧҩык аҧсуа поетцәеи ашколхәыҷқәеи реиҧылара.

19.05.2016
916

Очамчыратәи ашкол-интернат аҿы имҩаҧысит гәыҧҩык аҧсуа поетцәеи ашколхәыҷқәеи реиҧылара. Апоезиа ахәылҧаз еиҿкаан аҵараиурҭа анапхгара раҧшьгарала.

Асахьаркыратә ажәа азҟазацәа Очамчыратәи ашкол-интернат раҭаара аҵаҩцәа гәахәарыла ирыдыркылеит. Еицырдыруа апоетцәа Терент Ҷаниа, Анатоли Лагәлаа, Вахтанг Аҧҳазоу, Гәында Сақаниаҧҳа, Заира Ҭҳаиҵықәҧҳа, Гәыгда Кәыҵниаҧҳа злахәыз апоезиа ахәылҧаз рхы аладырхәит ашкол-интернат аҵаҩцәа рыдагьы, хыҧхьаӡара рацәала ақалақьтә школқәа рҵаҩцәагьы.

Ахәылҧаз аартуа, Очамчыратәи ашкол-интернат аиҳабы Марина Џьопуаҧҳа илҳәеит, аиҧш зеиҧшу аусмҩаҧгатәқәа ашколхәыҷқәа асахьаркыратә литературахь ргәыбылра шышьҭырхуа.
Анаҩс ажәа рыман асасцәа. Дара рықәгыларақәа рҿы ирҳәон, агәахәара шырнаҭо ас еиҧш аҵаҩцәа злахәу ахәылҧазқәа рымҩаҧгара. Исахьаркны ирыҧхьон аҵаҩцәа бзиа еицырбо ажәеинраалақәа.

Аҵаҩцәеи апоетцәеи реиҧылара мҩаҧысуан акыр аҧхарра аҵаны. Ашәа иаҧсахуан ажәа. Ашкол-интернат аҿы иеиҿкаау ахаҧшьгаратә гәыҧ инанагӡоз жәлар рашәақәа ахәылҧаз иалахәыз гәахәарыла ирыдыркылеит.
Апоетцәа хатәрақәа ражәеинраалақәа ирзыӡырҩыз аҵаҩцәа агәахәара аадырҧшит рхатәы жәеинраалақәа рыҧхьаразы.

А.Корсаиа,А.Маланиа, АТ.


Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
21
30 шықәса рыҩныҵҟа Платон Бебиа ироман аҧҵаразы аматериалқәа еизигон,хәышықәса аҩра даҿын.
31
Убри инамаданы, Аҧсны Ашәҟәыҩҩцәа реидгыла еиҿнакааит ашәҟәыҩҩы игәаларшәара иазкыз ахәылҧаз.
42
Аҭыжьымҭаҿы:Ианҭаха ашьҭахь 143 медаль «Аиааиразы». Аҧсны Ахада аҳамҭақәа рнапаҿы ириҭеит иҭахаз афырхацәа рҭаацәа.
45
Ари ацәыргакәҵа еизнагеит жәлар рҟазара знапы алаку аҧышәа змоу рыдагьы, иахьа уажәраанӡа зхы ӡырзымгац, аха зус бзиабарала иазнеиуа аҿар.
Алаҳәарақәеи адныҳәаларақәеи
АГТРК