Ӡыла еиқəыршəахоит Мықə ачаисовнхара аиланхарҭа ҭыҧ.

23.06.2016
687

Аиланхарҭа  ӡыла аиқәыршәаразы  аусурақәа мҩаҧысуеит Аҧсны асоциал-економикатә ҿиаразы акомплекстә план инақәыршәаны. Аибашьра ҟалаанӡа, Мықәтәи ачаисовынхара акыр  ибеиаз иреиуан. Араҟа инхо ауааҧсыра рзы иаҧҵан рбзазара зырманшәало аҭагылазаашьақәа зегьы. Урҭ иреиуан ақалақь аҿы аиҧш, ауаа рыҩнқәа рахь аӡы еиҧҟьарада иахьааиуаз. Аибашьраан аӡымҩангагақәеи, аӡеизгарҭақәеи ааха рыҭан, аибашьра ашьҭахьтәи ашықәсқәа рзы дара рҭагылазаашьа еиҳагьы еицәахеит, ижьақцеит, џьара - џьара зынӡа иҵырхит. Ҳәара аҭахума аӡы змамыз ауааҧсыра, ауадаҩрақәа рацәаны ишрызцәырҵуаз. Аамҭак азы аӡы амашьына дуқәа рыла ирзааргон. Аха, ӡыда нхашьа ыҟам, аӡы изаны аиура дара рзы иҟамыз иаҩызан.

Анхацәа  изныкымкәа аҳәара ҟарҵахьан ацхырааразы. Аҧсны асоциалтә ҿиаразы акомплекстә план аҳәаақәа ирҭагӡаны, арҭ аусурақәа ирзоужьын ҩажәа миллион мааҭ. Уажәы аӡымҩангагақәа рышьҭаҵара иаҿуп. Мықә арха аҟынтәи хнызқьи аашә метра аӡеизгарҭахь  аӡы харгалоит. Аха уаантәи аӡеихшаразы жәаф километра еиҳаны аура аҭаны амҩангагақәа шьҭаҵатәуп. Араҟа  иқәгылоу ҩажәи жәаба тонна зкуа аизгарҭақәа ҩба, ара инхо ауааҧсыра зегьы еиҧҟьарада ӡыла реиқәыршәара алдыршоит. Ишьақәдыргылоит аӡы анашьҭра алзыршо    анасос.

Аусурақәа знапы алаку иазгәарҭоит, макьана ишырзымдыруа аамҭа шаҟа рҭаху. Аха дара хыдҵас ирымоуп иахьынӡауала ирласны аӡы ауаа рҟынӡа инеиуа аҟаҵара.

Алиас Корсаиа, Анатоли Маланиа,АТ.


Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
15 Август 2018
45
15 Август 2018
39
Араҟа еизгаз аҧара афонд« Ашана »иахыҧхьаӡалахоит .
15 Август 2018
43
Уи иазыҧҵәоу аамҭа иалагӡаны апаспорт аиуразы ашәҟәқәа алазымҵаз ирымоу рдокументқәа амч рцәыӡуеит.
15 Август 2018
41
Аҧсны ахадареи аибашьра аветеранцəеи ашәҭқәа шьҭарҵеит хатәгәаҧхарала иҳацхраауаз иҭахаз рбаҟа амҵан.
14 Август 2018
37
Загрузка плеера
Алаҳәарақәеи адныҳәаларақәеи
АГТРК