Аҟәа имҩаҧысуаз Аҧсны амҵәышәымпыл Афедерациа раҧхьатәи ахада Сергеи Багаҧшь ихьӡ зху ахацәа рыбжьара инеиҵыху жәларбжьаратәи атурнир хыркәшоуп.

06.07.2016
631

Хәымш Аҟәа имҩаҧысуаз Аҧсны амҵәышәымпыл Афедерациа раҧхьатәи ахада Сергеи Багаҧшь ихьӡ зху ахацәа рыбжьара инеиҵыху жәларбжьаратәи атурнир хыркәшоуп. Уи иалахәын ф-командак.

Атурнир аҵыхәтәантәи аиҧылараҟны еицлабуан Аҧснытәии Волгоградтәи акомандақәа. Ахәмарра аҽеиҩшамҭаз 44-43 ҳәа ҳахәмарыҩцәа аҧыжәара ргон. Ахҧатәи ахәҭаҟны еицеиҧшны ихәмаруан, аха ус шакәызгьы 60-61 ҳәа асасцәа раҧхьаҟа иоужьны ҳамҵәышәампыл асыҩцәа ҧсшьара ицоит. Аҵыхәтәантәи, аҧшьбатәи ахәҭа алагамҭаз, ҳарҧарацәа ажәыларахь ииасит, инеишьҭарххны ҩ-мпылк ҭадыршәуеит. Аха аҵыхәтәан рааҧсара рныҧшуеит.

Азеиҧш еихшьаалақәа рыла ,актәи аҭыҧ агеит Волгоградтәи акоманда “РОДИНА.” Иазгәаҭатәуп, ари шкоманда ҕәҕәоу, абар ҧшьышықәсоуп дара ахраҿа хада рыманы рыҩныҟа ихынҳәуеижьҭеи.  
Аҩбатәи аҭыҧ агеит раҧхьаӡакәны ари атурнир иалахәыз Донецктәи жәлар рреспублиука ахәмарыҩцәа. Ахҧатәи аҭыҧ - Славенск на Кубани, аҧшьбатәи - Черкессктәи акоманда “Ельбрус”, ахәбатәи Аҧснытәи еизгоу акоманда, афбатәи – “Температурный режим” захьӡу Черкессктәи даҽа командак.

Есышықәса ари атурнир мҩаҧыргоит Аҧсны амҵәышәампылтә федерациеи Абаҩрҵәыреи аспорти рзы аҳәынҭқарратә еилаки, иара убас адгылара анаҭоит амобилтә еимадара А-мобаил. Иазгәаҭатәуп, сынтәа раҧхьаӡакәны амҵәышәампылтә турнир ацхыраара шанаҭо апартиа “Аҧсны акзаара”.  
Иреиҕьӡоу ахәмарыҩцәа ҳәа иалкааз зегьы иранашьан “Аҧсны Акзаара “аҟынтә аҳамҭақәа, С. У. Багаҧшь иҭаацәа иаҧшьаргаз иҷыдоу аҳамҭа ианаршьеит аҧсуа команда аҟны Иреиҕьу амҵәышәампыл асыҩ ҳәа иалкааз Наур Логәуа.

Аҧсны аҽыбҕаҟазара афедерациа ахьӡ ала аӡбаҩ хада Алеқсандр Банников аҳамҭа ианашьан.
Волгоградтәи акоманда азы ихәмаруа Волгоград ақалақь ахада Андреи Владимир-иҧа Косолапов Аҟәа  ахада Адгәыр  Ҳаразиа аҳҭнықалақь 2500 шықәса ахыҵра аҳаҭыр азы адныҳәаларатә шәҟәы ианаишьеит.
Аофициалтә хәҭа анаҩс, акомандақәеи аиҿкааҩцәеи еидгыланы афотосахьақәа еицҭырхит.

Асҭанда Оҭырҧҳа ,Зорро Бигәаа, АТ


Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
22 Маи 2018
70
Астудиа «Ама Рекордс» амузыкантцәа ҿыц аус рыдырулеит ижәытәӡатәиу аҧсуа жәлар рашәақәа.
22 Маи 2018
71
Уи авторс дамоуп, апрофессор, ажурналист, афилологиатә наукақәа рдоктор Екатерина Бебиаҧҳа.
22 Маи 2018
52
Ашкол анапхгара ауадақәа руак аҿы еиҿыркааит Кьыршьал Чачхалиа ифотоцәыргақәҵа.
22 Маи 2018
61
Урҭ аҕба маҷқәеи анышьқәеи зырныҟәо азин рымоу ирымаму еилыркаауеит.
21 Маи 2018
19
Аҭыжьымҭаҿы:Аибашьра аасҭа еицәахаз. Аҧсны иазгәарҭоит Кавказтәи аибашьра иалаӡыз ргәаларшәара амш.
21 Маи 2018
11
Иҟаҵатәузеи ақалақь ахьчаразы? Иактуалтәу анҵамҭа.
Загрузка плеера
Алаҳәарақәеи адныҳәаларақәеи
АГТРК