Амилаҭтә банк аҳасабырба шьақәырҕәҕәоуп.

26.05.2016
664

Амилаҭтә банк  2015-тәи ашықәс азы аусура аҳасабырба  иазыӡыҩрны  ишьақәдырәҕәеит Жəлар Реизара адепутатцәа.

Маи ҩажәи хәба рзтәи амшхәаҧштә аҿы иқәгылаз азҵаарақәа зегьы адепутатцәа алацәажәара иахьахьымӡаз азы аилатәара иацҵан. Убри аан, аконституциатә закуан аҧсахрақәа ралагалара азҵаара амшхәаҧштә ианырхит, уи адкыларазы ихымҧадатәиу адепутатцәа рхыҧхьаӡара аилатәараҿы иахьыҟамыз аҟнытә.    

Аҧсны Жәлар реизара адепутатцәа изаамҭанытәиу аилатәараҿы иахәаҧшит «Ареспубликатәи ақалақьтәи мазара ахатәтәразы» азакуан аҧсахрақәа ралагалара.  Ажәахә ҟазҵоз аекономикеи, ареформақәеи, иҿыцу атехнологиақәа ралагалареи рзы апарламент аилак ахантәаҩы Гәырам Барганџьиа еиҭеиҳәеит, ирыдигало азакуанапроект иазҧхьагәанаҭо  аиҭакра ҿыцқәа ртәы.   Убас, ҷыдала иарбоуп априватизациа иаҵанамкуа аобиектқәа усхкыс изҵазкуа, уаанӡатәи азакуан ала ахәаахәҭра аобиетқәеи, аибашьра ааха знаҭази аҵыхәтәанынӡа иргылам аҳәынҭқарратә аобиектқәеи ракәын зыҭира ауаз.

Иааныжьуп Априватизациатә фонд, аха убри аан ақалақьтә  мазара иаҵанакуа  априватизациа ззыруа аобиектқәа рыхәҧса аанхоит араионтә биуџьет аҿы.  Азакуан ихадароу аҧсахрақәа ируакуп аобиект ахатәтәраан  аахәаҩцәа зегьы еиҟароу алшарақәа ахьырзаҧҵахо. Уажәазы арендла измоу аахәара шырҭаху ала, арзаҳал аларҵароуп. Адепутатцәа ргәаанагарақәа рҽеиҩыршеит. Аимак ҟалеит шықәсырацәала  аобиект арендла измаз ауаҩы, аҿыц аахәаҩ иаҧхьа аҧыжәара иҭатәуп ҳәа зыҧхьаӡози, уи иаҿыгылози рыбжьара. Аа-шықәса раахыс Жәлар реизараҿы аус здырулоз азакуанопроект алҵшәа аиурц азы иӡбан уи абжьыҭира иахмыжькәан даҽазнык апраламент аилакаҿы иахәаҧшырц анаҩстәи аилатәарахьы ицәырыргаанӡа, избанзар адепутатцәа рзеиҧш хыҧхьаӡара - 35-ҩык  рҟнытә,  жәаф-ҩык иахьатәи аилатәара рхы аладмырхәӡеит.

Агәабзиарахьчареи, аџьеи рзы аилак ахантәаҩы ихаҭыҧуаҩ Леонид Чамагәуа адепутатацәа идирдырит «Аҩныҵҟатәи усқәеи, аҳәынҭқарратә шәарҭадаратә органқәеи рҿы арратә маҵара иахысуаз ртәаанчахәы азы» азакуанапроект аҧсахрақәа.

Леонид Чамагәуа адепутатцәа ирыдигалаз азакәанпроект актәи аҧхьарала ирыдыркылеит.
Амилаҭтә банк  2015-тәи ашықәс азы аусура аихшьала азы ажәахә ҟаиҵеит уи ахантәаҩы Беслан Бараҭелиа. Иааидкыланы, иаҳхысыз ашықәс азы имаҷым аихьӡарақәа. 2014 шықәса иаҿурҧшуазар, 2015 шықәсазы абанк ахашәала иазҳаит 71 миллион рҟынӡа. Абанк аихьӡарақәа ируакуп имаҷуи ибжьаратәуи абизнес аҿиаразы акредит рыҭара ахьалнаршаз, убри аан Беслан Бараҭелиа иазгәеиҭеит, ауаа аҭакҧхықәра шаадырҧшуа акредит апроцент ашәара аан, иҟоуп заа изыргьежьызгьы. Иазҳаит ауааҧсыра Аҧсны абанктә системахь рыгәрагара. Уи арҵабыргәуеит, абанкқәа рахь иаларҵаз аҧара ахыҧхьаӡара.        Бжьыҭирала Жәлар реизара адепутатцәа Амилаҭтә банк 2015-тәи ашықәс азы аусура аихшьалазы ақәҵара рыдыркылеит.  

Дмитри Шамба Аҧсны ахада иажәалагалала, адепутатцәа ирыдигалеит азакәанопроектқәа ҩба аҧсахрақəа ралагалара, урҭ рыла ианар мза 2020 шықсанӡа аҩныҵҟатәи аусқәа рминистрра иазныжьзарц апаспортқәеи   анхаразы аршаҳаҭгақәеи  ауааҧсыра рыҭара. Адепутатцәа актәи  аҧхьарала уи ирыдыркылеит.
Жәлар реизара аилатәараҿы ирзааҭгылеит егьырҭ азҵаарақәагьы.

Амра Амҷҧҳа, Беслан Чхьынџьериа, АТ

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
15 Ииун 2018
21
«Аҧсныи Урыстәылеи раҧхьагылаҩцәа қәыҧшцәа» рфорум.. Москва имҩаҧысыз аҿар рфорум далахәын Аҧсны Ахада.
15 Ииун 2018
23
Асасааирҭаҿы инырхоу ауааҧсыра ирзаҧҵоуп аҧсшьаразы аҭагылазаашьа бзиақәа.
15 Ииун 2018
31
Адунеи иқәынхо амсылманцәа аџьаама иаҭааны Аллаҳ имҵаныҳәара мҩаҧыргоит.
14 Ииун 2018
91
Аҭыжьымҭаҿы:Урыстәылатәи амедицинатә ҧгаҧса ауааҧсыра рыҭара шымҩаҧысуа. Ҳдырраҭара актуалра злоу анҵамҭа.
14 Ииун 2018
69
Уи аартын аспектакль «Широколобый» ақәыргылара ала.
14 Ииун 2018
79
Аҟəа ақалақь ахада Адгəыр Ҳаразиа имҩаҧигеит аилатəара ақалақьтә усбарҭақәа рхаҭарнакцәа алархəны.
Загрузка плеера
Алаҳәарақәеи адныҳәаларақәеи
АГТРК