Имҩаҧысит еицырдыруа аполитикатәи ауаажәларратә усзуҩы Аполлон Думаа ишәҟәқәа ҩба рӡыргара.

24.05.2016
708

Имҩаҧысит  еицырдыруа     аполитикатәи  ауаажәларратә  усзуҩы   Аполлон  Думаа        ишәҟәқәа  ҩба  рӡыргара  « Аҧсуеи  аҧсуареи»,  « Ахақәиҭратә мҩеи»  захьӡу  ашәҟәы    ҿыцқәа .

«Ахақәиҭратә мҩа» захьӡу    Аполлон Думаа   ишәҟәы   шьақәгылоуп   иҟалаз   ахҭысқәа  ирылхны   иҩу   ажәабжьқәа  рыла.  Автор   араҟа ихы   иҭҳәааны  акагьы    анимҵеит. Аибашьра   анцоз  аамҭазы,  Аполлон    Нестор- иҧа    дызлаҧшыз  зниҵоз   амшынҵақәа    ахархәара   рызууп.  Аҧсны   Раҧхьатәи ахада  Владислав  Арӡынба  изку  ацәаҳәақәа    аагоуп    хаҭалатәи   реиқәшәарақәа  рҟынтәи.  Ашәҟәы  иара  убасгьы   ианылеит  ажәытә  абыргцәа   реиҭаҳәамҭақәагьы.    Аиумортә жәабжьқәа  ракәзар,  автор хаҭала    дызхаану,  аҧсуа    ҩнаҭақәа   рҿы  иҟалахьоу  ажәабжьқәоуп.

  « Аҧсуеи  аҧсуареи»  ашәҟәы  адаҟьақәа    ихыҭҳәаам   алафжәабжьқәа  рнаҩсгьы,   ианылеит     астатиақәеи     аетнографиатә   нҵамҭақәеи.   Ашәҟәы    ҿыцқәа    рӡыргара иалахәыз   рықәгыларақәа  рҿы   ирҳәоит   агәахәара   шырнаҭаз   ас  еиҧш    ҧсышәа  цқьала   еилыхха  иҩу   ашәҟәқәа    рҭыҵра.    Апублицистика     анаҩсгьы,  автор   илиршеит  арҭ    ажәабжьқәа    аҧхьаҩ    иҟынӡа    асахьаркыратә    ажәала рнагара.

Очамчыра  араион  ахада Хьрыҧс  Џьопуа  иҳәеит, Аҧсуа ҭаацәара   нага  иалиааз   Аполлон   Нестор- иҧа    иҧсҭазаара  зегьы   ижәлар  рымаҵ   аура    ишазку,    иара  аус     ахьиуазаалакгьы  амилаҭтә   интересқәа  рыхьчара       дшазықәҧоз.

Ашәҟәқәа равтор    иакәзар,   иаҳзеиҭеиҳәеит     дзыхьӡаз   аҿы   аанҿасра  игәы ишҭам.
Иахьатәи   аамҭазгьы,   Аполлон   Нестор- иҧа   Думаа   ижәлар    рымаҵ  аура  дазкуп.   Напхгара    аиҭоит  араион  абыргцәа    рхеилак.  Абарҭқәа  зегьы   иҽырхаршәаланы,    қәҿиарала   ашәҟәыҩҩрагьы    инапы   алакуп. Изеиҕьаҳшьап нас ақәҿиарақәа!

А. Корсаиа, А. Маланиа,АТ.

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
8
Аизара аҟны Аҧсны арратәи аполитикатәи ҧсҭазаараҿы зџьабаа акыр идууз, зыдунеи зыҧсаххьоу иранашьан "Аиааиразы"амедал.
47
Аҭыжьымҭаҿы:Аныҳәатә мшқәа рзы ашәарҭадара аиҿкааразы. Атәыла азинхьчаратә усбарҭақәа рхаҭарнакцәа абрифинг мҩаҧыргеит.
Алаҳәарақәеи адныҳәаларақәеи
АГТРК