Абаталион "Горец" аветеранцəа иргəаладыршəеит Ахбиук ашьхаҿы иҭархаз рҩызцəа.


Ииуль 4, 1993 шықәса рзы, Аҳбиуқ  аҳаркыраҿы  иҭархан 46-ҩык аҧсуа еибашьцәа  зҭатәаз аверталиот. Ари арыцхә Аџьынџьтәылатәи еибашьра аҭоурых адаҟьақәа рҿы, зегь реиҳа аҧсҭбара зцу арыцхәқәа ирхыҧхьаӡалоуп. Иҭахаз аибашьцәа зегьы ргәалашәара аҳаҭыраз рҭаацәа, рҩызцәа, аветеранцәа, Ахьӡ Аҧша апарк аҿы ишьҭарҵеит ашәҭқәа.    

Есышықәса ииуль ҧшьба рзы Ахьӡ аҧша апарк аҿы еизоит аибашьра ахлымӡаах еиднакылаз ауаа. 23 шықәса раҧхьа, Аџьынџьтәылатә еибашьра анцоз, хаз игоу ахысратә баталион «Горец» аибашьцәа зҭатәаз аверталиот адҵа ҷыда анагӡараан еихсны иҭархан. Урҭ рыҧсыбаҩ анышә иахьамадоу аҭыҧан ихырхәарц, даҽазныкгьы иргәаладыршәарц, уахь инеит иҭахаз ранацәа, рҭынхацәа, аибашьра аветеранцәа.

Лиана Кәыбраа лычкәынцәа ҩыџьа аибашьраан иҭахеит. Руаӡәы Виталии Кәыбраа Аҳбиуқ иҭархаз аверталиот дҭаблит, ан аибашьра еилгааанӡа, илыздыруамызт лҧеиҳаб дышҭахаз, уи аҧхьа Баслахә иршьыз лҧа агәыбжьанытә Ремзик изы дџьабон, убри аҟнытә игәаҕьыуацәан еиҭа ажәабжь еиқәаҵәа лаҳәара. Аишьцәа Виталии Ремзики аибшьра раҧхьатәи амшқәа инадыркны абџьар шьҭырхит, уи аҧхьа ҧшьынҩажәи жәба шықәса рзы иҟаз аидысларақәагьы ирылахәын.

Гәымсҭатәи афронтахь ииасыз Виталии иан иӡбахә лыздыруамызт, зны марттәи ажәылараан дҭахеит ҳәа ларҳәахьан, аха ус акәымхеит. Анаҩс Аҳбиуқ агаразы иҟаз адҵа ҷыда далахәхоит, убраҟагьы дҭахоит.  Аишьцәа Виталии Ремзики иранашьоуп “Агәымшәараз” амедалқәа. Аҳбиуқ  икаҳаз аверталиот дҭан Беслан Чакориа иаб, Хьизан. Беслан ихыҵуан шықәсык иаб данҭахоз, уи зынӡаск дигәалашәом, аха иҳәоит иахьа иара иааигәа дыҟазҭгьы, иҧсҭазаара даҽакала ишыҟаларыз.

Аҳбиуқ аибашьраан, иара егьырҭ аҳаракырақәа реиҧш, астратегиатә ҟазшьа аман, ихадаран иара аанкылара, аха уи ус имариамызт, ақырҭуа еибашьцәа урҭ аҭыҧқәа ирыкәшан итәан. Аҳбиуқҟа иҧрыз аверталиот “МИ-8” атәаха амҭакәа агранатаршәгала еихсуеит, иаразнакгьы амца акуеит.  Уа иҭаз 46-ҩык аибашьцәа аҭыҵра рҽазыршәоит, аха ирыкәшаз ақырҭуа аруаа реихсра иалагоит.  Наҟ-ааҟ аҧсра ибжьагылаз  аҧсуа еибашьцәа аҵыхәтәанынӡа ихысуан, аха амчқәа еиҟарамызт.  Анцәа илҧхала жәохәҩык аверталиот иҭаз аибашьцәа иахьа рыҧсы еиқәханы иҟоуп, аха аҧсра абла иҭаҧшыз дара, ргәалашәарақәа реиҭаҳәара рцәыуадаҩуп, ирҳәоит иҭахаз рҩызцәа аибашьцәа гәымшәақәа ззырҳәо шракәыз.

Аџьынџьтәылатә еибашьраан игаз аиааира аҟынӡа иҟан аҧсуа еибашьцәеи акомандаҟаҵаҩцәеи ирықәымҿиаз аоперациақәа. Урҭ раан иҭахаз ргәалашәара рыцуп зыҧсы еиқәхаз рҩызцәа.

льбина Жьиҧҳа, Ҭемыр Гогохьиа,АТ.


Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
22 Февраль 2018
32
22 Февраль 2018
17
«Ишьхатәылоу Аҧсны» афонди, аурыс-географиатә еилазаареи Москватәи рштаб квартираҿы аусеицуразы аиқәшаҳаҭра рнапы аҵарҩит, жəабран 21 рзы.
22 Февраль 2018
101
Ари арыцхә аҳаҭыр азы аусмҩаҧгатә еиҿкаан Аҟәатәи ацәыргақәҵатә зал хадаҿы .
21 Февраль 2018
130
Аҭыжьымҭаҿы:Харада иҭархаз ргәаларшәаразы. Гәдоуҭатәи апарк аҿы аныҳәарҭа аргылара иацхраарц зҭаху рзы ахыҧхьаӡаларҭа аартуп.
21 Февраль 2018
104
Раҧхьаӡа акәны,  уи аҳәаақәа ирҭагӡаны далкаахоит ашықәс зегь аҩнуҵҟа Аҟәафон хаҿыс иаиуа аҭыҧҳа.
Загрузка плеера
Алаҳәарақәеи адныҳәаларақәеи
АГТРК