Очамчыра ақалақь арыцқьаразы мҽхакы ҭбаала аусурақәа мҩаҧган.

26.05.2016
695

Иааигәахо иалагеит акурорттә сезон. Уи рҽазыҟарҵоит ареспублика иахьаҵанакуа зехьынџьара. Еиҳаракгьы азҿлымҳара ҷыда аадырҧшуеит амшын иаҧну ақалақьқәа.  Аӡын аамҭазы амшын аҟәара ихықәнажәло агәам-сам акыр ирацәоуп. Уи аамҭа кьаҿк иалагӡаны ақәгара рылшом знапы иану аусбарҭақәа. Убри азоуп арҭ аусурақәа изрыдрыҧхьало аҭыҧантәи ауааҧсыра. Аҳықьымцәа, арҵаҩцәа, ашколхәыҷқәа, араион ахадара аусзуҩцәа – иахьатәи арыцқьаратә усурақәа ирылахәыз хәышәҩык иреиҳан.

Ақалақьуаа араҟа еизыргоз агәам-сам ақәгара иадҧхьалан атехника ҷыда. Атехника ахархәарала ихдырффон амшын аҧшаҳәаҿы игылоу аҵлақәа, еилҩаахьоу рымахәқәа. Сааҭқәак ирылагӡаны, араҟа аус зуаз ирылшеит амшын аҧшаҳәа ишахәҭоу аилыргара. Иазгәаҭатәуп, араҟа агәам-сам ақәгара анаҩсгьы, араион анапхгара рыӡбамҭа инақәыршәаны, аҧшаҳәа ахаҿра аиҕьтәразы аусурақәа шымҩаҧырго. Амшын ахь инеиуа ауаа рыҧсшьара арманшәаларазы ,араҟа идыргылоит аӡхьыршарҭақәа.

Амшын аҧшаҳәа иахьаҵанакуа анаҩсгьы, арыцқьаратә усурақәа мҩаҧысуан ақалақь иахьаҵанакуа захьынџьара.  Иҳәатәуп, ас еиҧш аусурақәа шеиҿкааз араион ақыҭақәа рҿгьы. Араион ахада идҵа инақәыршәаны, атехника ҷыда адгаланы арыцқьара иаҿуп Очамчыреи Аҟәеи еимаздо амҩаду ахықәагьы. Араҟа ирхны иқәыргоит еилыиааны иҟоу амҩа иазааигәаз ажыци аҵлақәеи.    
  
А.Корсаиа, А.Маланиа,АТ.

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
16 Ианвар 2018
10
16 Ианвар 2018
10
Уи иахҟьаны иҧсҭазаара далҵит Узбекистан атәылауаҩ.
16 Ианвар 2018
13
Аиубилиар имшира идиныҳəалеит Аҳәынқарра ахада Рауль Ҳаџьымба.
16 Ианвар 2018
14
Аизараҿ дықәгылеит Аҧсны Ахада Рауль Ҳаџьымба.
12 Ианвар 2018
27
12 Ианвар 2018
49
Урҭ раҧырҟəҟəааразы Гудоуҭа араион аҟны арахə агəыр рыларҵоит.
12 Ианвар 2018
19
Аҧсны анаукақәа р-Академиаҿы аҵарауаҩ ииубилеи идырныҳәаларц еизеит иколлегацәа.
Загрузка плеера
Алаҳәарақәеи адныҳәаларақәеи
АГТРК