Конифа ахаҭарнакцəа имҩаҧыргеит ажурналистцəа рзы апресс-конференциа.

27.05.2016
665

«Ашьапылампыл азы ачемпионат амҩаҧгара уи аҧшәмацәа ҭакҧхықәрала ишазнеиз  даҽазныкгьы ишьақәнарҕәҕəоит ари аҳәынҭқарра  егьырҭ атәылақәа акала ирыҵахо ишыҟам», абри атәы иҳәеит имҩаҧысыз апресс-конфернциаҿы Конифа ахада Пер Андерш Блинд . Иара убасгьы иазгәеиҭеит, ачемпионат Аҧсны амҩаҧгара иаҿагылаз шыҟазгьы, иара дшеигәырҕьо усҟан ирыдыркылаз аӡбамҭа. Апресс-конференциа иалахәын аҳәаанырцәтәи ажурналистцәагьы.

Апресс-конференциа аартуа, Пер Андерш Блинд иҳәеит,  ачемпионат амҩаҧгаразы аҽазыҟаҵарақәа  рымҽхак  иааџьоушьартә ишыҟоу. Иазгәаиҭеит,  иара ихаҭа  шьҭрала Швециа дшатәу, Аҧсны итәыла аасҭагьы ишыҧшӡоу. Пер Андерш Блинд иҳәеит, Аҧсныҟа уажәадагьы дшаахьоу.

Конифа афедерациа ахада иара уабсгьы иҳәеит, ачемпонат  ишадыҧхьалоу адунеи аҳәынҭқаррақәа жәпакы рҟынтә ажурналистцәа. Гәыҧҩык уажәнатә Аҧсныҟа иаахьеит. Дара ирыбзоураны, аҳәаанырцәтәи атәылақәа еилыркаараны иҟоуп Аҧсны закәу, араҟа аибашьра шыҟам, аҭагылазаашьа шҭышәынтәалоу, аҧсабара иамоу аҧшӡара уҳәа. Конифа ахада ихаҭыҧуаҩ  Дмитри Паҕәаа иҳәеит,  ааҧхьара шрыҭоу шәи ҩажәаҩык иреиҳаны ажурналистцәа.Убри аан иазгәеиҭеит, гәыҧҩык  уажәнатә иаахьоу  ашьапылампылтә командақәа ишрыцу.
Ажурналистцәа ирҭаз азҵаара аҭак ҟаҵо, Конифа ахада иҳәеит, Аҧсны асеиҧш ачемпионат амҩаҧгара алмыршаразы Қырҭтәыла,  Швециеи Норвегиеи рыдәныҟатәи аусқәа рминистррақәа рахь арзаҳалқәа шаанашьҭуаз,  иакымкәа-иҩбамкәа ақәгыларақәа шыҟаз. Аха , уи анырра зыҟанамҵеит. Пер Блинд ишиҳәаз ала, ашьапылампыл асыҩцәа  еидызкыло аспорт  аполитикатә ҳәаақәа раҵкыс акырӡа еиҳауп.
Конифа ахада ихаҭыҧуаҩ Дмитри Паҕәаа иазгәеиҭеит, асеиҧш зымҽхак ҭбаау аусмҩаҧгатәқәа атәылақәа шеизааигәартәуа. Аҧышәаеимдара анаҩсгьы,  ихадарақәоу иреиуоуп ахы аҧышәара.

Апресс-конференциаҿы иалацәажәан, ачемпионат аартра ахьымҩаҧысуа Аҟәатәи астадион аҭагылазаашьагьы. Конифа ахада иҳәеит, уи Европатәи ашәага-загақәа ирықәшәоит ҳәа шиҧхьаӡо, иара убас иазгәеиҭеит,  еизгоу Аҧсны акоманда алшарақәа ҳаракуп ҳәа игәы ишаанаго. Апресс-конференциаҿы ирылацәажәан егьырҭ азҵаарақәагьы.

Елана Лашәриа, Беслан Чхьынџьериа, АТ.

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
19 Ииуль 2018
23
19 Ииуль 2018
11
Шықəсыки бжакы раахысиижьҭеи раҳасабырба зеиҧшроу иалацəажəарц Аҧсны Жəлар Реизара Ахада иҿы еиқəшəеит.
19 Ииуль 2018
11
Иара убасгьы имҩаҧысит, Мырзаҟантәи аҧсуаа аҩбатәи реизара ду .
19 Ииуль 2018
18
Ареспубликаҿы имҩаҧысраны иҟоуп ари аныҳәамш иазку ауснагӡатәқәа жәпакы.
19 Ииуль 2018
13
Асиа шьақәыррҕәоуп, иаҧҵаз акомиссиа имҩаҧнагаз аусурақәа ирыбзоураны.
18 Ииуль 2018
97
Аҭыжьымҭаҿы:Арсмира имаҧгаз апресс-конференциаҿы иалацәажәеит аказначеитә система аусура шеиҿкаау атәы.
Загрузка плеера
Алаҳәарақәеи адныҳәаларақәеи
АГТРК