Ииун 1 ахәыҷқәа рыхьчара Жәларбжьаратәи амш ауп.

01.06.2016
794

Ииун 1 ахәыҷқәа рыхьчара Жәларбжьаратәи амш ауп. Ари аныҳәа шьақәырҕәҕәан 1949 шықәса рзы Париж имҩаҧысуаз аҳәса Жәларбжьаратәи рконгресс аҿы. Ари аныҳәа азгәарҭоит еиуеиҧшым адунеи атәылақәа рҿы. Хымҧада, иазгәарҭоит ҳреспубликаҿгьы.   Ахәыҷқәа Жәларбжьаратәи рымшныҳәа  инамаданы, аҳҭнықалақь аҿы еиҿкаан еиуеиҧшым аусмҩаҧгатәқәа. Аҳәынҭқарратә аурыс драматә театр аҿы имҩаҧысит ашколқәранӡатәи аҵараиурҭақәа раушьҭымҭацәа рықәгыларақәа.

Аҳҭнықалақь  ахәыҷбаҳчақәа рааӡамҭацәа рааӡаҩцәа абзиараз ҳәа рарҳәон. Аҳәынҭқарратә аурыс драматә театр  аусмҩаҧгатә алагара акыр шагызгьы, иҭәхьан. Иблахкыгаз ақәгыларақәа шьақәгылан ашәаҳәарақәеи, акәашарақәеи, ажәеинраалақәеи рыла.
    
Жәаха хәыҷбаҳча раушьҭымҭацәа абзиараз ҳәа рарҳәеит рааӡаҩцәа. Мызқәак рыла, дара ашколахь раҧхьатәи ршьаҿа еихыргоит. Ахәыҷқәа рзы иуадаҩуп рбаҳчеи бзиа ирбо рааӡаҩцәеи рааныжьра.
Ахәыҷбаҳчақәа русзуҩцәа ракәзар, ирҳәоит бзиа ирбо, рааӡамҭацәа уажәшьҭа ирызҳаит, ахәыҷбаҳча аанрыжьуеит ҳәа агәрагара шырцәыуадаҩу.

Ари аныҳәа еиҿнакааит Аҟәа ақалақь ахадара аҵара аусбарҭа. Ахәыҷқәа рыхьчара Жәларбжьаратәи амш азы, асеиҧш аусмҩаҧгатә уажәшьҭа хышықәсоуп мҽахакыҭбаала еиҿыркаауеижьҭеи. Иазгәаҭатәуп,  ари амш афырхацәа хадақәа, аушьҭымҭацәа аҳамҭақәа шырзыҟаҵаз аусдкылаҩцәа реидгыла аҟынтәи.
Ахҭыс ахьымҩаҧысуаз аурыс театр аҩналарҭаҿы ицәыргақәҵан ахәыҷқәа рнапкымҭақәа. Дара тематикала еиуеиҧшымызт, аха  зегьы еидызкылоз акәны иҟан аҭынчра атема. Араҟа иубон изызҳауа аҿар аҭынч ҧсҭазааразы ирҭаху- ашәҭқәа, ахәмаргақәа, амра, ажәҩан иаҵәа.

Сааҭки бжаки ицоз аныҳәатә қәгыларақәа ирыцырҵеит  Амҳаџьыраа рыҧшаҳәаҿы имҩаҧысуаз аспорттә еицлабрақәа.

Елана Лашәриа, Ельдар Дамиров, АТ.

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
16 Август 2018
129
Аҧсны Ахада, Атәылахьчара аминистрра аколлектив дыдирдырит Аштаб Хада аиҳаб ҿыц Васили Луниов.
16 Август 2018
119
Мызкы инарзынаҧшуа Тҟәарчал ақалақь Џьанҭоу аҳаблаҟны ажрақәа мҩаҧыргоит Аҧсныи Урыстәылеи рархеологцәа.
16 Август 2018
140
Имҩаҧысит ҳтәыла еиуеиҧшым араионқәа рҟынтә ауаажәларратә еиҿкаарақәа злахәыз аиҧылара.
16 Август 2018
107
Васили Луниов Аҟәаҟа даанӡа, Алжир арратә бжьгаҩыс дыҟан.
15 Август 2018
91
15 Август 2018
73
Араҟа еизгаз аҧара афонд« Ашана »иахыҧхьаӡалахоит .
Загрузка плеера
Алаҳәарақәеи адныҳәаларақәеи
АГТРК