Адунеизегьтәи ашьапылампылтә чемпионат алагамҭазы уи аартра ацеремониа азы аҽазыҵарақәа мҩаҧысуеит.

26.05.2016
1197

Аҧсны имҩаҧысраны иҟоу амилаҭтә командақәа рыбжьара Адунеизегьтәи ашьапылампылтә чемпионат алагамҭазы мышқәак роуп иаанхаз. Иара аартра ацеремониа азы аҽазыҟаҵарақәа цоит иааиҧмырҟьаӡакəа.
Алашарбагақәа, атехникатә маругақәа, шәҩыла ауааҧсыра, ари аҽазыҟаҵаратә процесс уагәыланахалоит. Уажәы-уажәы иуаҳауеит арациа абжьы, аусмҩаҧгатә  еиднагалаз  ауаа  аӡәыкны аус еицыруеит, ари аспорт хҭыс ахәаҧшцәа ргәалашәараҟны инхарц азы. Ачемпионат аартра музыкала аиқәыршәара инапы иануп АМА РЕКОРДС астудиа анапхгаҩы Анри Гәымба. Иазгәаҭатәуп, ачемпионат азы  ҷыдала агимн шаҧҵоу.
Ашьапылампылтә чемпионат аартра ацеремониа фышәҩык инареиҳаны актиорцәеи, акәашаҩцәеи алахәуп. Артистцәа есымша ааҧсарада аҽазыҟаҵарақәа мҩаҧыргоит, уахи-ҽни рҟазара аизырҳара аус адырулоит. Раҧхьатәи асценақәа рҿы ахәаҧшцәа идырбахоит Аҧсны иазку авидеонҵамҭа, ачемионат  аартра ацеремониа мҩаҧигоит артист Кьасоу Ҳагба.

Ҭемыр Кәакәасқьыр аус здиулоз асценари ала иазгәаҭоуп, Аҧсны акультура, атрадициақәа, аҵасқәа аазырҧшуа инеизакны жәаҩа сцена . Хшыҩзышьҭра рыҭоуп Нарҭаа репос аҟынтә ақәыргыламҭақәа  дырбара.

Аартра ацеремониа иалахəуп Аҧсны иҟоу акәашаратә ансамбльқәа зегьы. Иазгәаҭатәуп,  аибашьра аарҧшра иазку ахәҭа аҟны НАРҬАА рхаҿсахьа аазырҧшуа  амаҭәа ҷыда ҩычаны  ишырзыӡахыу. Арҭ ҵакыла еибарку асценақәа рҽеиҩшамҭаз ачемпионат символра азызуа, ажәытәӡа ишыҟаз еиҧш, ацәамаҭәа иалху ампыл цәыргахоит. Нарҭ Сасрыҟәа уи аанкыланы зегьы идирбоит.  

Адунеизегьтәи ачемпионат ахьымҩаҧысуа астадион ДИНАМО  аҟны иблахкыгоу аартра рҽаздырхиозар, ареспубликатә стадион гәыгәҭыжьны иаанхом.  Аҧсны ахадара адгыларала еиҿкаан уи аҩнуҵҟатәи аиқәыршәара. Мызкы иалагӡаны ашьапылампыл асыҩцәа рҽыҧсахырҭақәа  ҿыц ишәын, адашьма ҭарҭәаны,  амца иацәызыхьчаша  қәыршәла ихҟьаны.

Астадион ахада иазгәаиҭоит, араҟа  ацәаакыра ҕәҕәа иахҟьаны, афҩы бааҧсгьы шыҟаз, убри аҟынтә аҭыӡқәа рыцқьаны ҿыц еибыҭан.

Миллионки хышә нызқь  мааҭ инарзынаҧшуа аҳәынҭқарра ацхыраарала еиҿкааз астадион аҽыҧсахырҭа иахьазгьы иагу рацәоуп. Убас, уи ахадара изларҳәо ала, иаҭахуп аӡымҩангага ҿыцқәа. Уи ҳаҧхьаҟа напаркхоит.

Ачемпионат мҩаҧысраны иахьыҟоу астадион «Динамо» аҿы уаҵәуха ихыркәшахоит аҵыхәтәантәи аҽазыҟаҵарақәа. Ажәакала, Аҧсны азхиоуп ашьапылампыл азы ачемионат амҩаҧгара.

Асҭанда Оҭырҧҳа, Зорро Бигәаа, Беслан Чхьынџьериа, АТ

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
17 Ианвар 2018
32
Аҭыжьымҭаҿы: Иаарту аицәажәара. Аҧсны ахадеи Гагра арион активи реиҧылара.
17 Ианвар 2018
21
Аҧсуа ҳәынҭқарратә аҿартә театр актиорцәеи уи ақәыргылаҩцәеи аспектакль аус адулараан ирҧылоз ауадаҩрақә ртəы иазааҭгылеит апресс-конференциаҿы.
17 Ианвар 2018
24
Абиуџьети , ашәахтәи, акредити рзы аилак имҩаҧнагаз аиҧылара иалахәын аусдкылаҩцәа.
17 Ианвар 2018
18
Уи инақәыршәаны Аҧсны атәылауаа зегьы ҩышә-нызқь рҟынӡа аҧара кредитла иргартә алшара роуеит .
17 Ианвар 2018
38
Гагра имҩаҧысит атәыла Ахадеи, аиҳабыреи, Жәлар реизара адепутатцәеи, ауаажәларреи злахәыз аизара.
16 Ианвар 2018
71
16 Ианвар 2018
56
Уи иахҟьаны иҧсҭазаара далҵит Узбекистан атәылауаҩ.
Загрузка плеера
Алаҳәарақәеи адныҳәаларақәеи
АГТРК