Гəылрыҧшь араион Мархьаули Ҵабали ақыҭақәа рыбжьара иаадыртит атуристцәа раамҭа ахьырхыргаша аҭыҧ.

22.06.2016
726

Сынтәа Аҧсны аҧсшьацәа зҭаауа аҭыҧқәа рхыҧхьаӡара иацлеит. Иаадыртит аҳаҧы «ОТАҦ АХЫ», иара  убас   шьҭарнахыс “Ольга лыӡхыҽҽарҭақәа” ублала иубартә  аҭагылазаашьа аҧҵоуп.

Гәылрыҧшь араион ақыҭақәа Мархьаули Ҵабали рыбжьара аҧсабара иаҧнаҵаз аблахкыгақәа ируакуп, ажәлар рҟны “Ольга лыӡхыҽҽарҭақәа” ҳәа хьӡыс изауз аҭыҧ ссирқәа. Иахьа уажәраанӡа арахь ахалареи албаареи акыр иахьуадаҩыз анаҩс, иагьшәарҭан. Сынтәа арратә мҩа хада аҟнытә амҩаду ҟаҵаны ,афымца лашара наганы ,Ольга лыӡхыҽҽарҭақәа ирыҵанакуа  аҧсабара зегьы ирбаратәы аусурақәа нагӡоуп.Аиҩхаа иҭасуа аҧша хьшәашәа ,кьыс змам ашәаҧыџьаҧ ,убла хызкуа аӡхыҽҽақәа уахьдыршанхо анаҩс, уҧсы удыршьоит.Знык иадамзаргьы арҭ аҭыҧқәа ирҭааз, даҽазнык  Ольга лыӡхыҽҽарҭақәа рахь ҳәа арахь игәы ихо далагоит.

Абас еиҧш ҳганаҿы  иҟоу аҧсыршьага Аҧсны  иқәынхо реиҳараҩӡак ирымбаӡац,аҧсшьацәеи аныҟәаҩцәеи алаҳамҵозаргьы.Аӡхыҽҽарҭақәа рахь шьапыла инеирц зҭаху шьапымаҭәала еиқәдыршәоит.Изҭаху ишьапы хтны аӡы дҭаланы дныҟәарц илшоит.Аиҩхааҿы ихҵоу ацҳақәа ,аҧсабара иаҧнаҵаз асахьа хадмырҭәаауазар ,иеицаркӡом.Аӡиас ихыҟаҵалоу аҧсуа ҧацхаҿы снатәаны сыҧсы шьаны акы снацҳап ҳәа згәы иҭазкуа аҧсуа милаҭтә чысқәа рнаҩс, ирыдыргалоит егьырҭ афатә хкқәеи,арыжәтәқәеи.Ақыҭақәа Мархьаули Ҵабали рыбжьара иҟоу Ольга лыӡхыҽҽарҭақәа уахынла идырлашоит. Уи збахьоу зегьы алакә ҭыҧ иаҭаазшәа агәалаҟара рызцәырҵуеит.

ДАУР ИНАҦШЬБА  АСҬАМЫР ГӘАЖӘБА,АТ.





Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
15 Август 2018
70
15 Август 2018
59
Араҟа еизгаз аҧара афонд« Ашана »иахыҧхьаӡалахоит .
15 Август 2018
63
Уи иазыҧҵәоу аамҭа иалагӡаны апаспорт аиуразы ашәҟәқәа алазымҵаз ирымоу рдокументқәа амч рцәыӡуеит.
15 Август 2018
57
Аҧсны ахадареи аибашьра аветеранцəеи ашәҭқәа шьҭарҵеит хатәгәаҧхарала иҳацхраауаз иҭахаз рбаҟа амҵан.
14 Август 2018
41
Загрузка плеера
Алаҳәарақәеи адныҳәаларақәеи
АГТРК