Имҩаҧысит изаамҭанытәиу Аҧсны аиҳабыра реилатәара.

27.05.2016
499

Имҩаҧысит изаамҭанытәиу Аҧсны аиҳабыра реилатәара. Амшхәаҧштә иарбаз жәохә зҵаара аминистрцәа аилацәажәара ашьҭахь бжьыҭирала еицҿакны ирыдыркылеит.

Аиҳабыра  реилатәара алагамҭазы ирыхәаҧшит  акадртә зҵаарақәа.  Арепатриациазы аҳәынҭқарратә еилакы ахантәаҩы ихаҭыҧуаҩыс дшьақәырҕәҕәоуп  Гәыгәыца Џьыкрҧҳа. Аҵыхәтәантәи аамҭазы, Гәдоуҭатәи арбџьар амузеи еиҳабыс аус зуаз афилолог Гәыгәыца Џьыкырҧҳа, аҧсуа культуреи аҭоурыхи реиқәырхаразы аџьабаа шылбахьоу атәы рҳәеит аилатәара алахәылацәа

Аиҳабыра рықәҵарала, аҩныҵҟатәи аусқәа рминистр ихаҭыҧуаас иҟаҵоуп Беслан Ҧарлиеи Едита Ҵнариеи.  Аҩныҵҟатәи аусқәа рминистр Леонид Ӡаҧшьба иазгәеиҭеит, урҭ азыҟаҵара бзиа шрымоу, русураҿы аҭакҧхықәра шаадырҧшуа, ркандидатурақәа ралхраан, рзанааҭ адырра ахшыҩзышьҭра шаҭаз.  
Ииҩыз арзаҳал ала, ихатәгәаҧхарала имаҵура  аанижьит акультура аминистр лхаҭыҧуаҩ Алмасхан Қәаранӡиа. Аилатәара иалхәыз уи иақәшаҳаҭхеит.

Аиҳабыра реилазаара ақәҵара рыдыркылеит, Аҧсни Урыстәылеи рҳазалхратә маҵзурақәа реимадаразы апротокол. Ари адокумент инақәыршәаны,  аҳәаа иахырго аалыҵ иақәдыргыло адыргақәеи-апломбақәеи амҳәырқәеи аҩ-ганк иазхарҵалоит.  Уи зыҟаҵоу,  аҳәааҿы аилибамкаарақәа ҟамларц азы ауп,  аалыҵқәа  ахьынтәиаагоу, Аҧсны ишаарыху дырҵабыргуеит ус еиҧш иҟоу адыргақәа.

«Аҧсны аҳәынҭқарра акультура аҿиара  аконцепциа» рыдыркылеит аилатәараҿы. Уи хықәкыс иамоуп, амилаҭтә культура аизҳазыҕьаразы ашьаҭа азышьҭаҵара. Аконцепциаҿы ҷыдала азҿлымҳара аҭоуп Аҧсны аҭоурыхтә-культуратә, архитектуратә ҭынха ахьчара. Аҧыза-министр Артур Амқәаб игәаанагарала, аконцепциа ибзианы аус адулоуп.

Аминистрцәа рықәҵарала, «Иназыцҵо ахәҧсазы ашәахтә» азы азакуан аҟынтә зхы иақәиҭу атауарқәа рсиа иацҵоуп. Жәлар реизара азакуан аҧсахрақәа аналаргалалак ашьҭахь, урҭ асиаҿы иҟалоит. Уахь иаҵанкуеит  ааглыхратә аарыхразы иаҭахыу  Аҧсны иҭырмыжьуа атехнологиатә мыругақәа, аӡеи  аматериалқеи.  

Даҽа хә-ҩык  Аџьынџьтәылатә еибашьра актәи агәыҧ  аинвалидцәа есымзатәи аҧара  рзыршәалоит аиҳабыра реилазаара рықәҵарала. Аџьеи асоциалтә цхыраареи рзы аминистр Сурен Кьерселиан иажәақәа рыла, урҭ  рхы изахәаӡом,  ацхыраара рымамкәа  изылеиҩеиӡом.

Амра Амҷҧҳа, Беслан Џьенџьал, АТ.


Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
17 Ианвар 2018
32
Аҭыжьымҭаҿы: Иаарту аицәажәара. Аҧсны ахадеи Гагра арион активи реиҧылара.
17 Ианвар 2018
21
Аҧсуа ҳәынҭқарратә аҿартә театр актиорцәеи уи ақәыргылаҩцәеи аспектакль аус адулараан ирҧылоз ауадаҩрақә ртəы иазааҭгылеит апресс-конференциаҿы.
17 Ианвар 2018
24
Абиуџьети , ашәахтәи, акредити рзы аилак имҩаҧнагаз аиҧылара иалахәын аусдкылаҩцәа.
17 Ианвар 2018
18
Уи инақәыршәаны Аҧсны атәылауаа зегьы ҩышә-нызқь рҟынӡа аҧара кредитла иргартә алшара роуеит .
17 Ианвар 2018
38
Гагра имҩаҧысит атәыла Ахадеи, аиҳабыреи, Жәлар реизара адепутатцәеи, ауаажәларреи злахәыз аизара.
16 Ианвар 2018
71
16 Ианвар 2018
56
Уи иахҟьаны иҧсҭазаара далҵит Узбекистан атәылауаҩ.
Загрузка плеера
Алаҳәарақәеи адныҳәаларақәеи
АГТРК