Аҧснытәи еизгоу ашьапылампылтә командеи Лапландиатәи акомандеи рыхәмарра хыркәшахеит 2:0 ҳәа, Аҧсны акоманда аиааирала.

02.06.2016
826

Ҳахәмарыҩцәа рзы ари ахҧатәи еиҧылароуп, ахҧатәи иааироуп ари ачемпионат аҿы. Ахәмарра иахәаҧшырц астадион ахь иааит  аҳәынҭқарра Ахада Рауль Ҳаџьымбеи, аиҳабыра рхаҭарнакцәеи.     Рауль Ҳаџьымба ахәмарыҩцәа  иргаз аиааира  рыдиныҳәалеит.  

Аҧсни Лапландиеи еизгоу ркомандақәа  рыхәмарра иалҵшәаны, иӡбахон урҭ рахьтә афиналбжахьы инеиуа. Иаҵахоз алҵуан, убри аҟынтә, ари  аиҧылара аҭакҧхықәра рацәаны иацын. Лапландиаа ракәзар, атехника бзиа змоу ахәмарыҩцәа рыла еиқәшәоу акоманда ҳәа ахьӡ дырҳахьеит ари ачемпионат аҿы.  Ҳара ҳтәқәа ракәзар,  иргахьан ҩ-иааирак. Ахәаҧшцәа ахәмарра  алагара ҩ-сааҭк шагыз, астадион агәашәқәа рҿы  еизахьан. Шьапыргылараҭа амамкәа иҭәыз ашьапыпампыл асырҭа изыҩнамлаз рацәаҩхеит, урҭ рыбжьара абилеҭқәа змазгьы ыҟан. Убри аҟынтә, аиҿкааратә комитет астаидон ахь анеиразы аҧҟарақәа аиҭкрақәа рыларгалеит. Уажәшьҭарнахыс ,абилеҭ змоу  аӡәы, зықəра намӡац аӡəы  ида, астаидонахь дицны днеигар ҟалаӡом.

Абар, ахәмарыҩцәа  ашьапылмпылтә дәы иқәлеит. Ахәаҧшцәа урҭ напеинҟьарыла ирҧылоит. Хыхьтәи атрибунақәа рҿы шьоукы иасуеит адаул. Зегьы ирымоуп  аныҳәатә  гәалаҟазаара. Ҳахәмарыҩцәа ргәы-хыҭ-хыҭуеит. Изыцхәмаруа акоманда алшарақәа бзиоуп. Уи адагьы, Аҧсны иадгыло ахәаҧшцәа рыбжьара дыҟоуп аҳәынҭқарра Ахада Рауль Ҳаџьымба. Уи еизгоу ҳкоманда ахәмаррақәа бжьаижьӡом.
Игеит ашәыршәыр абжьы. Иалагеит ахәмарра. Уи аамҭазы, идәықәлаз  ақәаҧсата ашьапылмпылтә дәы арцәаакхьан, ҳәарада уи акомандақәа рыхәмарра аруадаҩуан.   Раҧхьатәи  аминуҭқәа инаркны, аиҧылара   аинтерес аҵан. Ҳахәмарыҩцәа ишьҭырҧааз ампыл, шамахамзар, лапландиаа идыдмыркӡеит. Ҳахәмарыҩцәа ажәыларақәа еиҿкааны имҩаҧыргон, аха асасцәа  рымбахьчаҩ  аҭашәара иахьӡаанӡа,  иикыз ампылқәа маҷӡамызт. Аҩажәи жәохәтәи аминуҭ азы, ажәылаҩ Дмитри Кəартаа ампыл лапландиаа рымба  иҭаиршәуеит.

Аиҧылара актәи азбжа анҵәара маҷк шагыз, аӡбаҩ лапландиаа рыхәмарыҩ игәыиҽаниҵеит,  ишәыршәыр абжьы иргаанӡа, ампыл дахьасыз азы. Актәи атаим иацҵан минуҭк, аха асацәа  рзы уи акгьы амҧсахит. Актәи атаим хыркәшан 1:0 ҳәа, ҳкоманда аҧыжәара аманы.

Аҩбатәи атаим алагамҭазы,  акомандақәа аҧсахрақәа рылагалан. 53-тəи аминуҭ азы, Аҧсны еизгоу акоманда даҽа ҧсахрак алагалан. Ажәбатәи аномер, ахәмарыҩ Асҭамыр Ҭарба ицымхәрас далалоит абыжьбатәи аномер Шабаҭ Логәуа. Ахәмарра акәзар, еиҳа  аҽарццакит. Аҩынҩажәи жәохәтәи аминуҭ азы, лапландиаа ҳамба ампыл аҭаршәразы алшара бзиақәа роуеит. Аха, уи рхы ирзамырхәаӡеит. Даҽа минуҭқәак рнаҩс , ҳахәмарыҩцәа аҩабтәи  ампыл ҭадыршәуеит асасцәа рымба. Аха, аӡбаҩ уи алеимҵаӡеит.   Аханҩажәи  жәеизатәи  аминуҭ  азы,  жәеизаметратәи ампыл асраан,  аҩажәи ҧшьбатәи аномер  Дмитри  Кәартаа амба иҭаиршәуеит Аҧсны акоманда иагаз аиааира шьақәзырҕәҕәоз аҩбатәи ампыл.   Ахәмарра аҩбатәи азбжа  аӡбаҩ х-минуҭк  ациҵоит, аха уи лапландиаа рҭагылазаашьа азымҧсахит. Ахәмарра нҵәоит асасцәа Аҧсны еизгоу акоманда амба ампыл рызҭамыршәӡакәа. Абас ала ,ҳкоманда аиааира агоит, иагьнеиуеит афиналбжахьы.

Аҧсны еизгоу акоманда ахәмарыҩцәа  иргаз аиааира рыдиныҳәалеит атәыла Ахада Рауль Ҳаџьымба.
Ҳахәмарыҩцәа анастәи реиҧылара мҩаҧысуеит афиналбжаҿы, ииун хҧа рзы. Дара рыцхәмарран иҟоуп  Аҩадатәи  Кипр акоманда.

Елана Лашәриа, Зорро Бигәаа,  АТ.

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
16 Февраль 2018
97
Аҭыжьымҭаҿы:Аҟәатәи араионтә еизара адепутатцәа араион ахада икандидатура иадгылеит.
16 Февраль 2018
95
Аспециалистцәа ражәақәа рыла, апальма зфо абжы ҟаҧшь уажәнатә иаанкыламзар, егьырҭ аҭыҧқәа рахь ииасыр алшоит.
16 Февраль 2018
107
Даҽа шәахтәк иалацәажәан Аҧсны аусдкылаҩцәа рассоциациа ахаҭарнакцәеи Жәлар реизара адепутатцәеи, аекономика аминистрреи, абизнес уааи злахәыз астол гьежь аҟны.
15 Февраль 2018
215
14 Февраль 2018
203
Загрузка плеера
Алаҳәарақәеи адныҳәаларақәеи
АГТРК