Владислав Арӡынба ихьӡ зху Ахьӡ-Аҧша амузеи аҿы имаҩаҧысит Аҧсны аҩбатәи Ахада Сергеи Багаҧшь игәаларшәара иазкыз афотоцәыргақәҵа.

30.05.2016
687

Ацәыргақәҵа иаҭааит атәыла  анапхгара, Сергеи Багаҧшь иҭаацәа,  ауаажәларра  рхаҭарнакцәа.

«Аполитик иҟәыҕара , ажәлар ракзаара аиқәырхара  ауп,»- абас  иҳәон  Аҧсны  аҩбатәи  Ахада  Сергеи Багаҧшь . Аиашазы , ажәлар  ракзааразы  уи  илиршаз  маҷым. Иара  ихьӡ наунагӡа  Аҧсуа жәлар  ргәаҵаҿы иаанижьит.  Сергеи Уасил -иҧа    игәаларшәара аҳаҭыр азы Владислав  Арӡынба  ихьӡ зху  Ахьӡ -аҧша амузеи  аҿы  еиҿкаан  афотоцәыргақәҵа. Уаҟа ицәыргаз хынҩажәа  фото рҟынӡа иаадырҧшуаз  Сергеи Багаҧшь иусура  ахәҭак  ауп. Дара авторс  дрымоуп  афотоҭыхҩы Владимир  Попов. Ас  еиҧш  ацәыргақәҵа  еиҿкаахеит  атәыла  анапхгара  раҧшьгарала.

Акыр  аамҭа  царгьы, Сергеи  Багаҧшь  ҳҳәынҭқарра аҿиареи, ахьыҧшымра  азхаҵареи рҟны илагалеи  иааҧсареи, хашҭра  рықәлом,  ҳәа  азгәарҭон    афотоцәыргақәҵа  иаҭааз  зегьы .
Агәаларшәаратә  цәыргақәҵа  гәахәарыла  ирыдыркылеит  Сергеи  Багаҧшь  иҭаацәа, уи  иҧшәма  ҧҳәыс  Марина  Шьониаҧҳа  афотоҭыхымҭақәа  равтор даниацәажәоз  илҳәеит,    урҭ рыҩаӡара шыҳараку  атәы,  арҭ  асахьақәа лара иҿыцу   блала  дшахәаҧшыз.

Ацәыргақәҵа  аартуа,  Ахьӡ – аҧша амузеи аиҳабы Мзиа  Беиа    иазгәалҭеит,  ас  еишҧш   иҟоу  афотоцәыргақәҵа  аиҿкаара,   аҵак  ду   шамоу  атәы .

Атәыла  ахада  ихаҭыҧуаҩ Витали  Габниа иқәгылараҿы  иҳәеит ,  Сергеи  Багаҧшьи Владислав Арӡынбеи  реиҧш  иҟоу   ауаа   рыхьӡқәа  кашәара шрықәымло,   урҭ  еснагь  ҳгәалашәараҿы  ишыҟоу.
Зус бзиан  издыруаз,  еснагь  аиаша  иашьҭаз  Сегеи  Багаҧшь   аус ицура  маншәалан,  ҳәа  азгәарҭон аиҧылараҿы  иқәгылоз.

Ацәыргақәҵа  аиҿкаара  аҧшьызгаз,  зегьы  ҭабуп  ҳәа  ралҳәеит Сергеи   Багаҧшь  иҧшәма Марина  Шьониаҧҳа.  Лара  илҳәеит С. Багаҧшь дшыҟамгьы,  ажәлар  рыбзиабареи, урҭ  ргәыблыреи  иахьа  уажәраанӡагьы  рҭаацәа  ишырныруа атәы .

Аҧсны  аҩбатәи  Ахада Сергеи Багаҧшь игәаларшәара  иазку афото цәыргақәҵа  мҩаҧыслоит  мызкы  аҩныҵҟа.

Ф. Гьергьиа, Б.Џьынџьал АТ .    

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
163
Аҭыжьымҭаҿы:Данҭаха ашьҭахь ҩажәи хәба шықәса рнаҩс. Ахьӡ-аҧша апарк аҿы анышә дамардеит Аҧсны Афырхаҵа Ирина Гоцериӡе.
165
Аҟәа араион Иашҭхәа ақыҭан инхо ауааҧсыра хымыз инареиҳаны ӡыда иҟан, аӡынашьҭыгақәа ахьыблыз иахҟьаны.
53
Аусурақәа мҩаҧнагон аҳәынҭқарратә еилахәыра «Аҧснымашьынамҩа».
Алаҳәарақәеи адныҳәаларақәеи
АГТРК