Очамчыра араион ашколхәыҷқәа рыбжьара имҩаҧган ажәытә аҧсуа шәақәа рдырра иазку «Аҧхьарца» захьӡу аицлабра.

31.05.2016
895

Радион Ҵәыџьба ихьӡ зху Очамчыратәи акультуратә хан аҿы, араион ашколхәыҷқәа рыбжьара имҩаҧган ажәытә аҧсуа шәақәа рдырра  иазку «Аҧхьарца» захьӡу аицлабра. Аусмҩаҧгатә еиҿкаан араион аҵара аҟәша аҧшьгарала.

Аиҧш зеиҧшу аконкурсқәа мҩҧыргон Асовет Еидгыла ахаан. Убри аахыс, аицлабра мҩаҧырымгацызт.  Зегь раҧхьаӡа иргыланы, иара хықәкыс имоу, ашколхәыҷқәа рыбжьара ашәаҳәараҿы аҟыбаҩ злоу ралкаара ауп. Аконкурс аартуа, араион аҵара аҟәша аиҳабы Фелиқс Џьынџьиа иҳәеит, ари аицлабра ҳмилаҭтә культура аҵаҩцәа агәыбылра шыднаркуа.

Аконкурс иалахәыз рҿаҧхьа иара убасгьы дықәгылеит Очамчыра араион ахада Хьрыҧс Џьопуа.  Аицлабрақәа ирылахәыз аҵаҩцәа ақәҿиарақәа рзеиҕьашьо, иҭабуп ҳәа раиҳәеит, уи аиҿкааҩцәа. Иазгәаиҭеит, аиҧш зеиҧшу ауснагӡатәқәа араион анапхгара рганахьала еснагь ахаҵгылара шроуа.
Анаҩс, ажәа рыҭан аконкурс алахәылацәа. Аҵаҩцәа инарыгӡон ижәытәӡатәиу жәлар рашәақәа реиҧш, ҳаамҭазтәи аестрадатә шәақәагьы.

Ари аконкурс амҩаҧгара азгәаҭоуп иааиуа аҵарашықәс азгьы. Аицлабрақәа рҿы иалкаахаз ашколхәыҷқәа араион аҵара аҟәша ахьӡ ала аҳаҭыртә шәыҟәқәа ранашьан.

А.Корсаиа, А.Маланиа, АТ

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
Алаҳәарақәеи адныҳәаларақәеи
АГТРК