Маи 27 ҧхьаӡоуп абиблиотека аусзҩцәа Жәларбжьаратәи рымш акәны.

27.05.2016
739

Маи  27 ҧхьаӡоуп    абиблиотека  аусзҩцәа  Жәларбжьаратәи рымш акәны. Уи  аҳаҭыраз,    Иван Папасқьыр  ихьӡ  зху  амилаҭтә библиотекаҿы  имҩаҧысит  аиҧылара. Жәашықәса инарзынаҧшуа  еиуеиҧшым  аҟәшақәа  рҿы  аус  зухьо  амилаҭтә  библиотека  аусзҩцәа  жәаҩык,  аҳаҭыртә  шәҟәқәа  ранашьан.

Еиуеиҧшым  ашәҟәқәа ралҧшаара,   урҭ   равторцәа  рыхьӡқәа рдырра,  аҧхьаҩцәа аинформациа  аиаша  рызнагара,   абарҭқәа  зегь  знапы  рылаку  абиблиотека  аусзҩцәа  роуп. Дара    иахьа  уажәраанӡа  ааҧсарак  ҟамҵакəа  аҧхьаҩцәа  рымаҵ руеит.

Диана  Гәлиа  жәаҩа  шықәса  ҵуеит  амилаҭтә  библиотекаҿ  аус  луеижьҭеи.  Лара  илҳәоит,  ари  азанааҭ  бзиа  иубозар,   аусура   шыуадаҩым . Иазгәалҭеит, есышықәса  абиблиотека  иаҭаауа  рхыҧхьаӡара  ишацло  атәы.
Амилаҭтə библиотекаҿы  аус  руеит ҩажәижәаҩык  инарзынаҧшуа   аусзҩцәа. Дара  шьыжьы инаркны  хәлаанӡа аҧхьаҩцәа рымаҵ руеит.  

Иахьа рзанааҭтә  ныҳәа  аҳаҭыр  азы,    адныҳәаларақәа  рацәан.

Ҩажәа шықәса ирылагӡан,  амилаҭтә  библиотека   знысыз  амҩа  уадаҩзаргьы, иахьа аусуразы    алшара бзиақәа рзаҧҵоуп.

Амилаҭтә библиотекаҿы   жәашықәса  инарзынашуа   аҟәшақәа рҿы  аус  зухьо  жәаҩык , реихьӡарақәа рзы   иалкаан   аҳаҭыртә шәҟәқәа ранашьан.

  Абиблиотека  аиҳабы Борис Ҷолариа  хаҭала зегьы ҭабуп ҳәа  реиҳәеит русуразы.

Аиҧыларахь ааҧхьара лыман ҩынҩажәи жәаба шықәса  инарзынаҧшуа  абиблиотека  аҿы   аус  зухьаз Ҭамара    Ҧаразиа. Лааҧсараз  ҭабуп ҳәа  ларҳәеит  лколлегацәа.

Фатима Гьергьиаҧҳа, Саид Аиба, АТ.
    

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
1
Ари ацәыргақәҵаҿы асахьақәа ахәшьара рырҭон зҧышәа ҳараку асахьаҭыхҩцәа.
5
Урҭ рҟны еуеиҧшым атемақәа ирылацәажәон Аҧсныи Урыстәылеи рхаҭарнакцәа .
3
Ари ашықәсазы аицлабраҿы иқәыргылан аноминациақәа ааба.
47
Абарҭ азҵаарақәа ирызкын Ауаажәларатә палатаҿы имҩаҧгаз аилатәара .
Алаҳәарақәеи адныҳәаларақәеи
АГТРК