Аҧсныҟа иаагоуп амедицинатә мыруга ҿыцқәа.

23.06.2016
886

Арҭ амедицинатә мыругақәа рызшан ҳтәыла ахәышәтәырҭақәа.

Анаркозтә аппарат- амедицианаҿы зыда ҧсыхәа ыҟам акәны иҟоуп.  Иара аҭахуп аҧҟарақәа раан  ауаҩы ихьаа ахҽразы.

Ҳтәылаҿы ҿыц еиҭашьақәыргылаз ахәышәтәырҭақәа жәпакы рҿы иара ыҟамызт.  Аинвестициатә программа аҳәаақәа ирҭагӡаны, Аҧсныҟа раагара алыршахеит анаркозтә мыругақәа жәаба. Урҭ рахьынтә хәба аҭахоит Ареспубликатә хәышәтәырҭа, хҧа - Гәдауҭатәи араионтә хәышәтәырҭа. Аппаратқəа акака рыҭахоит анаркологиатәи атуберкулиозтәи диспансерқәа. Агәыӡера иҟоу атуберкулезтә диспансер ҳтәылаҿы изаҵәу хәышәтәырҭоуп. Аҿкы чымазара змоу ргәабзиара ахьеиҭашьақәдыргылоу рзы ихымҧадатәиуп ахәышәтәырҭаҿы ахатәы хирургиатә ҟәша ыҟазарц, – иҳәоит атуберкулезтә диспансер аиҳабы Џьамбул Гоҧиа. Уи азы ҿыц иаагоу амедициантә мыруга цхыраагӡа бзиоуп.  

Анаркозтә аппарат аҭахын анаркологиатә диспансер аҿгьы. «Ахәыштәырҭа аусзуҩцәа зегьы ҳаззыҧшыз ауп,»- иҳәоит адиспансер аҳақьым хада Лев Аргәын. Уаанӡа аҧҟарақәа зегьы Агәыӡератәи арратә госпиталь аҿы иҟарҵозҭгьы, аринахыс иҟоуп алшара – ахәыштәырҭа аҩныҵҟа амҩаҧгара , иҳәоит иара.

Ахәыштәырҭақәа реиҳабацәа иазгәарҭон, мышқәак ирылагӡаны амыругақәа шышьақәыргылахо. Анаҩс еиҭа иаарлсны иаагахоит аҧҟарақәа раан ицхыраагӡоу алашарбагақәагьы. Усҟан ауп ахәыштәырҭақәа рҿы ахирургиатә ҟәша ишақәнагоу аусура ианалаго.

Альбина Жьиҧҳа, Беслан Чхьынџьериа ,АТ.  



Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
5
Аҭыжьымҭаҿы:Сергеи Багаҧшь ибаҟа ақәыргыларазы аконкурс рылаҳәахоит. Амонументалтә ҟазаразы аҳәынҭқарратә комиссиа аилатәара аихшьаалақәа.
11
Ахәаҧшцәа хәыҷқәа идырбан ауаҧс жәлар рҳәамҭақәа рмотивқәа рыла иқәыргылоу «Ашьхақәа рлегенда» захьӡу аспектакль.
5
Аминистрра асаит аҿы иаҧҵоуп ашәахтәшәаҩы иуада захьӡу амаҵзура.
3
Уаҟа ирылацәажәеит Аҧсны иналукааша аполитикатә усзуҩцәеи, аруааи, аҟазара аусхки рҿы зыхьӡ нагоу рбаҟақәа рықәыргылара азҵаара.
Алаҳәарақәеи адныҳәаларақәеи
АГТРК