9:0 ҳәа Аҧснытәи еизгоу ашьапылампылтә команда аиааирала ихырқәшахеит Аҧснытәи «Динамои» -«Чагоси» реиҧылара.

30.05.2016
662

Ари ачемпионат аҿы ҳкомандазы раҧхьатәи ахәмарра дахәаҧшуан аҳәынҭқарра Ахада.  Рауль Ҳаџьымба  ари аиҧылара дрыцахәаҧшырц   хаҭалатәи ааҧхьара риҭеит Калдахәаратәи алицеи-аинтернат аҟны еиҿкаау   ашьапылампылтә команда ахәмарыҩцәа хәыҷқәа. Ахәмарра иалагаанӡа, Аҧсны Ахада даҭааит апресс-центр, уи аусушьа атәы еиликааит, драцәажәеит аҳәаанырцәтәи ажурнаилстцәа.

Аҟәатәи астадион “Динамо” еиҿкаау апрессцентр аҿы  аҳәаанырцәти ажурналистцәа аҭагылазаашьа бзиақәа рзаҧҵоуп,   рматериалқәа аус  рыдуланы, интернетла рышьҭразы. Ахәмаррақәа рнаҩс, акомандақәа разыҟаҵаҩцәа имҩаҧыргоит апресс-конференциақәа.

Аҳәынҭқарра Ахада Рауль Ҳаџьымба апресс-центр ахь инеира  азкын, уи аусура шеиҿкаау ахәаҧшра. Аха, Аҧсны Ахада днеиуеит ҳәа анраҳа, иаразнак еизаз аҳәаанырцәтәи ажурналистцәа  зҵаарақәак рыҭииразы иҟарҵаз аҳәара, Рауль Ҳаџьымба мап ацәыимкит . Аҧсны Ахада иазҵааит, ари ачемпионат амҩаҧгара шәҳәынҭқарра  ахьыҧшымра азхаҵараҿы иабанӡацхыраагӡоу ҳәа?  

Иара убасгьы ажурналистцәа иџьашьаны ирҳәеит, Аҧснытәи  еизгоу акоманда иалоу ахәмарыҩцәа рыбжьара ишыҟоу егьырҭ амилаҭқәа рхаҭарнакцәагьы.

Ахәмарра алагара минуҭқәак ракәын иагыз, Аҧсны Ахада дырҧылеит  Аҧснытәи акомандеи Чагоси реиҧыларахьы ҷыдалатәи ааҧхьара зиҭаз Калдахәаратәи алицеи-интернат аҵаҩцәа.
Урҭ иманы  дхалеит ахәмарра иахьынтәиахәаҧшуаз аҭыҧ ахь.  Акомндақәа реиҧылара аадыртаанӡа, минуҭктәи аҿымҭрала дыргәаладыршәеит Аҧсны аҩбатәи ахада Сергеи Багаҧшь. Маи ҩажәи жәба рзы иҵит хәышықәса иара иҧсҭазаара далҵыижьҭеи.  Иарҳәан Аҳәынҭқарратә Гимн.

Иазгәаҭатәуп,  ҧшьнызқьи хышә тәарҭа змоу астадион шҭәыз. Атәарҭақәа ракәым, агыларҭагьы ыҟаӡамызт. Аҧснытәи акомандазы ари ачемпионатаҿы раҧхьатәи еиҧыларан. Ахәмарра раҧхьатәи аминуҭқәа инадыркны, аинтерес аҵан. Ахәаҧшцәа ракәзар, рцәаныррақәа рҵәахуамызт.

Ажәаҩатәи аминуҭ азы, амба  иҭаршәын раҧхьатәи  ампыл. 1:0 ҳəа иаартыз ахәмарра хыркәшахеит 9:0 ҳәа. Аҩбатәи атаим ахырқәшамҭазы, астадион аҿы итәаз ахәаҧшцәа Чагос акоманда ахьӡ ҳәаны ҿырҭуан. Напеинҟьарыла  згәы каҳаз акоманда иадгылон.

Ахәмарра анхырқәшаха анҩс, Рауль Ҳаџьымба  Аҧсны еизгоу акоманда иадиныҳәалеит иагаз аиааира.

Елана Лашәриа, Беслан ЏЬынџьал, АТ.

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
19 Ииуль 2018
21
19 Ииуль 2018
9
Шықəсыки бжакы раахысиижьҭеи раҳасабырба зеиҧшроу иалацəажəарц Аҧсны Жəлар Реизара Ахада иҿы еиқəшəеит.
19 Ииуль 2018
9
Иара убасгьы имҩаҧысит, Мырзаҟантәи аҧсуаа аҩбатәи реизара ду .
19 Ииуль 2018
16
Ареспубликаҿы имҩаҧысраны иҟоуп ари аныҳәамш иазку ауснагӡатәқәа жәпакы.
19 Ииуль 2018
11
Асиа шьақәыррҕәоуп, иаҧҵаз акомиссиа имҩаҧнагаз аусурақәа ирыбзоураны.
18 Ииуль 2018
93
Аҭыжьымҭаҿы:Арсмира имаҧгаз апресс-конференциаҿы иалацәажәеит аказначеитә система аусура шеиҿкаау атәы.
Загрузка плеера
Алаҳәарақәеи адныҳәаларақәеи
АГТРК