Иаҳхысыз ашықəс азы ареспубликатə биуџьет ианагӡашьоу иалацəажəеит Жəлар Реизара адепутатцəа.

25.05.2016
598

Адепутатцәа  ирыдгалан зеижә  зҵаара,  урҭ  рахьтә  ҩба     инарҵаулан  аус  адуларазы   амшхәаҧштә  аҟынтә  иқәган.

Ҩнызқьи  жәохә шықәса   азы  ареспубликатә  биуџьет  анагӡашьа  дазааҭгылеит    афинансқәа  рминистр  Амра  Қәаранӡиа.  Ажәахә  аҿы  иазгәаҭан,  Урыстәылатәи  аҳәынҭқарра   иҟанаҵо  афинанстә  цхыраара    ахархәашьеи,  ахатәы  хашәала  аизҳашьеи ртәы.  

Ҩнызқьи  жәохә  шықәса рзы ареспубликатә  биуџьет  ахархәаразы     агәаҭаратә  палата  имҩаҧнагаз  аусурақәа  иаадырҧшыз  атәы  дазааҭгылеит Апалата  ахантәаҩы  Роберт  Аршба. Иара  иҳәеит,   ауадаҩрақәа шыҟоугьы ,агәахәара узҭо акоуп ҳәа, ахатәы  хашәала  иахьацлаз.
Аилатәараҿы иалацәажәеит иара убас, Аҧсны  атәанчахәы  зауа    аҧара   рзахыҧхьаӡалара азҵаара. Убри аан  иазгәарҭеит,  Урыстәылатәи  аҳәынқарра  аҟынтәи  афинансқәа  шаашьҭыз. Аха   ишахәҭоу  еиҧш  ахархәара  шамам.

Адепутатцәа  ирҳәеит,  атәанчахәы  азҵаара  ишахәҭоу  еиҧш  ишазнеитәу,  аҭакзыҧхықәу  ачынуаа рус   рзынамыгӡозар,     даҽакала  ишрызныҟәатәу .

Жәлар  Реизара  аиҳабы  иахаҭыҧуаҩ  Даур  Аршба  иҳәеит,  атәанчаҩцәа  аҧара  рзымшәара  зыхҟьаз амзызқәа   еилкааны,  анаҩс  аҵыхәтәантәи  аҧхьараҿы  азакәан  апроект  рыдыркылар  шакәу.
Ҩнызқьи  жәохә  шықәса рзы ареспубликатә  биуџьет  ахархәаразы азакуан  апроект адепутатцәа   еицҿакны  актәи  аҧхьараҿы  ирыдкылеит.

  Аҧсны  жәлар  рџьынџьтәылатә  еибашьра   аинвалидцәа    иҳәынқарратәу,  ибиуџьеттәым  рфонд   ҩнызқьи  жәохә шықәсазы  анагӡашьа   дазааҭгылеит  уи  ахантәаҩы Бадри   Агрба .
  Жәлар  Реизара  аиҳабы  Валери Бганба  иҳәеит,    афонд   ишахәҭоу  еиҧш  аусура  азы,  аҳәынҭқарра  ацхыраара  адагьы, изылшо  аусбарҭақәагьы  рыцхраалар шакəу,  убри  алагьы   аихьӡарақәа шыҟало.
Адепутатцәа  ари азакуан  апроектгьы  еицҿакны  ирыдыркылеит.

Асоциалтә ҧгаҧсеи аџьахьчареи  рзы  аҳәынҭқарратә фонд ахантәаҩы дазааҭгылеит,  иҳаҩсыз  ашықәс  азы  имҩаҧыргаз  аусурақәа  ртәы.      Ахшара дзауз аҭаацәа  аҧара  рызшәара ,аҧсшьарамшқәа  реиҿкаара  уҳәа иӡбаз азҵаарақәа  жәпакы  дырзааҭгылеит.

Адепутатцәа  ирызцәырҵуаз  азҵаарақәа  рҭакқәа  ҟаҵан,  анаҩс  ецҿакны   азакуан  апроект  рыдыркылеит.
Амшхәаҧштә  аҿы  иқәгылаз    зеижә зҵаара  рахьтә,  адепутатцәа  зхәаҧшыз  ф-зҵаарак  роуп. Егьырҭ  уҵәтәи  амш  ахь ииаган.
  

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
15 Ииун 2018
15
«Аҧсныи Урыстәылеи раҧхьагылаҩцәа қәыҧшцәа» рфорум.. Москва имҩаҧысыз аҿар рфорум далахәын Аҧсны Ахада.
15 Ииун 2018
17
Асасааирҭаҿы инырхоу ауааҧсыра ирзаҧҵоуп аҧсшьаразы аҭагылазаашьа бзиақәа.
15 Ииун 2018
21
Адунеи иқәынхо амсылманцәа аџьаама иаҭааны Аллаҳ имҵаныҳәара мҩаҧыргоит.
14 Ииун 2018
91
Аҭыжьымҭаҿы:Урыстәылатәи амедицинатә ҧгаҧса ауааҧсыра рыҭара шымҩаҧысуа. Ҳдырраҭара актуалра злоу анҵамҭа.
14 Ииун 2018
69
Уи аартын аспектакль «Широколобый» ақәыргылара ала.
14 Ииун 2018
79
Аҟəа ақалақь ахада Адгəыр Ҳаразиа имҩаҧигеит аилатəара ақалақьтә усбарҭақәа рхаҭарнакцәа алархəны.
Загрузка плеера
Алаҳәарақәеи адныҳәаларақәеи
АГТРК