Ихьыҧшым аҳәынҭқаррақәа рчемпоинат, КОНИФА 2016, аихшьаалақәа ҟаҵан аинформациатә маҵзура “Спутник Аҧсны” апресс-центр аҿы.

07.06.2016
743

Ихьыҧшым аҳәынҭқаррақәа рчемпоинат, КОНИФА 2016, аихшьаалақәа ҟаҵан аинформациатә маҵзура   “Спутник Аҧсны” апресс-центр аҿы. Ажурналистцәа рызҵаарақәа рҭакқəа ҟарҵон Аҧсны ашьапылампыл асразы афедерациа аиҳабы Руслан Аџьынџьал,  Еизгоу Аҧснытәи акоманда азыҟаҵаҩ хада Џьума Кәарацхьелиа, иара убас акоманда акапитан Анри Ҳагәышь.

Ихыркәшоуп аспорттә хәмаррақәа рҟынтә ҳтәыла аҭоурых иазаанхо ашьапылампыл асразы ачемпионат. Еизгоу ҳкоманда  ConifA 2016 иачемпионцəахеит.  Апресс-конференциа хацыркуа, аиааира зыбзоуроу афырхацәа ргәаанагарақәа  еиҭарҳәеит. Аҧсны ашьапылампыл асразы Афедерациа аиҳабы Руслан Аџьынџьал иҳәеит, ачемпионатаҿ аиааира агара зыбзоуроу аиҳарак ахәаҧшцәа шракəу.
Руслан Аџьынџьал иазгәеиҭеит, ҳкоманда имҩаҧнагоз аиҧыларақәа зегьы шеиуеиҧшымыз, ауадаҩра шрыцыз, Чагосаа рыда,инациҵеит дааҧышәарччо афедерациа аиҳабы, аха дара ирыбзоураны ачемпинатаҿ ҳкоманда ралагамҭа бзиахеит , иҳәеит иара.

Аҧснытәи еизгоу акоманда азыҟаҵаҩ хада Џьума Кәарацхьелиа иҳәеит, аҧсуа шьапылампыл асыҩцәа аамҭа кьаҿк иалагӡаны командак аҳасабала  ахәмарра шырҵаз, уи зыбзоуроугьы дара хаҭа-хаҭала азыҟаҵара абзиа ахьрымаз ауп, азгәеиҭеит иара. Ахәмаррақәа рыбжьара аҧсшьара аамҭа ахьмаҷыз иахҟьаны, акоманда ааҧсара рныҧшит, убри аҟнытә лассы-лассы аиҭакрақәа ҟаҳҵон , иҳәеит азыҟаҵаҩ хада.

Ихадоу хыдҵас иҳамаз, афиналтә хәмаррахь ҳнеины, аиааира агара акәын  , иҳәеит Џьума Кәарацхьелиа.  Уи алыршахеит, нас ишҧа, жәлары зегьы уи иазыҧшымзи , азгәеиҭеит Аҧсынтәи еизгоу акоманда азыҟаҵаҩ хада.

Аҧснытәи акоманда аиҳабы  Анри Ҳагәышь иҳәеит, зегь реиҳа иара изы ицәгьаз  афиналтә еиҧылара шакәыз. Аиҳаракгьы , уи игәнигоит,  пенальти аҭаршәра ахьилымшаз.
Акоманда азыҟаҵаҩ хада Џьума Кəарацхьелиа афиналтә хәмарра дахцәажәо  иҳәеит, Пенџьабаа иҭадыршәыз ампыл ишазыхиамыз.

Апресс-конференциаҿы иазааҭгылеит,   ачемпионат аҳамҭақәа ртемагьы. Аӡәырҩы ахәаҧшцәа хьаас ирымоуп , амедалқәа зегьы иахьырзымхаз. Ашьапылампыл асразы афедерациа аиҳабы Руслан Аџьынџьал иҳәеит,  иаарласны  дара ахьыҟаҵаз аҭыҧаҟнытә иазымхаз ахыҧхьаӡара шаагахо.  Ачемпионат акубок хада акәзар, уи ҟалоит  Ашьапылампыл асразы афедерациа ахыбраҿы, изҭаху зегьы неины ирбар ахьрылшо. Ажурналистцәа азҵаауан еизгоу ҳкоманда амбахьчаҩ Алықьса Бондаренко ихәмаршьа . Џьума Кәарацхьелиа иҳәеит, иара акоманда зегьы реиқәырхара зылшаз иаҳасабала ишихәаҧшуа. Ҳкоманда азыҟаҵаҩ хада Аҟәатәи астадион Динамо аҭагылазаашьа ахәшьара аҭо  иҳәеит, уи адәы Аиааира ду ҳзаазгаз акәны ишыҟоу.

Апресс-конференциа ахыркәшамҭаз, Руслан Аџьынџьал аҳәара ҟаиҵеит,  иаарласны ихацыркхо ашьапылампыл асразы Аҧснытәи ачемпионат ахәаҧшцәа азҿлымҳара арҭарц, избанзар уаҟоуп иахьеиҵагыло  ҳаҧхьаҟа  ичемпионхар зылшо ахәмарыҩцәа ҿарацәа.

Альбина Жьиҧҳа, Беслан Џьынџьал ,АТ.

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
16 Август 2018
127
Аҧсны Ахада, Атәылахьчара аминистрра аколлектив дыдирдырит Аштаб Хада аиҳаб ҿыц Васили Луниов.
16 Август 2018
113
Мызкы инарзынаҧшуа Тҟәарчал ақалақь Џьанҭоу аҳаблаҟны ажрақәа мҩаҧыргоит Аҧсныи Урыстәылеи рархеологцәа.
16 Август 2018
135
Имҩаҧысит ҳтәыла еиуеиҧшым араионқәа рҟынтә ауаажәларратә еиҿкаарақәа злахәыз аиҧылара.
16 Август 2018
101
Васили Луниов Аҟәаҟа даанӡа, Алжир арратә бжьгаҩыс дыҟан.
15 Август 2018
91
15 Август 2018
71
Араҟа еизгаз аҧара афонд« Ашана »иахыҧхьаӡалахоит .
Загрузка плеера
Алаҳәарақәеи адныҳәаларақәеи
АГТРК