Аҳҭнықалақь амш ныҳәа инадҳәалан, амобилтә еимадара А-мобаил ихацнаркит апроект ҿыц.

20.05.2016
697

Аҳҭнықалақь амш ныҳәа инадҳәалан, амобилтә еимадара А-мобаил ихацнаркит апроект ҿыц. Иаарласны Сергеи Багаҧшь ихьӡ зху ашҭаҿ ишьақәыргылахоит «Ҳара Ҳаҟәа» ҳәа зну аҩыра. Алоготип ҿыц, изхәыцыз авторцәа ргәаанагарала,  ҳтәыла ахьӡ зҳәо, зегьы  еицырдыруа иҟалараны иҟоуп.  

Иахьатәи  аамҭаз, аинформациа ихадоу аҵакы амоуп. Иара зехьынџьара иҟоуп ателехәаҧшра, агазеҭқәа, аинтернет саитқәа рҿы. Ихадароуп уи аинформациа, акы иаламҩашьо ауаҩы илаҧш адхало аҟаҵара. Ус еиҧш иҟоу ахықәкы шьҭыхны, Республика Идеи ҳәа гәыҧҩык аҿар рхеилак иаҧшьаргеит ҳаҳҭнықалақь Аҟәа аӡбахә адунеи иахыҵәо аҟаҵара. Апроект ҿыц адгылара арҭеит амобилтә еиамдара А-мобаил.

Ахеилак ахаҭаранак Марҭа Ҭыжәҧҳа апроект аӡыргара хацыркуа илҳәеит, ас еиҧш агәҭакы акыраамҭа ишазхәыцуаз, аҷкәынцәа уи аҧсы ахаҵара шрылшаз. Русҭам Аншба апроект ҿыц авторцәа дыруаӡәкуп, иара лассы-лассы атәым ҳәынҭқаррақәа рахь дцалоит, урҭ ргәалашәара аҟынтә иааигоит афотоҭыхымҭақәа, уи ақалақь атәы зҳәо. Ус еиҧш акырџьара ишьақәыргылоуп аҳҭнықалақьқәа рыхьӡ зҳәо аҩырақәа.
«Уи Сухум», «Ҳара Ҳаҟәа» абас еиҧш иҟоу аҩыра шьақәыргылахоит Сергеи Багаҧшь ихьӡ зху ашҭаҿ. Аҩыра англыз бызшәала иҟаҵахоит, избанзар англыз бызшәоуп аиҳарак адунеиҿ рхы иадырхәо.

Аҩыра иахьатәи аамҭаз зыҧсы ҭоу абаҟа ҳәа ззырҳәо акәхоит, уи акәша мыкәша ахәыҷқәа иара адуцәагьы иаарҭаху зегьы ҟарҵалар рылшоит. Анбанқәа аиха иалххоит, аха убри аамҭаз ахаҭабзеиреи ашәарҭадареи ҳаракуп, анбанқәа ҷыдала Аҧсны анҭыҵынтә иҟаҵаны иаагахоит.  Аҩыра аҳаракыра метраки бжаки иҟалоит, аура акәзар ааба-жәаба метра, анбанқәа ҟаҧшьылеи шкәакәалеи ишәхоит. Амобилтә еимадара Амобаил ахаҭарнак Марҭа Ҭыжәҧҳа илҳәеит, ари аҩыра акәша мыкәша аиҭакрақәагьы шыҟало, уи адгылара арҭахьеит Аҟәа ақалақь ахадара. Дара апроект ҿыц ахә ҳаракны иршьеит, агәра згоит ҳаҧхьаҟагьы ари аҩыра ааигәара еиуеиҧшым ауснагӡатәқәа, ацәыргақәҵақәа, ахәылҧызқәа,  шымҩаҧгахало, – лҳәеит А-мобаил ахаҭарнак. Апроект ҿыц аинтернет ахархәаҩцәа рҿы аларҵәара амазарц ҷыдала иаҧҵан ахатә порталгьы – Уи Сухум захьӡу. Уаҟа ицәыргақәҵахоит еиуеиҧшым афотоҭыхымҭақәа аҳҭнықалақь аҭыҧқәа рҟынтә, иара убас Аҟәа иазку аинформациа. Асаит аус аулоит х-бызшәак рыла, уи иабзоураны ҳаҳҭнықалақь ахьӡ еиҳа аларҵәара аиуеит.

Аҟәа ақалақь архитектор хада Ҭамара  Лакрба  илҳәеит, апроект дшадгыло, ауааҧысра аҩыра абызшәазы агәынамӡара рызцәырнагар алшоит, аха еилкаатәуп ари апроект ззырхоу ҳтәыла анҭыҵ иҟоу шракәу, – азгәалҭеит лара.  Аҳҭнықалақь асахьаҭыхҩы хада Руслан Габлиа иҳәеит, аҩыра ахьышьақәыргылахо аҭыҧ ишанаало, Сергеи Багаҧшь ихьӡ зху ашҭа культуратә баҟаны иахьыҟало агәахәара ду ааирҧшит.  Иахьатәи аамҭа иақәшәо, ҳаҳҭнықалақь ахьӡ зҳәо аҩыра ашьақәыргыларазы аусурақәа хацыркхоит иаарласны, Аҟәа амш ныҳәа азгәаҭаразы, ақалақь ауааҧсыреи уи иаҭаауа асасцәеи, ҳәарада рхазы иҟарҵоит афотоҭыхымҭа, гәаларшәагас, абаҟа ҿыц иахьанызаауа.

Альбина Жьиҧҳа, Алықса Агәхаа ,АТ
  

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
19 Ииуль 2018
21
19 Ииуль 2018
9
Шықəсыки бжакы раахысиижьҭеи раҳасабырба зеиҧшроу иалацəажəарц Аҧсны Жəлар Реизара Ахада иҿы еиқəшəеит.
19 Ииуль 2018
9
Иара убасгьы имҩаҧысит, Мырзаҟантәи аҧсуаа аҩбатәи реизара ду .
19 Ииуль 2018
16
Ареспубликаҿы имҩаҧысраны иҟоуп ари аныҳәамш иазку ауснагӡатәқәа жәпакы.
19 Ииуль 2018
11
Асиа шьақәыррҕәоуп, иаҧҵаз акомиссиа имҩаҧнагаз аусурақәа ирыбзоураны.
18 Ииуль 2018
93
Аҭыжьымҭаҿы:Арсмира имаҧгаз апресс-конференциаҿы иалацәажәеит аказначеитә система аусура шеиҿкаау атәы.
Загрузка плеера
Алаҳәарақәеи адныҳәаларақәеи
АГТРК