Ахәыҷқәа рыхьчара Адунеизегьтәи амш аламҭалазы, Амобилтә еимадара А-Мобаил зылшарақәа ҧку ахәыҷқәа аныҳəа рзеиҿыркааит.

01.06.2016
743

Ахәыҷқәа рыхьчара Адунеизегьтәи  амш   аламҭалазы,  Амобилтә  еимадара  А-Мобаил  зылшарақәа  ҧку  ахәыҷқәа  рреабилитациатә центр  аҟынтәи 30-ҩык аныҳәа  рзеиҿыркааит.   Дара  ааҧхьара  рыман  ахәыҷтәы  студиа ДО-РЕ-МИ  аконцерт  ахь, анаҩс   аныҳәа иацҵан    ахәыҷтәы арлахҿыхратә центр «Маиак».  
Амобилтә  еимадара А-Мобаил   еснагь  адгылара  арҭоит аиҧш  зеиҧшу  аныҳәақәа,  дара  хықәкыс  ирымоуп  маҷк  иадамхаргьы,  ахәыҷқәа  ргәалаҟазаара  ашьҭыхра.   Иазгәаҭатәуп,  ахәыҷтәы  студиа ДО-РЕ-МИ  аконцерт  аиҿкаара  ацхыраара  азҭаз   Амобилтә еимадара А-Мобаил  шакәу.

Ахәыҷтәы Студиа ДО-РЕ-МИ еиҿкаауижьҭеи  ҧшьышықәса ҵуеит,  уи аамҭа  иалагӡан  изныкымкəа  аконцертқәа  мҩаҧыргахьеит, аха  иахьатәи  егьырҭ  изларылукаауаз , азал  зегь  ахәыҷқәа  рыла  иҭәын.  Урҭ рхыҧхьаӡараҿ  иҟан ҩажәижәаҩык  зылшарақәа  ҧку  ахәыҷқәа  дара  ирбоз  гәахәарыла  ирыдыркылеит. Ирҳәон аконцерт  шыргәаҧхаз .

Ахәыҷтәы  студиа ДО-РЕ-МИ  анапхгаҩы Хьыбла  Мықәба  иазгәалҭеит,  хықәкыс ишрымоу  ахәыҷқәа  ргәы  аҟаҵареи  рырлахҿыхреи, аиҳаркгьы  иахьатәи  аныҳәаз.

Ахәаҧшцәа  ракәзар,  аконцерт гәахәара  дуула  ирыдыркылеит.

Амобилтә  еимадара  А-Мобаил  зылшарақәа  ҧку  ахәыҷқәа  рзы  еиҿыркааз  аныҳәа  иацҵан   ахәыҷтәы арлахҿыхратә центр  «Маик» ахыбраҿ.    Уаҟа  дара  рзы  ирхиан  аныҳәатә  еишәа,   ирзаҧҵан ахәмарраз алшарақәа.

Аҭаацәа  ракәзар  ирҳәон,  гәахәара  дула  ишрыдыркылаз, ас  еиҧш ааҧхьара , иазгәарҭеит  рхәыҷқәа рзы  уи шхәарҭа дуу.

Арҭ рҩызцәа ахәыҷқәа  еснагь ҷыдала ахылаҧшра  рымазароуп, дара  ргәы  разуп,  иҳалалуп. Урҭ  рааигәа аҟазаара ргәы шьҭнахуеит. Маҷк  иадамхаргьы,   зҿлымҳарак  раҳҭалар ргәы иахәоит,  ныҳәак еиҧш  ирыдыркылоит .

Фатима Гьергьиа ,Ельдар Дамиров ,АТ  

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
24 Маи 2018
11
Активла рхы аадырҧшит ашколқәа реиҧш , ақалақь аҟны иҟоу аусбарҭақәа зегьы.
24 Маи 2018
18
Араион ахадара, амчратә усбарҭақәа рхаҭарнакцәа, ақалақьуаа - досу ирылшоз ала рықалақь дрыцқьон.
24 Маи 2018
17
Шьыжьнаҵы , асааҭ ааба инаркны Аҟәа ақалақь еиуеиҧшым аиҿкаарақәа , анаплакқәа , ашколхәыҷқәа , арҵаҩцәа дасу идрыцқьарц ирыдыз аҭыҧқәа рҿы аҽеизгара иалагахьан .
Загрузка плеера
Алаҳәарақәеи адныҳәаларақәеи
АГТРК