Аҧыза-министр Артур Амқәаб дырҧылеит Аҧсны еизгоу ашьапылампылтә команда ахәмарцәа.

24.05.2016
714

Ҳтәыла аҽазыҟанаҵоит ФИФА иалам ашьапылампылтә командақәа Адунеижәларбжаьаратәи рчемпионат. Аҧыза-министр  Артур Амқәаб дырҧылеит   Аҧсны  еизгоу  ашьапылампылтә  команда  ахәмарцәа.  Аҧыза-министр    еиликаар  иҭахын акоманда  ачемпионат иахьынӡазхиоу,  насгьы ашьапылампыл асыҩцәа цхыраарас ирҭахыу.
  
Аҧыза-министр  Артур  Амқәаб  Аҧсны  еизгоу  ашьапылампылтә  команда  ахаҭарнакцәа хаҭала  зегьы  аҧсшәа  реиҳәеит. Иара  иҭахын ашьапылампыл асыҩцәа ргәалаҟазаара зеиҧшроу адырра, ирызцәырҵуа  ауадаҩрақәа  реилкаара.

  «Аҧсны  ашьапылампыл   еснагь  ахылаҧшра  аман,  иахьа  уи  аҿиаразы  атәыла  анапхгара  ирылшо  зегь  ҟарҵоит,-  ҳәа  азгәеиҭеит  Аҧыза - министр. Иара дазааҭгылеит  зыхьӡ  нагоу   Аҧсны  ашьапылампыл асыҩцәа  рҭоурых. Иҳәеит,   мышқәак  рыла  имҩаҧысраны иҟоу  ФИФА  иалам ашьапылампылтә  федерациа  ачемпионат аҿы Аҧсны  еизгоу  ашьапылампылтә  команда  ирыду  аҭкҧхықәра  шырацәоу,   ирзеиҕьишеит  ақәҿиарақәа.

Аҧсны  еизгоу  ашьапылампылтә  команда иалоуп   ҩажәи ҩыџьаҩык ашьапылампыл  асҩцәа,  Аҧыза-  министр  хаҭала дрызҵааит    иарбан  командақәоу  урҭ  злахәыз. Иазгәаҭатәуп, ачемпионат  иалахәхарц азы  Урыстәыла ихәмаруа   быжьҩк   ашьапылампыл  асҩцәа  ааҧхьара  шрыҭаз.  Иааидкылан  ҳаҧсуа  шьапылампыл  асыҩцәа  азыҟаҵара  бзиа  рымоуп,  убри аҟнытә   алҵшәа  бзиақәа аадырҧшып  ҳәа   агәыҕра  ыҟоуп.  
Аҧсны  ашьапылапыл  асразы  афедерациа  ахада  Руслан  Џьынџьал  иҳәеит,  ауадаҩрақәа  ҳәа  акагь  шыҟам ,  иахәҭоу  ахылаҧшра  шрымоу.

Дара  ашьапылампыл  асҩцәа  иазгәарҭон,  агәалаҟазаара  бзиа  шрымоу   атәы.
Аҧсны  еизгоу  ашьапылампылтә  команда азыҟаҵаҩ хада  Џьума Кәарацхьелиа   иҳәоит,  ирыду  аҭакҧхықәра  шырацәоу, аха    ирылшо  зегь шыҟарҵо  рыҧсадгьыл  ахьӡ  аҭгаразы .

Аҧсны  еизгоу  ашьапылампылтә  команда  алахәылацәа  ҭабуп  ахырҳәааит  ирзыҟаҵаз  азҿлымҳара азы .

Фатима Гьергьиа, Беслан Џьынџьал, АТ.

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
11
Урҭ еиқәыршәаны иаарҭиит амаҭәа ҭзыжьуаҬырқәтәылатәи анаплакқәа ааба.
5
Ари арыцхә инамаданы, Аҧсны Аҧыза- министр Валери Бганба идикылеит Ареспублика Аҳәынҭстатитсика аусбарҭа аусзуҩцәа.
31
Аклассикатә музыка аконцерт аҟны еизгаз 117 нызқь мааҭ агәыҳалалратә фонд «Ашана» иахыҧхьаӡалахоит.
35
Уи абзоуроуп аилахәыра «Аҟәафон » иҟанаҵаз афинанстә цхыраара .
Алаҳәарақәеи адныҳәаларақәеи
АГТРК