Сынтәа иҵит 100 шықәса , Асовет Еидгыла Афырхаҵа Владимир Ҳаразиа диижьҭеи.

25.05.2016
515

Сынтәа   иҵит  100   шықәса ,  Асовет  Еидгыла     Афырхаҵа   Владимир  Ҳаразиа   диижьҭеи. Уи  ихьӡ    акамыршәразы  Џьырхәа   ақыҭан   Бгардәнытәи    абжьаратә школ  ихьӡ   ахҵан.  

Бгардәны  аҳаблаҟны   ауп   дахьиз,  иара  абраҟоуп   раҧхьаӡа  акəны   ашкол  ахь   ишьаҿа   ахьеихигаз  Володиа  Ҳаразиа.   Асовет    аамҭазы ,     Владимир   Ҳаразиа   ихьӡ  ахын  Џьырхәатәи  аколнхара.  Аха,  90-тәи    ашықәсақәа   рзы,   арҭ    анхамҩақәа   аҧыхын.  Убри аҟнытәгьы,  ақыҭауаа иҟарҵаз  аҳәара   инақәршәаны,  араион  еизара     аӡбамҭа  аднакылеит  Бгардәнытәи  ашкол       ихьӡ  ахҵаразы.   Абри ахҭыс инамаданы ,   ашкол  аҟны    еиҿкаан    Владимир  Ҳаразиа   изкыу    ацәыргақәҵа. Арахь иааит    ақыҭауаа  реиҧш   асасцәа    рацәаны. Иахьа   Џәырхәа     инхоит      ҩыџьа  аибашьра     ду  аветеранцәа. Урҭ руаӡәк   Дараҭиа  Қапба    ибзианы   дигәалашәоит    афырхаҵа.

Владимир  Ҳаразиа     дызнысыз  амҩа     иазааҭгылеит     асасцәа  , урҭ   инарыгӡеит иара  изкны   ирҩхьоу    ашәақәеи ажәеинраалақәеи,  асцена   хәыҷқәеи.    Иқәгылаз     иазгәарҭон,     аҭакҧхықәра   шрыду    ашкол    аҵаҩцәагьы  .

Афырхаҵа   ижәлантә    Александр Ҳаразиа   иқәгылараҿ   иҳәеит, дара рзы   ашкол Володиа Ҳаразиа   ихьӡ  ахҵара   шгәадуроу . Шамахамзар,     ақыҭа школқәа   зегьы   рҟнеиҧш,    Бгардәнытәи    ашколгьы    аҵаҩцәа рхыҧхьаӡара   маҷуп,  аха  урҭ рықәгыларақәа    шаҳаҭра   руеит аҵара- ааӡаратә  процесс  араҟа ибзианы    ишымҩаҧысуа.    Еизазгьы    агәрагара  рымоуп   ҧхьаҟа   Владимир Ҳаразиа   ихьӡ  зху   ашкол   иҭало рхыҧхьаӡара    ишацло азы.

Е.Арџьениа, А. Џьениа.  АТ

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
16 Ианвар 2018
34
16 Ианвар 2018
21
Уи иахҟьаны иҧсҭазаара далҵит Узбекистан атәылауаҩ.
16 Ианвар 2018
21
Аиубилиар имшира идиныҳəалеит Аҳәынқарра ахада Рауль Ҳаџьымба.
16 Ианвар 2018
22
Аизараҿ дықәгылеит Аҧсны Ахада Рауль Ҳаџьымба.
12 Ианвар 2018
37
12 Ианвар 2018
64
Урҭ раҧырҟəҟəааразы Гудоуҭа араион аҟны арахə агəыр рыларҵоит.
12 Ианвар 2018
27
Аҧсны анаукақәа р-Академиаҿы аҵарауаҩ ииубилеи идырныҳәаларц еизеит иколлегацәа.
Загрузка плеера
Алаҳәарақәеи адныҳәаларақәеи
АГТРК