Астатистиказы аҳәынқарратә еилакы иаҳхысыз ашықәсазтәи аусура аихшьала ҟанаҵеит.

23.06.2016
808

Имҩаҧысит   астатистиказы  аҳәынқарратә  еилакы 2015 шқәса   азы имҩаҧнагаз  аусура  аихшьаалақәа ирызкыз аилатәара. Уи  далахәын    Аҧыза  - министр Артур  Амқәаб.    Аиҧылара аҿы аҟәшақәа зегь русуразы ажәахәқәа  ирзыӡыҩрит.  

Астатистиказы  аҳәынқарратә  еилакы   аиҳабы Кама   Гогиа  аиҧылара  аартуа  илҳәеит,  шықәсык  иалагӡан  русбараҭа   иалнаршаз  шмаҷым,  аҧхьаҟа  иҟаҵатәу еиҳа   ишырацәоу.    Ҳнапы  злаку  аус  мариам , аха  аинтерес  аҵоуп,-  лҳәеит  уи .  

Аиҧыларахь ааҧхьара  рыман  араионқәа  зегьы  рҟынтә Астатистиказы  аҳәынқарратә  еилакы   ахаҭарнакцәа. Дара аҧыза  аминистр  еилдыркааит   рыҟәшақәа  аус  шыруа,  иарбан  еихьӡарақәоу  ирымоу,   аҧхьаҟа  иззыҧшу  атәы. Кама Гогиа  илҳәеит,  ааигәа  ишаҧҵаз   астатистиказы  аҳәынқарратә  еилакы  ахатәы  саит.  Уаҟа  еизгоуп  астатистиказы  имаҷымкəа  аинформациа.  Аамҭа ҟьаҿк  иалагӡаны  уи  иаҭаахьеит  ҩнызқьи хәышә  инарзынаҧшуа   аинтернет  ахархәаҩцәа.

Астатистиказы  аҳәынқарратә  еилакы    аҿы   иҟоуп жәа-ҟәшак  инареиҳаны. Урҭ  зегьы  рнапы  алакуп  , аҳәынқарра   арҿиаразы  ихадоу  аҭҵаарақәа,  дара   ирымоу  аинформациа  есааира  иацлоит.  Ақыҭанхамҩа,  аекономика, ауааҧсыра  рсоциалтә ҭагылазаашьа,    уҳәа  ирацәоуп  иахьеи  уахеи  урҭ  аус здыруло еиуеиҧшым аусхкқәа ирызкыу аинформациа.  Аҧыза  аминистр  Артур  Амқәаб  иҳәеит,  Астатистиказы  аҳәынқарратә  еилакы     инанагӡо ароль шмаҷым.  «Шәгәы  иҵхо  азҵаарақәа  ҳәа  кыр  шәымазар,  еицаҳаӡбап! Аҳәынқарра  аргылараҿы  астатистика   иалкаау  аҭыҧ ааннакылоит,»- ҳәа   азгәеиҭеит уи .

Аҧыза  аминистр    дазҿлымҳан  араионқәа  рҿы  аҟәшақәа  русура  атәы. Иара  изеиҭарҳәеит,  иахьатәи аамҭазы   ауадаҩрақәа  ыҟамзаргьы,  аинформациала  аиҵахара  шрымам,  русура  шҭышәынтәалоу.
Аҧыза  аминистр  Артур Амқәаб   Астатистиказы  аҳәынқарратә  еилакы   аусура  ахә   бзианы   ишьеит.

Фатима Гьергьиа , Асҭамыр Гәажәба,  АТ.

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
19
Ари атема иазкны анҵамҭа аззырхиоз ҳкорреспондент, дазымхәыцкәа лхы иалырхәаз архивтә кадрқәа, ашкол анҭыҵ иҭыхыз ракәын.
31
Лыхнашҭа ауааҧсыра рацәан. Зехьынџьара еиҿкаан еиуеиҧшымыз ажәытә хәмаррақәа.
29
Ари ацәыргақәҵаҿы асахьақәа ахәшьара рырҭон зҧышәа ҳараку асахьаҭыхҩцәа.
42
Урҭ рҟны еуеиҧшым атемақәа ирылацәажәон Аҧсныи Урыстәылеи рхаҭарнакцәа .
Алаҳәарақәеи адныҳәаларақәеи
АГТРК