Акультура аминистр Ельвира Арсалиа илыдылкылеит ансамбль "Кавказ" анапхгаҩы Арвелод Ҭарбеи амузыкант қəыҧш Барас Кəыџбеи.

02.06.2016
962

Аҧсны акультуреи  аҭоурыхтә-культуратә ҭынха  ахьчареи   рминистр Ельвира Арсалиа  длыдылкылеит   мышқәак  раҧхьа   УФА  имҩаҧысуаз  «Евразиа агәы» -ҳәа  захьӡыз  афестиваль  иалахәыз Аҳәынқарратә  акәашаратә  ансамбль «Кавказ», асахьаркыратә напхагаҩы  Арвелод Ҭарба. Иара  убас ,аминистр  илыдылкылеит Москва имҩаҧысуаз ахәыҷтәы жәларбжьаратәи   фестиваль «Мелодика поколении»  иалахәыз,    Кремль, Урыстәыла  Афедерациа  ахада  иоркестри  афортепианои ирыцыхәмаруаз   аҧсуа музыкант қәыҧш   Барас Куџба.

Акультура аминистр Ельвира Арсалиа   Аҳәынқарратә  акəашаратә ансамбль «Кавказ” Асахьаркыратә напхгаҩы диҧыло   иазгәалҭеи,т  гәахәара  дула ишрыдыркылаз , УФА  имҩаҧысуаз афестиваль «Евразиа агәы»   рхы  ахьаладырхәыз.  Илҳәеит, ансамбль аҧызҵаз  жәашықәсала  уи напхгара   азызуаз  Кандид Ҭарба иҧсҭазаара  даналҵ ашьҭахь, агәырҩа  иаиааины, аколлектив егьа ирцәыуадаҩзаргьы, рҟазара  ҳаракы ҽазныкгьы ишьақәдырҕәҕәеит.

Аҳәынқарратә  акəашаратә  ансамбль «Кавказ» асахьаркыратә напхгаҩы Арвелод Ҭарба   аминистр илзеиҭеиҳәеит аиҧыларақәа рымҩаҧысшьа  атәы.   Иазгәеиҭеит,  афестиваль аҧсуа  кəашарала ишаартыз, ахәаҧшцәа  ибзианы   ишрыдыркылаз. Ҭабуп  ҳәа  реиҳәеит  атәыла анапхгара ирырҭаз  ацхырааразы.
Иара  убас,  акультура аминистр Ельвира Арсалиа    илыдылкылеит  амузыкант қәыҧш, Москва имҩаҧысуаз ахәыҷтәы жәларбжьаратәи  афестиваль «Мелодика поколений»  иа лахәыз    Кремльтәи аоркестр ирыцыхәмаруаз   аҧсуа музыкант қәыҧш  Барас  Куџба иҭаацәеи  иареи.  Акультура  аминистр   иазгәалҭеит,  Барас Куџба афестиваль  иалахәра  ишыхҭыс дуу  ҳтәыла  акультуратә ҧсҭазаараҿы.  Ари афестиваль иалахәын  еиуеиҧшым  аҳәынқаррақәа рҟынтә  ахәыҷқәа. Хықәкысгьы  иаман  аҟазара злоу ралкаара.
Аҧсуа музыкант қәыҧш   Барас Куџба  иҳәеит,  дызлахәыз  афестиваль аҿы иибаз иаҳаз,   гәахәара дула  ишидикылаз, еиҳараӡакгьы  Кремльтәи аоркестр  афортепиано дахьацыхәмаруаз.   Ҭабуп ҳәа реиҳәеит   уи азы алшара изҭаз зегьы.

Фатима Гьергьиа, Михаил Братухин, АТ.  

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
16 Август 2018
69
Аҧсны Ахада, Атәылахьчара аминистрра аколлектив дыдирдырит Аштаб Хада аиҳаб ҿыц Васили Луниов.
16 Август 2018
85
Мызкы инарзынаҧшуа Тҟәарчал ақалақь Џьанҭоу аҳаблаҟны ажрақәа мҩаҧыргоит Аҧсныи Урыстәылеи рархеологцәа.
16 Август 2018
80
Имҩаҧысит ҳтәыла еиуеиҧшым араионқәа рҟынтә ауаажәларратә еиҿкаарақәа злахәыз аиҧылара.
16 Август 2018
71
Васили Луниов Аҟәаҟа даанӡа, Алжир арратә бжьгаҩыс дыҟан.
15 Август 2018
85
15 Август 2018
69
Араҟа еизгаз аҧара афонд« Ашана »иахыҧхьаӡалахоит .
Загрузка плеера
Алаҳәарақәеи адныҳәаларақәеи
АГТРК