Аҧсны адәныҟатәи аусқәа рминистрраҿы имҩаҧысит Женеватәи аиҿцәажәарақәа рыцхантəаҩцəа рҧылара.

25.05.2016
974

Аҧсны адәныҟатәи аусқәа рминистрраҿы имҩаҧысит Женеватәи аиҿцәажәарақәа рыцхантәацәеи аминистрра ахаҭарнакцәеи реиҧылара. Уаҟа ирылацәажәан  Аҧсни -Қырҭтәылеи рҳәааҿы иҟалаз ауаҩшьреи, иара убас хә-ганктәи аиҿцәажәарақәа рхацыркреи рызҵаара.

Иаарласны Женева ихацыркхоит изаамҭанытәиу  аиҿцәажәарақәа, уи аҧхьа ишаҧу еиҧш Женеватәи аиҿцәажәарақәа рыцхантәаҩцәа Аҧсны имҩаҧыргоит аиҧыларақәа, уаҟа излацәажәаран иҟоу азҵаарақәа азҧхьагәарҭарц. Аҧсны адәныҟатәи аусқәа рминистр аиҧылара аартуа иҳәеит, ааигәа Гал арионаҿ иҟалаз ахҭыс, иахьмырҧшкәа  аиҿцәажәарақәа мҩаҧысран ишыҟоу,  аиҳарак, аҳәаа иаҧну аҭыҧқәа рҿы ацәгьоурақәа раҧырҟәаара алзмыршо амеханизм аусура ҧырхага анамҭар шакəу. Иҳәатәуп, Гал имҩаҧысуаз хә-ганктәи аиҧыларақәа – Аҧсны, Қарҭ, Урыстәыла Еидҵоу Амилаҭқәа  рхеилак, иара убас Европатәи ахеидкыла рхаҭарнакцәа злахәыз ҧшьышықәса раахыс ишымҩаҧымсуаз, уажәы маи ҩажәи быжьба рзы дара еиҭа ихацыркхоит. Виачеслав Чрыгба иҳәеит, Галтәи аиҧыларақәа аҵак ду шрымоу, ҳтәылаҿы аҭагылазаашьа аҭәышәныртәаларазы.

Европатәи аидгыла ахаҭарнак Герберт Зальбер иҳәеит, ашәарҭадара алыршара зегь ирыцку зҵаароуп имҩаҧысуа аиҧыларақәа рҿы, ҳәарада, иааиуа Женеватәи аиҧылараан иалацәажәахоит Галтәи ахҭысгьы. Ҳара иаҳдыруеит ишцо аусҭҵаара, урҭ рҟынтә иҟаҵатәуп алкаақәа, – азгәаиҭеит Герберт Зальбер.
Еиду Амилаҭқәа рхеилак ахаҭарнак  Анти Турунен иҳәеит, аҳәааҿы аҭыҧ змаз ахҭыс ишалацәажәатәу, уи иалнаршоит уажәазы иҟоу ацәажәарақәа раҧыхра, – азгәаиҭеит иара.
Анаҩс аиҧылара мҩаҧысуан ажурналистцәа аламырхәӡакәа.

Альбина Жьиҧҳа, Беслан Џьынџьал, АТ.

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
21
30 шықәса рыҩныҵҟа Платон Бебиа ироман аҧҵаразы аматериалқәа еизигон,хәышықәса аҩра даҿын.
31
Убри инамаданы, Аҧсны Ашәҟәыҩҩцәа реидгыла еиҿнакааит ашәҟәыҩҩы игәаларшәара иазкыз ахәылҧаз.
42
Аҭыжьымҭаҿы:Ианҭаха ашьҭахь 143 медаль «Аиааиразы». Аҧсны Ахада аҳамҭақәа рнапаҿы ириҭеит иҭахаз афырхацәа рҭаацәа.
45
Ари ацәыргакәҵа еизнагеит жәлар рҟазара знапы алаку аҧышәа змоу рыдагьы, иахьа уажәраанӡа зхы ӡырзымгац, аха зус бзиабарала иазнеиуа аҿар.
Алаҳәарақәеи адныҳәаларақәеи
АГТРК