Аҧсныҟа усутә визитла дааит Ҭырқәтәыла иҟоу ҳтәыла адәныҟатәи аусқәа рминистрра ахәаахәҭразы ахаҭарнак Руҳи Ашәыгәба.

27.05.2016
831

Арҭ амшқәа рзы Аҧсныҟа усутә визитла дааит Ҭырқәтәыла иҟоу ҳтәыла адәныҟатәи аусқәа рминистрра  ахәаахәҭразы ахаҭарнак Руҳи Ашәыгәба. Аҧсны анапхгареи  иареи реиҧыларақәа рҟны  ирылацәажәеит  ҳтәыла аинвесторцәа радыҧхьаларазы Ҭырқәтәыла еиҿкаау  аусурқәа ртәы.    Руҳи Ашәыгәба иара убас Аҧсуа телехәаҧшара даҭааит, араҟа иара диҧылеит Аҳәынҭқарратә телерадиоеилахәыра ахантәаҩы Леонид Еныкь.

Леонид Еныкь асасцәа бзиала шәаабеит ҳәа раҳәо,  агәахәара ааирҧшит ателехәаҧшра иахьаҭааз. Иҳәеит, Ҭырқәтәыла хыҧхьаӡара рацәала ҳџьынџьуаа ахьынхо аҭыҧаҿ, аекономика аганахьала  ҳтәыла ахаҭарнак аус ахьиуа аҵак ду шамоу. Ҭырқәтәылеи ҳареи акрааҵуеит ахәаахәҭра ҳабжьоижьҭеи, аха урҭ аизыҟазаашьақәа  рҽахьдырҭбаауа – угәы иамыхәар залшом,  азгәеиҭеит ателехәаҧшара анапхгаҩы.  Руҳи Ашәыгәбеи Леонид Еныкьи иалацәажәеит Ҭырқәтәыла инхо ҳџьынџьуаа аҧсуа телехәаҧшра  рбаразы аҭагылазаашьа аҧҵара, иара убас Ҭырқәтәыла аҧсуа телехәаҧшра аартразы иҟоу алшарақәа ирыдҳәалоу азҵаарақәа.  

Руҳи Ашәыгәба абар шьҭа шықәсык ҵуеит Ҭырқәтәыла иҟоу ҳтәыла адәныҟатәи аусқәа рминистрра  ахәаахәҭра хаҭарнакс дыҟоижьҭеи.  Иара ибзоураны Аҧснынтәи Ҭырқәтәылаҟа еиуеиҧшым азҵаарақәа рыӡбаразы инеиуа  зегьы ацхыраара роуеит.  Руҳи Ашәыгəба Ҭырқәтәылатәи аҳаиртәцәаҳәақәа реиҳаби иареи имҩаҧыргаз аиҿцәажәарақәа ирыбзоураны амшыннырцә иҟоу ҳџьынџьуаа визада Аҧсныҟа аара азин рымоуп. Уи  алыршахеит аҧсуа тәылауаҩшәҟәы ала.  Ҭырқәтәыла иҟоу ҳтәыла адәныҟатәи аусқәа рминистрра  ахәаахәҭразы ахаҭарнак Аҧсны иҟазаара иалагӡаны, дырҧылеит ҳтәыла анапхгара. Уаҟа иалацәажәан ҳтәылаҟа аинвесторцәа радыҧхьаларазы иҟоу аҭагылазаашьа. Руҳи Ашәыгәба иҳәеит, Ҭырқәтәылатәи абизнес уаа аинтерес шрымоу Аҧсны аусуразы.

Руҳи иазгәеиҭоит, Аҧсныҟа иаауа аинвесторцәа русура алҵшәа бзиа аанашьҭырц азы,  ҳтәыла анапхгара рҟынтә адгылара роур  шакәу.  Аҳәаанырцәынтә араҟа абизнес знапы алазкырц зҭаху ирдыруазароуп, атуристә ақыҭанхамҩатә уҳәа егьырҭ- ахырхар-ақәагьы рыла  иарбан раионқәоу, аусдкылара аиҿкаара  ахьрылшо. Руҳи Ашәыгəба иҳәоит, атуризм аганахьала ззаанаҭ здыруа ауаа рхыҧхьаӡара маҷуп ҳәа, иара илшоит уи апроблема  аӡбара

Руҳи Ашәыгәба иҳәоит ақыҭанхамҩа аганахьала Ҭырқәтәыла ишыҟоу зхаҭабзиара ҳараку аалыҵқәа, урҭ реиҭаҳатәқәа  арахь аагара игәы иҭоуп.  Ҳаҧхьаҟа  гәҭакыс имоуп, ҳтәылаҿы  аҳәынҭқаррақәа жәпакы злахәхо  жәларбжьаратәи ацәыргақәҵа аиҿкаара.

Альбина Жьиҧҳа, Асҭамыр Гәажәба ,АТ

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
1
Ари ацәыргақәҵаҿы асахьақәа ахәшьара рырҭон зҧышәа ҳараку асахьаҭыхҩцәа.
5
Урҭ рҟны еуеиҧшым атемақәа ирылацәажәон Аҧсныи Урыстәылеи рхаҭарнакцәа .
3
Ари ашықәсазы аицлабраҿы иқәыргылан аноминациақәа ааба.
47
Абарҭ азҵаарақәа ирызкын Ауаажәларатә палатаҿы имҩаҧгаз аилатәара .
Алаҳәарақәеи адныҳәаларақәеи
АГТРК