Анҵамҭа ҷыда. Аҭоурыхтə обиектқəа рҭагылазаашьа инамаданы.

23.06.2016
731

Кьалашәыртәи аҭӡы ахь иаҵанакуа ажәытә ргыламҭақәа аҭоурыхтә кәультуратә ҭынхақәа рахь иаҵанакуеит. Аха дара рҭагылазаашьа уашәшәыроуп. Аҳәира зхиааны иҟоу аҭыӡқәа абгара иаҿуп. Ари абаагәара  ахәҭақәа Аҧсны иахьаҵанакуа акырџьара иуҧылоит, Отаҧ ақыҭан Абраскьыл иҳаҧы азааиәгара иҟоу ракәзар, урҭ хылаҧшра рымоуп, шықәсык ахь ҩынтә идрыцқьоит. Аҧсны акультуреи аҭоурыхтә-кәыльтуратә ҭынхеи рыхьчаразы аминистр лхаҭыҧуаҩ Баҭал Кобахьиа иусутә ныҟәара азкын арҭ аҭоурыхтә обиектқәа рҭагылазаашьа агәаҭара.

Отаҧ ақыҭаҿы имаҷӡам аҭоурыхтә кәультуратә ҭынхақәа рахь иаҵанакуа аобиектқәа. Урҭ рахьтә ирацәоуп иҭҵаами иаартыми. Аха зегь реиҳа хәы змоу иреиуоп Кьалашәыртәи аҭӡы ахәҭақәа. Иазгәаҭатәуп, урҭ араҟа ҩынҩажәи жәаф цыра ишреиҳау. Шамахамзар, метрала еиҟараны изыбжьоу абаашқәа абгара иалагахьеит. Избан акәзар, дара ирхыҵәаз абна иарбгоит. Аҵла адацқәа ажәытәтəи ашьых иазынкылом, знык аиқәҵа аҵиаақәа аныбжьала, аамҭа кьаҿк иалагӡаны иҧнаҽуеит.

Кьалашәыртәи аҭӡы адунеи аҿы зегь реиҳа аура змоу аҭыӡқәа хҧа ирхыҧхьаӡалоуп. Макьана иҭҵаау маҷуп, аха ишьақәыргылоуп иара аҭыҧантәи архитектуратә стиль ишаҵанакуа. Ажәытәтəи ауаа рзы иара хырҕәҕәарҭан. Иҟоу аҳәамҭақәа рыла, аҕа данқәылалалк, араҟа иқәгылаз аҧшыхәыҩцәа амца еиқәырҵон, анаҩс уи  еибадыркуан баашцыҧхьаӡа. Харантәи амца збаз ауааҧсыра ракәзар, ирдыруан шәарҭарак шыҟалаз, иахьӡон ахыҧхьакра, мамзаргьы аҕа иҿагыларазы аҽеиқәыршәара. Аҳәамҭақәа аҵакы рымоуп, аха ҳазҭоу аамҭазы арҭ аҭоурыхтә ҭынхақәа рҭагылазаашьа хылаҧшра  бзиа аҭатәуп.

Абаашқәа жәаба инарзынаҧшуа Абраскьыл иҳаҧы азааигәара иҟоуп. Ари аҳаҧы аусзуҩцәа лассы-лассы дара дрыцқьоит, абна карҿоит, абаашқәа рҭагылазаашьа хылаҧшра арҭоит. Избан акәзар, дара ибзианы еилыркаауеит арҭ аобиектқәа аҩбагьы еиҟәыҭхашьа рымамкәа ишеидҳәалоу. Акы аҧсабара иҟанаҵаз баҟоуп, егьи аҭоурых ажәытәра иагәыларсуп. Иҟалап арҭ абаашқәа зыргылоз ауаа ари аҳаҧаҿы инхозҭгьы. Издыруада ари азҵаара аҭак. Абраскьыл иҳаҧы анаартыз ашықәс ҭкааны ишьақәыргылаӡам. Идыру акоуп, амҳаџьырра аҟалара акыр шықәса шыбжьазгьы, уи рыҧшаахьан. Аҳаҧы аартҩы Маџьыгәа Адлеиба ари ақыҭа датәын. Иара машәыршәа ауп уи аҭаларҭа шыиаҧшааз, ишырҳәо ала ,усҟан аҳаҧы зҵоу абахәқәа рҟынтәи аҵеџь ҭылышьцаарахь дылбааит зыҟаҵарак имаӡамкәа. Иахьа аҳаҧы аартуп аҧсшьаҩцәа рзы. Ессышықәса уи иаҭаауа рхыҧхьаӡара иазҳауеит.

Кьыс змам аҳаҧы аҧсабара  адгьыл аҵа ишақәашьу еиҧш, аџьшьара зцу ацәаныррақәа узцәырнагоит.
Аҳаҧахьы иаауеит  аҭыҧантәи ауааҧсыра реиҧш аҧсшьаҩцәагьы. Дара рзы аекскурсиақәа мҩаҧыргоит аинструкторцәа ҧшьҩык. Дара асасцәа ирзеиҭарҳәоит ари аҳаҧы иадҳәалоу аҳәамҭақәеи, ахьӡ ахьынтәиаауеи.

Баҭал Кобахьиеи, Шандор Ҟаитани аҳаҧы иҭаланы игәарҭеит, иҭырхит. Дара иахьа еизыргаз аматериал цхыраагӡахоит аҭоурыхтәи –культуратә ҭынхақәа рыхьчараҿы информациак аҳасаб ала.


Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
24 Маи 2018
19
Активла рхы аадырҧшит ашколқәа реиҧш , ақалақь аҟны иҟоу аусбарҭақәа зегьы.
24 Маи 2018
31
Араион ахадара, амчратә усбарҭақәа рхаҭарнакцәа, ақалақьуаа - досу ирылшоз ала рықалақь дрыцқьон.
24 Маи 2018
30
Шьыжьнаҵы , асааҭ ааба инаркны Аҟәа ақалақь еиуеиҧшым аиҿкаарақәа , анаплакқәа , ашколхәыҷқәа , арҵаҩцәа дасу идрыцқьарц ирыдыз аҭыҧқәа рҿы аҽеизгара иалагахьан .
Загрузка плеера
Алаҳәарақәеи адныҳәаларақәеи
АГТРК